Հայ ընկերներս մշտապես կապի մեջ են ինձ հետ․ առաջարկում են օգնություն Ուկրաինիայի հայ համայնքի համար․ ՀՀ-ում Ուկրաինայի հավատարմատար
Իրավիճակը շատ բարդ է և ծանր։ Ուկրաինայի զինված և ռազմաօդային ուժերը վարում են գերծանր մարտեր Եվրոպայի թիվ մեկ բանակի՝ Ռուսաստանի զինված ուժերի դեմ։ Այս մասին ԼՈՒՐԵՐ․com -ի հետ զրույցում ասաց ՀՀ-ում Ուկրաինայի ժամանակավոր հավատարմատար Դենիս Ավտոնոմովը։
Նա ասաց, որ այս պահի դրությամբ ոչնչացվել է ՌԴ ավելի քան 3000 զինվորական, ավելի քան 50 տանկ, և, մոտավորապես, 150 միավոր այլ տեսակի զրահամեքենա, խոցվել է ամենաքիչը 8 ռուսական ինքնաթիռ և 6 ուղղաթիռ․ «Մեզ վրա հարձակում էին գործել երեք ուղղություններով՝ կենտրոնական ուղղությամբ, օկուպացված Ղրիմից և Բելառուսի տարածքից։ Մենք մարտնչում ենք»,- նշեց մեր զրուցակիցը՝ հավելելով, որ այսօր առավոտյան էլ հրթիռային հարվածներ են հասցվել Կիևի բնակելի թաղամասերին։
Վերջինս ընդգծեց, որ թեև Կիևի բնակելի թաղամասերը հրթիռակոծվում են, այնուամենայնիվ, այնտեղ խուճապ չկա:
«Նրանք, ովքեր կարող են զենք վերցնել, կռվում են, նրանք, ովքեր չեն կարող, օգնում են բանակին։ Կիևում, իմ տեղեկություններով, Ուկրաինայի ԶՈՒ-ն վերջին 24 ժամում մարդկանց բաժանել է 25.000 միավոր ինքնաձիգ և 10 միլիոն փամփուշտ»,- ասաց Դենիս Ավտոնոմովը՝ ընդգծելով, որ Ուկրաինայում ՀՀ դեսպանի՝ Վլադիմիր Կարապետյանի հետ ծանոթ է և մշտապես կապ են պահում իրար հետ, փոխանակվում, այսպես կոչված, «կարևոր հարցերի շուրջ» տեղեկատվությամբ։
Մեր զրուցակցի հետ խոսեցինք նաև Ուկրաինիայի հայ համայնքի մասին․ նա կարևոր համարեց շեշտել, որ Ուկրաինայում հայկական համայնքը աշխարհում ամենամեծ հայկական համայնքներից մեկն է․
«Նշեմ, որ թե՛ այստեղի հայ ընկերներս, թե՛ այնտեղի, մշտապես կապ են պահում ինձ հետ, պատրաստակամություն են հայտնում օգնելու իրենց հայրենակիցներին»,- ընդգծեց նա։
Ըստ մեր զրուցակցի՝ Ուկրաինիայի հայ համայնքը ևս ձեռնունայն չի նստում, բացի այնտեղի իրենց հայրենակիցներին օգնելուց, նրանք պատրաստակամ են նաև օգնելու ուկրաինիացիներին, քանի որ, ինչպես նշում է Դենիս Ավտոնոմովը, Ուկրաինան շատ հայերի համար դարձել է երկրորդ հայրենիք․
«Ըստ ոչ պաշտոնական տվյալների՝ հայերի թիվը Ուկրաինայում մի քանի հարյուր հազարից հասնում է մինչև կես միլիոնի։ Նրանք ներկայացված են Ուկրաինայի բոլոր պետական և տեղական մարմիններում։ Եթե Ուկրաինան շատ հայերի համար դարձել է երկրորդ հայրենիք, հայրենիքին պետք է միշտ օգնության հասնել։ Ցավոք, իմ ոչ ամբողջական տվյալներով, ռուս-ուկրաինական 8-ամյա պատերազմի ընթացքում, այդ թվում նաև կամավորական գործունեության շրջանակներում, զոհվել է 6 էթնիկ հայ՝ Ուկրաինայի քաղաքացիներ։ Կարծում եմ՝ այս իրավիճակում, երբ մեր քաղաքների վրա ընկնում են բալիստիկ հրթիռներ՝ ուղարկված մեր «նախկին եղբոր կողմից», մարդիկ պաշտպանելու են իրենց հողը, տներն ու ընտանիքները»,- ասաց Դենիս Ավտոնոմովը՝ խաղաղություն մաղթելով Ուկրաինային և Հայաստանին։
Ucom General Director Ralph Yirikian Participated in the Impacture 2026 Conference
IDBank Presented It’s Vision for Social Responsibility at Impacture 2026
Unibank will not increase fixed-adjustable interest rates on loans secured by real estate
With IDBank’s Support, Ian Gillan and Tony Iommi Awards Established at Gyumri Music School No. 6
Ucom and staff.am Bring Together Armenia’s Business Leaders at Executive Offsite Vol.1
Ameriabank and ADB Signed a $100 Million Agreement to Expand Micro, Small, and Medium-Sized Enterpri...
“We are switching you to 5G, type a command”: IDBank warns about a fraud disguised as a “network upd...
Unibank Issues Perpetual Bonds with a 13.25% Annual Yield for Shareholders
An unforgettable day instead of toys: June 1st guide from Idram&IDBank
On May 30, "Unisport" will compete for the title of the Armenian champion
