Դավիթ Խաժակյան. ««Ելք» դաշինքը պայքարելու է հանուն իր ծրագրերի իրականացման ու քաղաքական սերնդափոխության». «Փաստ»
«Փաստ» օրաթերթը գրում է.
«Փաստի» հյուրն է «Ելք» դաշինքի՝ Երևանի ավագանու անդամի թեկնածու Դավիթ Խաժակյանը:
– Քաղաքականություն մուտք գործելու պատճառները որո՞նք են եղել: Մինչ այդ Ձեզ ակտիվ քաղաքացու կերպարում ենք տեսել՝ հանձինս «Դեմ եմ» նախաձեռնության: Համատեղելի՞ են քաղաքական գործչի ու ակտիվիստի կերպարները:
– Մենք բազմաթիվ հետևություններ արեցինք տարբեր քաղաքացիական շարժումներից, որոնցից գլխավորն այն էր, որ թեպետ հետևողական քաղաքացիական շարժումը կարող է և գրանցում է որոշակի հաջողություն խնդիրների, հետևանքների վերացման հարցում, սակայն դրանց պատճառները պահանջում են համակարգային լուծումներ, իսկ համակարգային լուծման բանալին քաղաքական դաշտում է: Այն ներքին պահանջը, որը մեզ մղեց պայքարել քաղաքացիական դաշտում, հստակ ասում է, որ մենք աշխատանք ունենք անելու քաղաքականության մեջ:
– Ի՞նչ եք պատրաստվում անել քաղաքի համար, ի՞նչ խնդիրներ եք տեսնում, որոնց առաջին հերթին պիտի լուծում տրվի:
– Մինչ այս ես պարբերաբար բարձրաձայնել եմ տարբեր քաղաքային խնդիրների մասին: Երևանում երթևեկության և տրանսպորտի վիճակը պարզապես անընդունելի է 21–րդ դարի չափանիշների տեսանկյունից: Ես և մեր թիմը առաջարկելու ենք այնպիսի կարգավորումներ, որոնք էականորեն կրճատելու են քաղաքային խցանումները և բարձրացնելու են բնակիչների փոխադրման արդյունավետությունն ու որակը:
– Երևան քաղաքն առաջին հերթին Ձեզ համար ինչի՞ մարմնավորում է, և քաղաքի կառավարման համակարգում ընդգրկված լինելը Ձեզ համար ի՞նչ կնշանակի:
– Երևանը Հայաստանի մայրաքաղաքն է և դրանով, կարծում եմ, ամեն ինչ ասված է: Ավագանու կազմում ընդգրկված լինելը շատ մեծ պարտավորություն է ինձ համար, քանզի որոշակի մասով դառնալու եմ պատասխանատու քաղաքային խնդիրների համար:
– Խորհրդարանական ընտրություններից հետո «Ելքը» բավական դրական արդյունքներ գրանցեց: Սա ոգևորո՞ւմ է ձեզ, գուցե պարտավորեցնո՞ւմ մայիսին հաղթանակ տանելու առումով:
– Խորհրդարանական ընտրություններին մենք ակնկալում էինք շատ ավելին, քան այն, ինչ արձանագրեցինք: Սակայն սա մեզ համար լրացուցիչ խթան է մտածելու և գործելու այնպես, որ Երևանի ավագանու ընտրություններին կարողանանք ձևավորել մեծամասնություն և ընտրենք քաղաքապետի սեփական թեկնածուին:
– Մեկ շաբաթից կսկսվի քարոզարշավը: Պատրա՞ստ եք նորից բակից բակ, տնից տուն անելու:
– Քարոզարշավի ընթացքում դաշտային աշխատանքները շատ կարևոր են: Մի բան է քաղաքական և գաղափարական ելույթներ ունենալը և տարածելը, մեկ այլ բան՝ քաղաքացիների հետ անհատական զրույցները: Քարոզարշավին մենք կունենանք մարտավարության որոշակի փոփոխություն և անմիջական շփումը ու քարոզարշավի լայն ընդգրկումը չեն զիջի նախորդին:
– Զարուհի Փոստանջյանը մերժեց «Ելքի» ցուցակում հանդես գալու առաջարկը: «Երկիր ծիրանին» համարո՞ւմ եք ձեզ մրցակից, թե՞ ձեր հիմնական «թիրախը» հանրապետականն է: Ինչպե՞ս եք փորձելու աշխատել վարչական մեծ ռեսուրս ունեցող կուսակցության դեմ:
– Ինչպես խորհրդարանական ընտրություններին, այնպես էլ հիմա մենք չենք պայքարելու որևէ ուժի դեմ: «Ելք» դաշինքն ունի իր ծրագրերը և պայքարելու է հանուն այդ ծրագրերի իրականացման, հանուն քաղաքական սերնդափոխության, որը առնվազն ընդդիմադիր դաշտում ամրագրվեց ապրիլի 2–ին: Սա, բնականաբար, չի նշանակում, որ իրերը չենք կոչելու իրենց անուններով և չենք ասելու, թե տիրող իրավիճակը ում և ինչպիսի կառավարման հետևանք է:
Վարչական ռեսուրսը մեզ չի մտահոգում, քանզի համոզվել ենք, որ այն բազմամարդ հավաքները, որ հնարավոր է անել այդ ռեսուրսի միջոցով, պարզապես արտաքին տեսքն է: Իսկ բովանդակությունը որոշում է քաղաքացին` գտնվելով քվեախցիկում: Մենք ամեն ինչ արել ենք և անելու ենք տեղամասերում քվեարկության գաղտնիության ապահովման համար, իսկ որոշումը քաղաքացունն է: Երևանում մենք տեսնում ենք գլխավորապես անկաշկանդ և անկաշառ ընտրողի, և մեր քարոզարշավը կլինի հենց այդպիսի ընտրողի հաղթարշավը:
Շարունակությունը` «Փաստ» օրաթերթի այսօրվա համարում:
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
