Թվով 6–րդ հանձնաժողովը կամ կոռուպցիայի դեմ պայքարը` հանուն կոռուպցիայի. «Փաստ»
«Փաստ» օրաթերթը գրում է.
Մեր հյուրն է «Հայ Ազգային Կոնգրես» կուսակցության վարչության անդամ Արամ Մանուկյանը
– Պարոն Մանուկյան, խորհրդարանը առաջին ընթերցմամբ ընդունեց կոռուպցիայի կանխարգելման հանձնաժողով ստեղծելու օրինագիծը: Այդ հանձնաժողովի գործունեությունն արդյունվետ կլինի՞ քաղաքական մեր համակարգի պայմաններում:
– Բնականաբար` ոչ: Եվ Հայաստանում չկա որևէ մարդ, ով կհավատա այդ մարմնի արդյունավետությանը: Եթե կա, ապա թող ես լինեմ երկրորդը:
– Եվ` ինչո՞ւ:
– Եթե տարիներ առաջ խոսում էինք կոռուպցիայի և իշխանությունների սերտաճման մասին, ապա հիմա ձևավորվել է լրիվ նոր երևույթ: Ներկա խորհրդարանը փողով առնված մարդկանց խորհրդարան է: Այսինքն` մենք ունենք քաղաքական կոռուպցիայի լայնածավալ երևույթ: Մի բան, որ մինչ այս չի եղել: Եվ փաստորեն այն խորհրդարանը, որը պետք է կազմակերպի կոռուպցիայի դեմ պայքարը, ինքն է կոռուպցիայի արդյունք:
Ուստի, բնականաբար, նման փչացած համակարգով չի կարելի պայքարել կոռուպցիայի դեմ: Որովհետև համակարգը չի կարող պայքարել ինքն իր դեմ: Առավել ևս, երբ այդ մարմինը հենց կոռուպցիայի արդյունք է. եթե կոռուպցիա չլիներ, չէր լինի նաև նման խորհրդարան:
– Բայց լինելու է անկա՛խ մարմին` անկախ հանձնաժողով:
– Մի լացացրեք ձեր հուզումնալից բառերով: Կոռումպացված մարմինը չի կարող լինել անկախ: Ես նկատի ունեմ և՛ խորհրդարանը, և՛ կառավարությունը: Իսկ ձեր ասած այդ հանձնաժողովը ստեղծվում է կառավարության նախաձեռնությամբ և խորհրդարանի քվեարկությամբ: Որոնք երկուսն էլ կոռումպացված են մինչև կոկորդները:
– Բոլոր խմբակցություններն էլ միաձայն քվեարկեցին այս հանձնաժողովի ստեղծման օգտին, նաև` ընդդիմադիրները:
– Օգտին քվեարակեցին, որովհետև այդ հանձնաժողովում մասնակցություն են ունենալու:
Դուք հիշո՞ւմ եք, որ մենք` մեր խմբակցությունը, ժամանակին որևէ նման հանձնաժողովի աշխատանքների մեջ մասնակցություն ունեցած լիներ:
Բանն այն է, թե ինչպե՞ս կարող ես դու մասնակցել մի մարմնի աշխատանքներին, երբ ամբողջ համակարգն է կոռումպացված: Ինչպե՞ս դու կարող ես գնալ ու կոռուպցիայի դեմ պայքարի հանձնաժողովում նստել կոռումպացված մարդու կողքին: Նույնն է թե` գողերի հետ պայքարում ենք գողության դեմ: Կամ` անբարոյականների հետ` բարոյականության համար:
Դուք եթե դա համարում եք օրինաչափ, ապա ես չեմ կարող նույնը համարել:
Եվ ամենակարևորը` սա վերջին տասնհինգ տարիների մեջ կոռուպցիայի դեմ պայքարելու համար հանձնաժողով ստեղծելու 6–րդ դեպքն է: Այսինքն` սրանից առաջ արդեն անցած կառավարությունները հինգ անգամ պաշտոնապես` իրենց որոշումներով նույնն արել են` ստեղծել են նման հանձնաժողովներ:
Եվ դրանց հաշվին նաև փող են բերել, որոնք կրկին դարձել են կոռուպցիայի թիրախ: Այսինքն` այդ բերված փողն էլ է օգտագործվել կոռուպցիայի համար:
Այսպես է դուրս գալիս` կոռուպցիայի դեմ պայքարի նպատակով միջազգային տարբեր կազմակերպություններից փողեր են բերում և այդ փողն էլ են ուտում: Ուստի կարող ենք ասել, որ այս 6–րդ դեպքը ևս իրենց համար փող բերելու հնարավորություն է ստեղծում:
Եվ դա է պատճառը նաև, որ մեր երկրում կոռուպցիայի ընկալման համաթիվը ոչ թե իջել է այս տարիների ընթացքում, այլ բարձրացել է: Իսկ սրանք փաստեր են, ոչ թե ընդամենը ենթադրություններ են կամ կարծիքներ են:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
