Փաստաթղթերի ստորագրությունների իսկությունը վավերացնելու համար 30 միլիոն դրամի գանձում. «Փաստ»
«Փաստ» օրաթերթը գրում է.
Ըստ ՀՀ արդարադատության նախարարության ամփոփ տեղեկատվության, 2017 թ. հունվար–մարտին համակարգում վավերացվել է 118 հազար 10 գործ, իսկ գանձված պետական տուրքը կազմել է 120 միլիոն 900 հազար դրամ: Մեկ գործարքի հաշվով գանձված պետական տուրքը կազմել է 1 միլիոն 200 հազար դրամ: Այս մասին տեղեկանում ենք Ազգային վիճակագրական ծառայության պաշտոնական կայքից:
Ըստ այդմ, նախորդ տարվա ընթացքում անշարժ գույքի օտարման պայմանագրերի վավերացման արդյունքում կնքվել է 5 հազարից ավելի գործարք, որից 3725 վերաբերում են բնակելի տների կամ բնակարանների, իսկ 1436–ը՝ հողամասերի օտարմանը: Նշված 5 հազարից ավել գործարքների վավերացման արդյունքում գանձվել է 23 միլիոն 24 հազար դրամ:
Նոտարական ծառայության կողմից անշարժ գույքի վարձակալության պայմանագրերի վավերացման գործարքների թիվը 5 անգամ քիչ է վաճառքի պայմանագրերի թվից, այն կազմել է 1098: Սրա արդյունքում գանձնված գումարը կազմել է 4 միլիոն 399 հազար դրամ:
Եթե վաճառքի պայմանագրերի վավերացման գործարքներում գերակշռում էին բնակարանների գործարքները, ապա վարձակալության պայմանագրերի դեպքում հակառակ պատկերն է՝ այստեղ ավելի շատ են հողամասերի վարձակալությանը վերաբերող գործարքները: Մասնավորապես նոտարական վավերացմամբ վարձակալության է հանձնվել 134 բնակարան և 214 հողամաս: Մնացած 750 գործարքի բնույթը հայտնի չէ, դիմացը գրված է միայն այլ:
Շարժական գույքի վերաբերյալ պայմանագրերի վավերացման արդյունքում կնքվել է 243 գործարք, որի դիմաց գանձվել է 1 միլիոն դրամից մի փոքր ավելի գումար: Սրանից ավտոտրանսպորտային միջոցների օտարման վերաբերյալ գործարքների թիվը եղել է 177:
Ըստ այս նույն վիճակագրության՝ նախորդ տարի վավերացվել է շուրջ 900 կտակ, ավելի ստույգ՝ 882, որի դիմաց քաղաքացիներից գանձվել է ընդհանուր առմամբ 1 միլիոն 774 հազար դրամ: Հետաքրքիր է, որ 2016 թ. ընթացքում փաստաթղթերի պատճենների կամ դրանց քաղվածքների իսկության վավերացման գործերի քանակը եղել է 4 հազար 654, որի համար գանձվել է 2 միլիոն 968 հազար դրամ:
Հատկանշական է, որ նախորդ տարվա նոտարական վավերացմամբ կնքված պայմանագրերից ամենից շատ եկամուտ է բերել փաստաթղթերի վրա եղած ստորագրությունների իսկության վավերացումը, որի «շնորհիվ» պետբյուջե է ուղղվել 31 միլիոն 155 հազար դրամ:
Նախորդ տարի քաղաքացու ողջ լինելու փաստի հաստատման համար նոտարական ծառայություններից է օգտվել 12 մարդ, ովքեր միասին այդ ծառայության համար վճարել են 24 հազար դրամ: Ապացույցների ապահովման հարցով դիմել է ընդամենը 2 քաղաքացի, որի համար յուրաքանչյուրը վճարել է 2 հազարական դրամ:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
