Սցենարիստ Դիանա Գրիգորյանը նոր կոլեգա ունի. Տեսեք, թե ով է նկարահանվելու «Նռան հատիկ» սերիալում
Դերասան Արտաշես Մխիթարյանը, ով երկար ժամանակ է, ինչ չի երևում հեռուստաէկրաններին, այսուհետև կներկայանա «Նռան հատիկ» սերիալում: Life.panorama.am-ը կապ հաստատեց դերասանի հետ՝ խոսելու իր էկրանային դադարի, տվյալ սերիալում նկարահավելու առաջարկի և ապագա ծրագրերի մասին:
Խոսելով հրավերի մասին՝ վերջինս պատմեց.
«Վաղուց է, ինչ չէի նկարահանվել որևէ մի նախագծում, քանի որ սպասում էի ինձ համար լավ առաջարկի: Այս առաջարկը ստացա սերիալի տնօրենի կողմից, ինչից հետո հանդիպեցինք և գալով երկկողմանի համաձայնության՝ սկսեցի աշխատանքս «Նռան հատիկ»-ում»,- նշեց դերասանը:
Իսկ ինչ վերաբերում է տվյալ սերիալում իր կերպարին՝ Արտաշեսը նկատեց, որ նման կերպարով մինչ այս դեռ չէր ներկայացել հեռուստադիտողին.
«Մարմնավորում եմ պրոդյուսերի, ով փորձում է հայտնի դարձնել գլխավոր հերոսուհուն՝ որպես երգչուհի: Ինձ համար այս կերպարը հետաքրքիր էր այնքանով, որ նման ձևով ես դեռ չէի ներկայացել: Ինձ համար էլ շատ հետաքրքիր է նոր կերպար մշակել, զարգացնել այն և այլն»,- ասաց դերասանը:
Ինչպես նշեց դերասանը, սա իր և սցենարիստ, պրոդյուսեր Դիանա Գրիգորյանի առաջին համագործակցությունն է.
«Մինչ այս Դիանայի հետ չէի աշխատել, իսկ թիմի մասին կասեմ, որ թեև մինչ այս պահն ունեցել եմ երկու նկարահանման օր, տպավորություններս միմիայն դրական են: Նրանք՝ սկսած դերասանական, վերջացրած տեխնիկական անձնակազմից, շատ լավ ընդունեցին ինձ: Դերասաններից շատերի հետ դեռ հնարավորություն չեմ ունեցել նույն տեսարանում խաղալու, բայց, կարծում եմ, ամեն ինչ դեռ առջևում է»,- նկատեց Արտաշես Մխիթարյանը:
Անդրադառնալով իր հիմնական խաղընկերուհուն՝ Ռոզա Ֆիլբերգին, դերասանը նկատեց, իր համար նա բավական աշխատասեր և նպատակասլաց մարդ է.
«Որպես մասնագիտությանբ դերասան՝ պարտավորված եմ զգում նաև օգնել, աջակցել նրան, որպեսզի մեր համագործակցությունը ճիշտ ստացվի, քանի որ դա շահավետ է և ինձ, և նրան: Ռոզան բավական նպատակասլաց անձնավորություն է, նրա հետ աշխատելը շատ հեշտ է»,- շեշտեց դերասանը:
Հարցին՝ արդյո՞ք պատասխանատվության առումով դժվար չէ միանալ ստեղծագործական խմբին նախագծի՝ արդեն մեկնարկելուց հետո, Արտաշեսը պատասխանեց.
«Իհարկե, այդքան էլ հաճելի չէ, երբ միանում ես նախագծին արդեն ամիսներ անց, բայց երբ տվյալ հարցին դիտում ես մասնագիտական տեսանկյունից, ապա մեծանում է քո պատասխանատվությունը, քանի որ արդեն մի քանի ամիս է մարդիկ պատմությունը տանում են համապատասխան ուղղությամբ: Փորձել եմ ուժերս մաքսիմալ ներդնել և չխոչընդոտել, ընդհակառակը, ցանկացել եմ և ցանկանում եմ օգտակար լինել սերիալի թիմին»,- ասաց Արտաշես Մխիթարյանը:
Զրույցի ընթացքում դերասանն անդրադարձավ նաև իր հեռուստատեսային երկարատև դադարին՝ ասելով.
«Քանի որ հանդես եմ գալիս նաև Հ. Ղափլանյանի անվան դրամատիկական թատրոնում, զբաղվածությունս մի փոքր շատ է: Այդ իսկ պատճառով, երբ ստացել եմ որևէ առաջարկ, չենք կարողացել փոխհամաձայնության գալ թե ժամանակի, թե ֆինանսական և թե տեխնիկական առումով, պարզապես չի ստացվել: Սակայն բոլորովին վերջերս հրավեր եմ ստացել ռեժիսոր Հարութ Շատյանի կողմից՝ նկարահանվելու «Թունավոր սեր» 25 մասանոց ֆիլմում: Նկարահանումներն արդեն սկսվել են և դեռ ընթացքի մեջ են: Կարծում եմ, որ արդեն ամռանը հեռուստադիտողը հնարավորություն կունենա գնահատելու մեր այս նոր աշխատանքը»,- նշեց դերասան Արտաշես Մխիթարյանը:
Մանրամասները՝ այստեղ
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
