Կռվախնձորը՝ ՀՅ Դաշնակցություն. «Փաստ»
«Փաստ» օրաթերթը գրում է.
Հայկական պարբերականներից մեկը, հիմնվելով սեփական աղբյուրների վրա, նշում է, թե վարչապետ Կարեն Կարապետյանի համար անընդունելի են մնում Դաշնակցության հետ կոալիցիան և առավել ևս դաշնակցական նախարարների անձերը: Թերթը նշում է, որ մասնավորապես վարչապետը դեմ է Արծվիկ Մինասյանին տեսնել իր կաբինետում:
Այս տեղեկությունը գուցե և այլ նպատակներ հետապնդող տեղեկատվական ֆարս է, մյուս կողմից, սակայն, չի բացառվում, որ իսկապես էլ վարչապետի համար կոալիցիան անընդունելի է: Բանն այն է, որ Կարեն Կարապետյանի կարճատև գործունեությունից ակնհայտ դարձավ, որ նա շարունակում է մնալ «խիստ տնօրենի» կամ, այսպես ասած, «շեֆի» տրամաբանության մեջ, համաձայն որի` վարչապետը պետք է լինի սուպեր նախարար կամ պաշտոնյա, իսկ նրա կաբինետը ուղղակի կատարող:
Բնականաբար այս տրամաբանության մեջ Դաշնակցությունը կամ դաշնակցական նախարարները պարզապես չեն տեղավորվում, քանի որ ՀՅԴ–ն, կարելի է ասել, ուղղակիորեն պայմանավորվածություններ է ձեռք բերում նախագահ Սարգսյանի հետ: Բնական է, որ այս պարագայում արդեն Կարեն Կարապետյանի ազդեցությունը դաշնակցական նախարարների վրա թուլանում է, ինչն արդեն անընդունելի է վարչապետի մտածելակերպի և գործունեության կողմից:
Այս դեպքում արդեն Կարեն Կարապետյանը չի կարող զայրանալ դաշնակցական այս կամ այն նախարարի վրա այնպես, ինչպես օրինակ` Արման Սահակյանի դեպքում:
Սա ինքնին բավական լուրջ խնդիր կարող է առաջ բերել հենց կառավարության ներսում, այն պարզ պատճառով, որ Կարապետյանի կաբինետում, ի դեմս դաշնակցականների, կլինի չվերահսվող կամ քիչ վերահսկվող օղակ: Ի դեպ, որքան էլ տարօրինակ կարող է հնչել, հենց այս օղակը կլինի արդեն Սերժ Սարգսյանի հենարանը կառավարությունում, քանի որ ժամանակը ցույց տվեց, որ ՀՅԴ–ն Սերժ Սարգսյանի համար հավատարիմ գործընկեր է:
Մյուս կողմից` պետք է նաև նշել, որ այսօրինակ իրողությունների առկայությունը կառավարության ձևավորման ընթացքում բնականոն է և այս տեսանկյունից չափազանցություն են այն խոսակցություններն ու շրջանառության մեջ դրվող լուրերը, թե Կարեն Կարապետյանի և Սերժ Սարգսյանի միջև առկա է խորը առճակատում: Ներկա պայմաններում սա գրեթե անհնար է, քանի որ և՛ Հանրապետական կուսակցության ներսում, և՛ իշխանական վերնախավում Կարեն Կարապետյանը դեռևս չունի այն ամուր հենարանը, որպեսզի փորձի դեմ գնալ Սերժ Սարգսյանին: Ուստի այս առումով պետք է նշել, որ Դաշնակցության շուրջ ծավալվող «բանավեճն» ընդամենը աշխատանքային և գուցե ինչ–որ տեղ էլ միմյանց ուժերը շոշափող բնույթ ունի:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
