Վահե Հովհաննիսյան. «Ես վստահ չեմ, որ այսօր Հայաստանում քաղաքական պրոցեսներ կան». «Փաստ»
«Փաստ» օրաթերթը գրում է.
«Այլընտրանքային նախագծեր խումբը» հրապարակել է Հայաստանում անփոխարինելիության մասին իր հերթական մտահոգությունը, սակայն հետաքրքիր է, թե արդյոք այս մտահոգությո՞ւնն է ամենակարևորը, որն իսկապես թույլ չի տալիս, որ Հայաստանը երկնիշ թվերով կամ քայլերով առաջ շարժվի:
Խմբի անդամ Վահե Հովհաննիսյանը «Փաստ»–ի այս և մի քանի այլ հարցերին ի պատասխան նշեց, որ «Այլընտրանքային նախագծեր խմբի» կողմից երեկ հրապարակած վերլուծությունում բարձրացվել է երկրում փոխարինելիության մեխանիզմի բացակայության խնդիրը և տարբեր ոլորտների օրինակներով փորձել են ցույց տալ, որ Հայաստանում չի գործում կայացած հասարակությանը և կայացած պետությանը բնորոշ այս մեխանիզմը։
«Սպորտ, մշակույթ, բուհեր, Ակադեմիա, ստեղծագործական միություններ, ՀԿ–ներ, քաղաքական կուսակցություններ՝ ամենուր նույն պատկերն է։ Սրան շատ լուրջ է պետք վերաբերվել։ Հայաստանում մի կողմից չի գործում ընտրական մեխանիզմը, մյուս կողմից՝ փոխարինելիության։ Այս պայմաններում առաջընթաց ապահովելը շատ դժվար է լինելու։
Սա 21–րդ դարի մուտքը Հայաստան կասեցնող ամենակարևոր խոչընդոտներից մեկն է։ Ես հասկանում եմ, որ սա չի ձևավորվել մեկ օրում և սրա լուծումը մեկ օրում չի գտնվելու, բայց մի պահից մենք սրա մասին պետք է բաց խոսենք, որ կարողանանք գտնել լուծումները»,– նշեց Վ. Հովհաննիսյանը։
Պատասխանելով հարցին, թե ներկա պահին քաղաքական դաշտում բացի ՀՀԿ–ից, մնացած կուսակցություններն իրականում ինչի՞ համար են պայքարում, Վ. Հովհաննիսյանը պատասխանեց.
««Այլընտրանքային նախագծեր խումբը» փորձագիտական, վերլուծական կենտրոն է։ Մենք մեր առաջ մի քանի կարևոր խնդիր ենք դրել՝ առավելագույնս բաց խոսել խնդիրների մասին, դասակարգել դրանք ըստ կարևորության, առաջարկել կոնկրետ լուծումներ։ Լուծումները, առաջարկությունները ներկայացվում են հանրությանը և նրանց, ովքեր ունեն դրանք իրականացնելու լծակներ։ Մենք խնդիր ենք դրել նաև շատ դեպքերում ահազանգ հնչեցնել, որովհետև քաղաքական դաշտի այսօրվա որակը ուղղակի համարժեք չէ այսօրվա Հայաստանի մարտահրավերներին։ Գիտեք, այսօր մի կողմից՝ ՀՀԿ–ից դուրս և, մյուս կողմից՝ ագրեսիվ դատարկախոսությունից դուրս երկրում կա մի շերտ, որը հասկանում է, որ պետությունը շատ լուրջ խնդիրների առաջ է կանգնած: Հասկանում է, որ առանց հաշվարկված, գրագետ փոփոխությունների այսպես երկար չի կարող շարունակվել։ Եվ հենց այդ շերտն է մեր սպառողը, այսպես կոչված «էլեկտորատը», թեև հասկանալի է, որ փորձագիտական կենտրոնի համար այս տերմինը լավագույնը չէ»:
Հետաքրքիր էր իմանալ, թե երկրի ապագայով մտահոգ այլընտրանքային այս խումբն արդյոք մասնակցո՞ւմ է «Հանուն Հայաստան պետության» ճակատի կողմից կազմակերպվող հավաքներին, քանի որ այնտեղ նույնպես, իրենց խոսքով ասած, երկրի ապագայով մտահոգ հասարակական, քաղաքական կազմակերպություններ և անհատներ են հավաքվել: Այս հարցին Վ. Հովհաննիսյանը պատասխանեց.
«Ես արդեն նշեցի, որ մեր ստեղծած կազմակերպությունը փորձագիտական–վերլուծական է, թեև իր գործունեության ոճով ընդունված նորմերից էականորեն տարբերվելու է։ Մենք ակտիվ քաղաքական պրոցեսներին չենք մասնակցում, և ես վստահ չեմ, որ այսօր Հայաստանում քաղաքական պրոցեսներ կան»։
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
