Ողբամ զքեզ, հայոց աշխարհ
Երեւանի Հատուկ (ուսանողական) պոլիկլինիկան, որը պատկանում է Հայաստանի առողջապահության նախարարությանը, փակվելու է։ Որոշման նախագիծը ԱՆ-ն արդեն ուղարկել է կառավարություն։ Բուժհաստատության աշխատակիցներն այդ որոշումը կապակցում են առողջապահության նախարար Լեւոն Ալթունյանի բիզնես շահերի հետ, որը քաղաքի կենտրոնում ունի առաջնային բուժծառայություններ մատուցող «Վարդանանց» բուժկենտրոնը։
Դեռ մի սկանդալից մազապուրծ չեղած, ԱՆ Ալթունյանը հայտնվում է հաջորդ սկանդալի կենտրոնում: Հասկանալի է, որ նա նախարար չի դարձել ազգիս առողջությունը փրկելու կամ դրա մասին մտահոգվելու վեհ գաղափարներից ելնելով: Ընդհանրապես, Հայաստանում նախարար չեն դառնում նման նկատառումներով: Ու խոսքն այստեղ միայն առողջապահության ոլորտի մասին չէ: Դա բացառապես տիպական է բոլոր ոլորտներին: Հայաստանում նախարար դառնում են սեփական բիզնես շահերն ապահովելու ու առանց այն էլ հարուստ գրպաններն ավելի հարստացնելու համար: Սակայն այն, ինչ տեղի է ունենում Հայաստանում ու հատկապես առողջապահության ոլորտում, ընդհանրապես մառազմատիկ է: Երբ այդ ոլորտի մեկ այլ կարկառուն ներկայացուցիչ ̀ Դերենիկ Դումանյանը դառնում էր ԵՊԲՀ ռեկտոր, նա այդ բուհ բերեց իր նախկին աշխատավայրի աշխատակիցների մի զգալի մասին ու ընդհանրապես հետաքրքիր չէր, բուհն այդքան ազատ հաստիք ունի, թե ոչ:
Գալով Ալթունյանին, պնդենք, որ նա համարվում է Կարեն Կարապետյանի կադրը: Ուստի, նախագահական որոշ շրջանակների համար հաճո չէ և այս ինֆորմացիոն արտահոսքերը ստանում ենք հենց նրանցից: Բայց սա խնդրի մի կողմն է միայն: Խնդրի մյուս կողմը կայանում է նրանում, որ Հայաստանում, ցանկացած պաշտոնյա, ունենալով վերևների կանաչ լույսը, կարող է մի քանի րոպեում գործազուրկ դարձնել տասնյակ ու հարյուրավոր մարդկանց: Ու սա ամենթողության լավագույն դրսևորումն է: Ուստի, պատմահոր ողբը մնում է արդիական բոլոր ժամանակաների համար:
Մարիա Պախուցկայա, Armenia24.info
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
