Նախընտրական ֆա՞րս. «Փաստ»
«Փաստ» օրաթերթը գրում է.
Հայաստանում կոռուպցիա կա և այն տիրապետող է բացառապես բոլոր ոլորտներում: Այս աքսիոմատիկ ճշմարտությունը ոչ ոք կասկածի տակ չի դնի: Անգամ իշխանական թևը, ամենաբարձր մակարդակով: Ժամանակ առ ժամանակ, Հայաստանում սկսվում է վհուկաորս, ու այդ որսի ընթացքում տուժում են որոշ կաշառակերներ: Չեմ պնդում, թե դա վատ է: Ցանկացած կոռուպցիոն բացահայտում կամ կաշառակերության դեպքի կանխում իր մեջ պարունակում է դրական իրողություն: Սակայն տարօրինակ է այն հանգամանքը, որ նման երևույթները մեզանում լինում են խիստ ընդմիջումներով և երաշտային սեզոնների նման: Ասել կուզե, դրանք համակարգված և համակարգային են, միայն թե, համակարգի համար էական չէ, թե այս անգամ ով կհայտնվի «հիվանդ օղակի» դերում: Համակարգը չի ճանաչում անձեր, զգացմունքներ, հույզեր: Այն պետք է գործի անխափան, այլապես կդադարի համակարգ լինելուց: Վերջին բացահայտումների մասով բավականին ուշագրավ շարք է: ՊՆ մայոր, փոխգնդապետ, քաղաքապետարանի բաժնի վարիչ, դատավոր և այլն: Սակայն այս կոսմետիկ վիրահատությունը շատ քիչ է էական հարցեր լուծելու համար: Հասարակությունը վաղուց ձեռք է բերել յուրատեսակ հոտառություն, որն իրեն հնարավորություն է տալիս չխաբվել նմանօրինակ իմիտացիաներից: Ընդհանրապես կոռուպցիան և դրանից բխող իրողությունները, արդյունք են վատ կյանքի, չկայացած քաղաքական և պետական համակարգի, ավանդութային իրավունքի արտահայտման և այլն: Միջանկյալ դիտարկում անենք ասվածի վերաբերյալ: Ոչ վաղ անցյալում, Երևան քաղաքի Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանը ձերբակալվեց կաշառք վերցնելու պահին: Այս պատմության մեջ կա երկու աբսուրդ, եթե կուզեք` անգամ ողբերգություն: Նախ վայրը, որտեղ կաշառք էր վերցնում դատավորը: Անցումի տակ: Սկսենք նրանից, որ անգամ տեղյակ լինելով դատական համակարգի մինչև վերջ կոռումպացված լինելու մասին, հասարակությունն ամեն դեպքում ակնածանքով կամ պատկառանքով է վերաբերվում դատավորներին: Պատկերացրեք ինչ տիրապետող նվաստացուցիչ վիճակ է արդեն Հայաստանում, որ դատավորը կաշառք է վերցնում անցումի տակ: Այդպես երևի չէր վարվի անգամ գյուղակադեմիայի սեմինարավարը: Երկրորդ՝ կաշառքի չափը՝ 1000 դոլար: Սա արդեն հայաստանյան սոցիալական իրականության ամենաողբերգական արտահայտումն է: Վերադառնալով բուն թեմային, փաստենք, որ գործընթացը չի կրում մասշտաբային բնույթ: Եթե մենք ուզում ենք կոնկրետ փոփոխություններ ու հստակ հանգրվան, ապա այն պետք է կրի զանգվածային բնույթ: Սա այն դեպքն է, երբ իշխանությունը պետք է դրսևորի քաղաքական կամք, ազատվի այդ բարդույթից ու սև գծից: Այդ դեպքում, իրական շանս կունենա հասարակության մեջ վերականգնելու իր սասանված հեղինակությունը: Հասկանալի է նաև, որ այդ ամենը մեկ օրում լուծելու խնդիր չէ: Ուստի, գործընթացը պետք է սկսել վերին էշելոններից: Չենք ասում, թե ռազմական կոմունիզմի քաղաքականություն կիրառելով, անխտիր պետք է գնդակահարել բոլորին: Բայց համակեցության նորմերում, գալիս է մի պահ, երբ մարդիկ պարզապես ստիպված են հրաժարվել զարտուղի ճանապարհներով ստացվող բարիքներից, ի շահ պետության հետագա գոյության: Եթե իշխանությունը չի գնում այս ուղիով, և շարունակում է փոքրիկ կոսմետիկ միջոցառումները, ապա դրանք նախընտրական ֆարս լինելուց զատ, այլ կերպ չեն ընկալվելու:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
