Թամանյանի տուն–թանգարանը դատարկ է. ծոռը հավաքել է բոլոր ցուցանմուշներն ու տարել տուն. «Փաստ»
«Փաստ» օրաթերթը գրում է.
Արդեն տարուց ավելի է, ինչ Ճարտարապետության ազգային թանգարան–ինստիտուտում ներկայացված չէ Ալեքսանդր Թամանյանը:
Բնականաբար այս փաստը թանգարանի ցանկացած այցելուի համար մեծ անակնկալ է լինում:
Այն դեպքում, երբ ժամանակին գործում էր Թամանյանի տուն–թանգարանը և այնտեղ ներկայացված էր մեծ ճարտարապետի ողջ արխիվը` գծանկարներ, լուսանկարներ, և այլն, և այլն: Թանգարանի տնօրենն էլ Թամանյանի ծոռն էր` Հայկ Թամանյանը:
Բանն այն է, որ օպտիմալացման շրջանակներում միավորվեցին Ճարտարապետության ազգային թանգարան ինստիտուտը և Թամանյանի տուն թանգարան–ինստիտուտը: Նոր կառույցն էլ կոչվեց Ալեքսանդր Թամանյանի անվան ճարտարապետության թանգարան–ինստիտուտ:
Միավորման փաստի հետ չհամաձայնվեց Հայկ Թամանյանը: Իսկ քանի որ ճարտարապետի արխիվը պետական սեփականություն չէր, այլ իր ընտանիքի սեփականությունն էր, Հայկ Թամանյանը հավաքեց ողջ ցուցանմուշներն ու տարավ: Այսպես մեծ ճարտարապետից այլևս ոչինչ չմնաց թանգարանում:
Անշուշտ, այժմ թանգարանում կրկին խոսվում է Թամանյանի ու նրա աշխատանքների մասին, լուսանկարներով ներկայացվում են նրա շենքերը, բայց փաստական ցուցանմուշներ չկան:
Իսկ ինչ վերաբերում է ճարտարապետության ազգային թանգարան–ինստիտուտում Թամանյանի ներկայացվածությանը, ապա, ըստ տնօրեն, ճարտարապետական գիտությունների թեկնածու Անուշ Տեր–Մինասյանի, այն լինելու էր մեծ ու ընդգրկուն` վայել մեծ ճարտարապետին: Նրա խոսքով` ըստ էության Թամանյանի արխիվի ներկայացվածության առումով ոչինչ չէր փոխվելու: Կրկին արխիվն ամբողջությամբ ցուցադրվելու էր: Ի վերջո թանգարանն իր անունով է կոչվում:
Խոսեցինք նաև Հայկ Թամանյանի հետ. ո՞րն էր նրա շարժառիթն այդպես վարվելու համար: «Ալեքսանդր Թամանյանի թանգարանը պետք է լինի առանձին: Տվյալ տարբերակը` Թամանյանի տուն–թանգարանը ճարտարապետության ազգային թանգարանի ընդհանուր համակարգի մեջ ներառելը, մեզ առաջարկել են շատ վաղուց: Բայց մենք Թամանյանի արխիվի նման ներկայացումը համարում ենք աննպատակահարմար»:
Իսկ այն, որ Թամանյանի արխիվը դեռևս ընտանիքի սեփականությունն է, և պետությունն այն ձեռք չի բերել, բնականաբար տեղիք կտա նման քայլերի: Եվ այսպիսի հարցերն այլևս անխուսափելի կլինեն: Որովհետև իրավական ոչ մի նորմով չի սահմանափակվում նրա ընտանիքի անդամների իրավունքը` իրենց նախնու արխիվի հետ վարվել այնպես, ինչպես իրենք են ուզում: Եվ սեփական հայեցողությամբ տնօրինել այն ըստ էության:
Արդյունքում իրավիճակը սա է` Ճարտարապետության ազգային թանգարան` առանց Ալեքսանդր Թամանյանին վերաբերվող ցուցանմուշների: Կամ նաև` Ալեքսանդր Թամանյանի անվան Ճարտարապետության ազգային թանգարան` կրկին առանց Ալեքսանդր Թամանյանին վերաբերվող ցուցանմուշների:
Որքա՞ն կշարունակվի այս վիճակը, հայտնի չէ:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
