Մինչև Հանրապետական կուսակցությունը չբարեփոխվի, փոփոխությունների ոչ մի հույս մի ունեցեք. «Փաստ»
«Փաստ» օրաթերթը գրում է.
Մեր հյուրն է «Քրիստոնյա Ժողովրդական վերածնունդ» կուսակցության նախագահ Սոս Գիմիշյանը
– Պարոն Գիմիշյան, ընտրություններից հետո ինչպիսի՞ Հայաստան ունեցանք:
– Նույնը մնաց, ինչ որ կար: Ոչ մի բան չի փոխվել:
– Իսկ քաղաքական դաշտում վերադասավորումներ, վերաձևավորումներ տեղի չունեցա՞ն:
– Ոչ: Ոչինչ էլ չի եղել: Խորհրդարանում հայտնվեցին իշխանությունը և նրա հաճախորդները: Ինչպես նախորդ պառլամենտում էր: Առանձնակի փոփոխություն չկա: Բայց ամեն դեպքում ես կարծում եմ, որ 2018 թվականից հետո մեր երկրում կլինեն լուրջ փոփոխություններ:
– Ի՞նչն է Ձեզ այդ հույսը տալիս: Ի՞նչ ռեսուրսների հաշվին պետք է փոփոխություններ լինեն:
– 2018 թվականից արդեն Սերժ Սարգսյան նախագահ չենք ունենա: Այս ամսվա վերջին էլ պետք է Ազգային Ժողովն իր առաջին նիստն անի ու կառավարություն ձևավորի: Եվ 2018 թվականից արդեն այդ կառավարության գործունեությունը կարող է բերել զգալի փոփոխությունների քաղաքական դաշտում: Եվ, ընդհանրապես, երկրում կարող է իրավիճակ փոխվել: Տեսնե՛նք` ինչպիսի՞ զարգացումներ կլինեն:
– Դուք դրակա՞ն փոփոխությունների ակնկալիք ունեք:
– Դրական: Ես համոզված եմ, որ մենք, միևնույնն է, երկիրը սարքելու ենք, կարգի ենք բերելու: Իսկ երբ կվերանա նախագահի պաշտոնը, վարչապետն է դառնալու երկրի փաստացի ղեկավարը: Այս փաստից ելնելով, կարծում եմ, որ երկրում որոշակի դրական փոփոխություններ կլինեն:
Իհարկե, դրա համար շատ անելիքներ ունենք: Առաջին հերթին պետք է հրաժարվենք այս Սահմանադրությունից, որը Սերժ Սարգսյանը դրսի պարտադրանքով բերեց–պարտադրեց մեր ժողովրդին: Այն մեր ազգի հետ որևէ կապ չունեցող փաստաթուղթ է: Սերժ Սարգսյանի հեռանալով Սահմանադրությունից հրաժարումը կդառնա առավել ռեալ ու առավել հնարավոր:
– Այսինքն` դուք վստահում եք վարչապետին:
– Ես նրան լավագույնն եմ համարում վերջին տարիների մեր վարչապետների մեջ: Իհարկե, ամեն ինչ չէ նրա գործունեության մեջ, որ ինձ դուր է գալիս, բայց ընդհանուր առմամբ, կարծում եմ, որ աշխատող վարչապետ է, և շատ բաներ կան, որ ճիշտ է անում: Համենայն դեպս, դեռևս այսպիսին են տպավորություններս:
Իհարկե, վարչապետն էլ իր պրոբլեմներն ունի: Հատկապես` կապված Ազգային ժողովում իր իրական կողմնակիցների մեծամասնություն լինել–չլինելու հետ: Իսկ այս հարցը մի քիչ պրոբլեմային է, ուստի կլինեն որոշակի դժվարություններ: Բայց սպասենք. կյանքը ցույց կտա, թե ինչն ինչպես կընթանա:
– Իսկ Հանրապետական կուսակցության դիմադրությունը չե՞ք ենթադրում:
– Այո, այն կդիմադրի: Պարզապես այդ կուսակցությունը պետք է վերափոխվի: Եթե չվերափոխվեց, ապա իհարկե, կառավարությունը լուրջ պրոբլեմներ կունենա, և դժվար կլինի նրա համար: Միակ երաշխիքը, որ կարող են երկրում դրական փոփոխություններ լինել, այն է, որ ՀՀԿ–ն բարեփոխվի: Նաև փոխվի նրանում ընդգրկված մարդկանց կազմը, որակապես փոխվի վերջիններիս գործելակերպը: Այս դեպքում է, որ կարող է վարչապետը էական հաջողություններ գրանցել, որը և շատ կարևոր է մեր երկրի համար:
– Այսինքն` ըստ Ձեզ, փոփոխությունները կարող են լինել վերևից: Ներքևից եկող փոփոխությունների հետ հույսեր չեք կապում:
– Այո՛, դրանք կարող են լինել միայն վերևից: Որովհետև նախագահի ինստիտուտը վերանում է, երբ ժողովուրդը կարող էր առավել հաճախ ընտրությունների միջոցով ներքևից փոփոխություններ իրականացնել: Եթե նախկինում ներքևից փոփոխություններ իրականացնելու երկու փորձ կարող էինք կատարել` նախագահական և խորհրդարանական ընտրությունների ժամանակ, ապա այժմ մնացել է միայն մեկը` խորհրդարանական ընտրությունը: Ասել է թե` հինգ տարին մեկ է մեզ տրված նման հնարավորություն:
Մեր վզին փաթաթված այս Սահմանադրությամբ անցում կատարեցինք կառավարման խորհրդարանական համակարգին, որը, իմ կարծիքով, ներկա աշխարհաքաղաքական իրադրության մեջ Հայաստանի համար ստեղծում է խիստ անբարենպաստ իրավիճակ: Ի վերջո, մենք այսօր նաև պատերազմի մեջ ենք բառիս բուն իմաստով: Եվ այս պայմաններում անցումը կառավարման նոր համակարգին լուրջ վտանգներ է իր մեջ պարունակում:
Նաև ասեմ, որ իր արժեքային համակարգով ևս այս Սահմանադրությունը կապ չունի մեր ժողովրդի հետ: Ուստի այն պետք է փոխվի: Հարկ է կրկին վերադառնալ կիսանախագահական կառավարման համակարգին:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
