Թևան Պողոսյանը կառչած չէ պատգամավորական աթոռից և իր կյանքն առանց դրա էլ է պատկերացնում. «Փաստ»
«Փաստ» օրաթերթը գրում է.
Օրերս ԱԺ պատգամավոր, «Ժառանգություն» կուսակցության քարտուղար Թևան Պողոսյանն իր ֆեյսբուքյան էջում կատարած գրառման մեջ նշել էր, որ պատրաստ է օգտակար լինել բոլոր քաղաքական կուսակցություններին, բայց այդպես էլ չէր մանրամասնել, թե հատկապես որ կուսակցությունների մասին է խոսքը:
«Երբ կլինեն կուսակցությունների ծրագրերը և այդ ծրագրերի շուրջ քննարկումներ կկազմակերպվեն, այդ ժամանակ էլ ավելի տեսանելի կլինի, թե համագործակցությունն ում հետ է ավելի նպատակահարմար»,– պատասխանելով «Փաստի» հարցին ասաց Թ. Պողոսյանը:
Նա նաև նշեց, որ այս պահին դեռ համագործակցության որևէ առաջարկ չկա, բայց կարծում է, որ այն դեռ կլինի: Ի դեպ, Թ. Պողոսյանի համար ավելի նախընտրելի տարբերակ է փորձագիտական գործունեությունը շարունակելը, քան այս կամ այն կուսակցությանն անդամակցելը: Իսկ առանց դրա էլ նոր «Ընտրական օրենսգրքով» հնարավոր չէ մասնակցել ընտրություններին:
Ու չնայած վերջին մոտ հինգ տարվա իր պատգամավորական գործունեության արդյունքում Թ. Պողոսյանին հաջողվել է նոր նշաձող սահմանել և ընդունվել քաղաքացիական հասարակության և քաղաքական կուսակցությունների կողմից, սակայն պատգամավորի կարծիքով դա միակ հարթակը չէ, որտեղ կարելի է պիտանի գործունեություն ծավալել սեփական երկրի զարգացմանը նպաստելու համար:
«Եթե կան մարդիկ, ովքեր իրենց կյանքը չեն պատկերացնում առանց պատգամավորական աթոռի, ապա ես ավելի ազատ մարդ եմ և երկրի համար օգտակար աշխատանք կատարելը չեմ պայմանավորում պատգամավորական աթոռով»,– ասում է Թ. Պողոսյանը:
Պատգամավորը ցանկություն չունի անդամակցել որևէ կուսակցության նաև այն պատճառով, որ ամբողջությամբ չի կիսում ոչ մեկի գաղափարախոսությունը: Իսկ այն կիսով չափ ընդունելով այս կամ այն կուսակցության անդամ դառնալը, նրա կարծիքով, տեխնիկական մոտեցում ցուցաբերելուն է նման:
Խոսելով «Ժառանգություն» կուսակցության հետ հետագա համագործակցության հնարավորության մասին` Թևան Պողոսյանն ասաց, որ նախկինում կուսակցության կողմից հրավիրվել էր որպես քաղաքացիական հասարակության ներկայացուցիչ և մինչև պատգամավորական պարտականությունների ավարտը պետք է այդպիսի առաքելությամբ հանդես գա:
«Կգա նոր փուլ սկսելու ժամանակը, այդ ժամանակ կմտածեմ, բայց համամիտ չեմ այն կարծիքին, որ քաղհասարակությունն ավելի քիչ լծակներ ու հնարավորություններ ունի իշխանությունների գործունեության վրա ճնշում գործադրելու համար: Ինչ վերաբերում է կուսակցությունների կողմից առաջարկած ծրագրերին, ապա դրանք պետք է կյանքի կոչվեն, և ոչ թե ընտրությունների ավարտից հետո մոռացվեն: Եվ կարծում եմ կգա ժամանակը, երբ մարդիկ դա կհասկանան»,– ասում է Թևան Պողոսյանը:
ԱԺ «Ժառանգություն» խմբակցության քարտուղարը զերծ մնաց այդ կուսակցությունում տեղի ունեցող խմորումների մասին խոսել` նշելով, որ ինքն այդ կուսակցության անդամ չէ և երկու տարի է նույնիսկ չի մասնակցում կուսակցական նիստերին, իսկ «Ժառանգության» մասին իր տեղեկություններն այնքան են, որքան հրապարակվել կամ հրապարակվում են մամուլում:
Շարունակությունը` «Փաստ» օրաթերթի այսօրվա համարում:
«Россия с вами» — помощь, которую ждут
Геополитическое балансирование — на «нитке». «Паст»
Армения приветствовала резолюцию ГА ООН о создании, реализации и пересмотре мандатов
Ужас на дорогах Армении. «Паст»
Очередной «пузырь» на политическом поле лопнул. «Паст»
«Когда соответствующие органы годами закрывают на всё глаза» «Паст»
Пашинян втягивает Армению в очень опасную «игру». «Паст»
Снова на те же грабли. «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
