Ֆիրդուսի բնակիչ. «Մեր դիմաց դուբինկաներով ոստիկաններ էին կանգնել, մենք հանցագործնե՞ր ենք». «Փաստ»
«Փաստ» օրաթերթը գրում է.
Հուլիսի 19–ին Երևանի քաղաքապետարանի որոշմամբ սկսվեց Ֆիրդուսի շուկայի ապամոնտաժումը: Մասնավորապես, նույն օրը երեկոյան քաղաքապետարանի և ոստիկանների ուղեկցությամբ շուկա բերվեց շինտեխնիկա՝ կոյուղագիծ փորելու նպատակով: Ինչին էլ հաջորդեց առևտրականների տաղավարների ու ծածկերի ապամոնտաժումը: Երեկ առավոտյան «Փաստի» տեսախցիկը ֆիքսեց, որ Ֆիրդուսի շուկայում առևտրականների կողմից իրականացվող ապամոնտաժման աշխատանքները շարունակվում են:
Մի կողմից առևտրականները հույսները կտրած, սուսուփուս իրենց եկամտի միակ աղբյուր հանդիսացող տաղավարներն էին ապամոնտաժում, մյուս կողմից էլ` տարածքի բնակիչները հավաքվել էին կառավարության շենքի դիմաց՝ հույս ունենալով խնդրի հետ կապված հանդիպել ու խոսել վարչապետի հետ:
Կառավարության դիմաց կանգնած Ֆիրդուսի բնակիչներից մեկը դիմելով մեզ՝ ասաց, որ անցնող տուրիստներին էլ նկարեմ. «Իրանց նկարի, իրանց համար ա արվում էդ ամենը, որ գան սրճարաններում նստեն, զվարճանան, իսկ մենք պիտի էսպես պատերի տակ նստենք, մեզ ասեն՝ չեմոդանները կապի»:
Ըստ հավաքված կանանց՝ իրենց այդպես էլ ոչինչ չեն պատասխանել և իրենք տեղյակ չեն, թե ինչու նախկին պայմանավորվածությունը խախտվեց:
«Ոչ մի բան էլ չեն պատասխանում, մարդատեղ չեն դնում, ոչ թուղթ, ոչ մի բան: Փոխքաղաքապետ Դավիթ Օհանյանն ասում ա՝ ես էդ թղթերը արհամարհում եմ: Մենք ասացինք, որ անհատ ձեռներեցի հետ կնքված պայմանագրի ժամկետը լրանում է դեկտեմբերի 31–ն, իսկ նա պատասխանեց, թե դա իրեն չի հետաքրքրում և իբր դրանք անօրինական թղթեր են»,– պատմեց բնակինչներից մեկը:
Բնակիչներից Արմինե Իսահակյանն էլ ասաց, որ Օհանյանն իրենց ասել էր , թե այդ փողոցն ունի սեփականատեր, և սեփականտերն այդտեղ մալուխ է անցկացնում: «Քաղաքապետարանը, թաղապետարանը, կառավարության ներկայացուցիչները երեկ եկել են, կաբելը փոխել, փորել: Հիմա ես ուզում եմ իմանալ՝ կաբել փորող կազմակերպություն ա մեր կառավարությունը, քաղաքապետարանը, թաղապետարանն ու ոստիկանությունը: Էդ սեփականտերը ի՞նչ ա արել իրանց համար, որ բոլորով եկան էդ կաբելը փորեցին, ի՞նչ փող տվեց, ի՞նչ խոսք տվեց, ինչպե՞ս եղավ, որ էդ սեփականատիրոջ համար էդ 150 հոգին, պետական ստրուկտուրան եկավ փորեց կաբելը:
Հիմա էստեղ ենք եկել, որ տեսնենք՝ մեզ ինչ ա սպասվում: Տեսնենք, թե էդ կաբել փորողները գալու են նաև մեր տները քանդե՞ն, մեզ հանե՞ն, գցե՞ն դուրս: Ուզում ենք հասկանալ՝ սա ո՞ւմ կառավարությունն ա, մե՞ր, թե մենակ հարուստների ու պաշտոնյաների: Երեկ էդ բարիկադների մի կողմը ժողովուրդն էր կանգնած, մյուս կողմը` թաղապետարանը, քաղաքապետարանը, կառավարությունն ու ՄՎԴ–ն: Ըտենց ա պետությունը լինո՞ւմ: Թող մեզ ցուցակ ներկայացնեն, ասեն էսքան մարդ իրավունք ունի էս պետության մեջ, 1000, 2000 հոգի, մենք էլ սաղս թողնենք, ստեղից գնանք ընենց երկիր, ուր մարդը գոնե ապրելու իրավունքներ կունենա:
Սեփականտիրոջ հանար ամբողջ գոսստրուկտուրան եկել ա, կաբելա փորում: Մենք սկի տուն չենք կարողանում մտնել, ճանապարհը փակել են: Հիմա վաղը կարող ա սեփականատերը գա, ըտեղ շլագբաում կամ տուռնիկետ դնի ու ասի չեմ թողնում իմ սեփականության վրայով դու գնաս–գաս քո տուն: Ի՞նչ ենք անելու, երեկ կարողացա՞նք մի բան անել, որ այսօր անենք»,– ասաց Արմինեն:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
