Իշխանական ինքնահոշոտում. Կապանում ՀՀԿ-ն կպայքարի ՀՀԿ-ի դեմ
armenia24.info / Մեր ունեցած հավաստի տեղեկություների համաձայն, նոյեմբերի 5-ին Կապանում նախանշված ավագանու ընտրություներից առաջ քաղաքում բավական անորոշ վիճակ է: Որքանով կարելի է հասկանալ, հայաստանյան հիմնական քաղաքական ուժերը որոշել են ձեռնպահ մնալ ընտրություններին ուղիղ մասնակցությունից, ինչի արդյունքում իշխող Հանրապետական կուսակցությունը ընտրություններին կմասնակցի միայնակ: Հետաքրքրականը, սակայն, այն է, որ ՀՀԿ-ն դեռ չի կողմնորոշվել թեկնածուի հարցում: Խնդիրն այն է, որ այս պահին դիտարկվում է քաղաքապետի երեք թեկնածու՝ գործող քաղաքապետ Աշոտ Հայրապետյանը, Սյունիքի մարզպետարանի աշխատակազմի ղեկավար Ռուդոլֆ Սարգսյանը և ՀՀԿ շրջանային խորհրդի ղեկավար Ռոմիկ Սարգսյանը: Ընդ որում, հետաքրքիր է, որ գործող քաղաքապետը կրկին առաջադրվելու հեռանկարից այնքան էլ գոհ չէ, քանի որ, ըստ շրջանառվող լուրերի, Աշոտ Հայրապետյանի և մարզպետ Վահե Հակոբյանի հարաբերությունները բավական լարված են: Ոչ այնքան հարթ են նաև մարզպետի և Ռոմիկ Սարգսյանի հարաբերություները՝ հատկապես այն բանից հետո, երբ այս տարվա գարնանը՝ Կապանի շրջանային հիվանդանոցում տնօրենի պաշտոնակատար Ռոմիկ Սարգսյանը ազատվեց պաշտոնից՝ տեղը զիջելով Վահե Հակոբյանի մերձավորներից մեկին՝ այն դեպքում, որ պաշտոնավարման չորս ամսվա ընթացքում Սարգսյանը հաջողացրել էր բացառել հիվանդներից բժիշկների պարբերական շորթումները, կարգավորել էր անվճար դեղամիջոցների բաշխման խնդիրը, ինչպես նաև կարողացել էր շուրջ չորս անգամ մեծացնել հիվանդանոցի եկամուտները: Ինչ վերբերում է Ռուդոլֆ Սարգսյանին, ապա նա, չնայած համարվում է մարզպետ Վահե Գևորգյանի թեկնածուն, Կապանում բավական վատ համբավ ունի, քանի որ մինչ վերջին փոփոխություները, նա արդեն նախկին մարզպետ Սուրիկ Խաչատրյանի շահերի սպասարկուն էր, սակայն շատ արագ լքելով նախկին «պատրոնին»՝ նույն ջերմեռանդությամբ այժմ ծառայում է Վահե Հակոբյանին: Այսուհանդերձ, դեռևս պարզ չէ, թե վերը նշված անձանցից ո՞վ կդառնա քաղաքապետի հիմնական թեկնածու, քանի որ, ըստ մեր աղբյուրների, ՀՀ նախագահ, ՀՀԿ ղեկավար Սերժ Սարգսյանը հրաժարվել է ուղղակիորեն աջակցել թեկնածուներից որևէ մեկին՝ չցանկանալով նեղացնել ո՛չ կուսակցական հին ընկերոջը՝ Ռոմիկ Սարգսյանին, ո՛չ գործող քաղաքապետին, ո՛չ էլ մարզպետ Վահե Հակոբյանին: Որպես խնդրի լուծում Սերժ Սարգսյանն առաջարկել է Կապանում և մարզկենտրոնին միացված համայնքներում անցկացնել վարկանիշային ներքին հարցումներ: Սերժ Սարգսյանի մտահղացման համաձայն, թեկնածուներից նա, ով առավել ժողովրդականություն կվայելի, կստանա կուսակցության աջակցությունը և նոյեմբերի 5-ին անցկացվելիք ընտրությունների արդյունքում կզբաղեցնի Կապանի քաղաքապետի աթոռը:
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
