Թթվածնային կայանի պայթյունը պայթեցրեց նաև ԱԻՆ տեխանվտանգության ազգային կենտրոնի տնօրենի մութ գործերը. «Փաստ»
«Փաստ» օրաթերթը գրում է.
Մարտի 24–ին Կոտայքի մարզի Նոր Գեղի–Լուսակերտ ավտոճանապարհին գտնվող «Շիրինյան եղբայրներ» ՍՊԸ–ին պատկանող թթվածնի լիցքավորման կայանում տեղի ունեցած պայթյունի պատճառները պարզելու համար ՀՀ արտակարգ իրավիճակների նախարար Դ. Տոնոյանի հրամանով ստեղծվել էր հանձնաժողով:
Եվ մինչ պայթյունի պատճառների տեխնիկական անաչառ ու բազմակողմանի քննության ավարտը, ՀՀ ԱԻ նախարարի հրամանով դադարեցվել էր նաև պայթյունից մոտ երկու շաբաթ առաջ նույն թթվածնային կայանում փորձաքննություն իրականացրած և դրական եզրակացություն տված ՀՀ ԱԻՆ ‹‹Տեխնիկական անվտանգության ազգային կենտրոն›› ՊՈԱԿ–ի ղեկավար Աշոտ Պետրոսյանի և փորձագիտական կազմի մի շարք աշխատակիցների պարտականությունները:
Իսկ օրերս տեղեկություն տարածվեց, որ ԱԻ նախարար Դավիթ Տոնոյանը աշխատանքից ազատել էր ԱԻՆ «Տեխնիկական անվտանգության ազգային կենտրոն» ՊՈԱԿ–ի (ՏԱԱԿ) տնօրեն Աշոտ Պետրոսյանին:
«Փաստը» ԱԻՆ Տեղեկատվության և հասարակայնության հետ կապերի վարչությունից փորձեց ճշտել, թե ինչն է ՊՈԱԿ–ի տնօրենին աշխատանքից հեռացնելու պատճառը: Վարչության պետի տեղակալ Նանա Գնդոյանը տեղեկացրեց, որ ՏԱԱԿ ՊՈԱԿ–ի տնօրենի աշխատանքից ազատման հիմք է հանդիսացել նախարարության աշխատակազմի ներքին աուդիտի վարչության կողմից 2017–ի ապրիլի 5–ին իրականացված համապատասխանության և կատարողականի աուդիտի վերաբերյալ հաշվետվությունը:
«Նշենք, որ առաջին աուդիտն իրականացվել է ամենամյա պլանավորված ժամկետներում, իսկ երկրորդ աուդիտն իրականացվել է թթվածնային կայանում տեղի ունեցած պայթյունից հետո, նախարար Դավիթ Տոնոյանի հրամանով, քանի որ ՏԱԱԿ–ն ավելի վաղ նշված թթվածնային կայանի գործունեության համար դրական եզրակացություն էր տվել: Եվ երկրորդ աուդիտի արդյունքների տվյալների հիմքով էլ նախարար Դավիթ Տոնոյանը Աշոտ Պետրոսյանին ազատել է աշխատանքից», ասաց Ն. Գնդոյանը:
Ն. Գնդոյանը թեև չմանրամասնեց, բայց նշեց, որ ՊՈԱԿ–ում հայտնաբերված խախտումները բազմաթիվ են եղել, որի հետևանքով է Դ. Տոնոյանը ստիպված է եղել նման որոշում կայացնել:
Ի դեպ, մամուլում հրապարակված տեղեկությունների համաձայն Պետգույքի կառավարման վարչության կողմից ՊՈԱԿ–ին անհատույց տրամադրված շենքից ԱԻՆ վարչական շենք տեղափոխվելուց հետո, ՊՈԱԿ–ի տնօրեն Աշոտ Պետրոսյանի կարգադրությամբ հին շենքից պոկել և տարել են տարածքի ողջ գույքը: Մասնավորապես՝ դռները, ներսի և դրսի պատուհանները, հատակի սալիկները, ջեռուցման համակարգերը , կախովի առաստաղները, սանհանգույցի պարագաները: Ապամոնտաժված ապրանքների մի մասը տեղափոխվել է Չարբախում գտնվող ՊՈԱԿ–ի պահեստ, մյուս մասն էլ տեղափոխվել է տարբեր տեղեր:
Մեր տեղեկություններով ներկայացվածը թեև թերացումների ողջ համապատկերը չէ, սակայն համաձայնեք, որ բավականին խոսուն է: Ինչ վերաբերում է մնացած բացահայտումներին, ապա այն թողնում ենք պատկան մարմիններին: Մեր կողմից միայն ավելացնենք, որ այս կառույցի թերի աշխատանքի մանրամասներին կանդրադառնանք առաջիկայում:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
