«Միակ ճանապարհը խաղաղ ընդվզմամբ իշխանափոխության հասնելն է». «Փաստ»
«Փաստ» օրաթերթը գրում է.
«Ազգային համաձայնություն» կուսակցության նախագահ Արամ Հարությունյանը երեկվանից հացադուլ է հայտարարել: Կուսակցության նախագահը հացադուլն անցկացնում է Ազատության հրապարակում:
Ա. Հարությունյանը «Փաստ»–ի հետ զրույցում նշեց, որ հացադուլը կիրականացնի ապրիլի 9–ից 17–ն ընկած ժամանակահատվածում:
«Սա այն շրջանն է, երբ Սերժ Սարգսյանը քաղաքականապես գտնվում է կլինիկական մահի կարգավիճակում: Սա բացառիկ դեպք է, երբ իշխանություն կրողը որևէ իրավական լծակ չունի: Սա ամենահեշտ տարբերակն է արդյունքի հասնելու համար. եթե ժողովուրդը ընդվզի, հնարավորություն կլինի այնպես անել, որ վարչապետի ընտրությունները չկայանան: Արդյունքում նոր ընտրություններ կանցկացվեն, և լեգիտիմ իշխանություն կընտրվի: Բայց այդ ամենի նախապայմանը պետք է լինի քաղաքական ուժերի համախմբումը, որը նաև հույս կառաջացնի ժողովրդի մոտ»,– ասաց «Ազգային համաձայնություն» կուսակցության նախագահը:
Հարցին, թե այս պահին համախմբման հնարավորություն տեսնո՞ւմ է, թե՞ ոչ, Արամ Հարությունյանը պատասխանեց. «Ես տեսնում եմ այդ հնարավորությունը: Կան մի քանի նախաձեռնություններ՝«Հանուն Հայաստան պետության ճակատը», «Իմ քայլը», մեր նախաձեռնությունը: Մենք համահայկական խնդիր ունենք, և այդ խնդիրը պետք է մեր ներսում լուծենք: Մենք իրավունք չունենք սպասելու մինչև ինչ–որ մեկը զենքով հարցեր լուծի՝ դա էլ ճանապարհ չէ: Միակ ճանապարհը ժողովրդի խաղաղ ընդվզման միջոցով իշխանափոխության հասնելն է: Սերժ Սարգսյանը ձախողել է բոլոր՝ թե՛ ներքին և թե՛ արտաքին ոլորտներում: Արտաքին պարտք, 800 հեկտար «անպիտան» հող և այլն: Այդ ամենը խոսում է այն մասին, որ որևէ ցուցանիշ կամ պատճառ չկա, ըստ որի Սերժ Սարգսյանը կարող է մնալ իշխանության մեջ»:
Արամ Հարությունյանից հետաքրքրվեցինք՝ այս պարագայում հացադուլն արդյո՞ք պայքարի ամենաճիշտ ձևն է:
Ի պատասխան, նա ընդգծեց, որ հացադուլն ինչ–որ տեղ ուշադրություն գրավելու համար է:
«Հացադուլը նաև այն տարբերակն է, որի միջոցով քաղաքական ուժերին միավորվելու կոչ է արվում: Մենք բոլորս կարող ենք խոսել միավորման մասին, բայց ամեն մեկն ասի՝ եկեք ու իմ հետ միավորվեք: Բայց այդպիսի խնդիր չկա՝ բոլորը պետք է հավաքվեն մեկ հարթակի վրա: Հակառակ դեպքում ստացվում է, որ մենք խաբում ենք ժողովրդին: Եթե մեր նպատակը միավորվելը պետք է լինի, ամեն մեկը չպետք է առանձին ցույց անի ու ասի՝ դու արի այստեղ»,–հավելեց կուսակցության նախագահը:
Արամ Հարությունյանը նշեց, որ առաջիկա հանրահավաքին իրենց կուսակցությունը ևս մասնակցելու է:
Շարունակությունը՝ «Փաստ» օրաթերթի այսօրվա համարում
Затопили плакатами «с сердечками»: «Паст»
Вступило в силу постановление правительства о порядке расчета налога исходя из мощности двигателя эл...
Арестовать весь армянский народ не получится: «Паст»
Американский университет Армении перешел на дистанционное обучение
Существует желание не допустить, чтобы «Арарат-Армения» стала чемпионом: «Паст»
Жители Тигранашена не имеют права собственности и живут в постоянном ощущении угрозы (Видео)
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Reuters: Турция, Египет и Саудовская Аравия хотят создать консорциум по нефти
При поддержке Ucom в Вагаршапате состоялся региональный молодежный форум «ДемАрДем: Диалог поколений...
