Չկայացած նախարարը
Ժուկով-ժամանակով մի թագավորություն կար: Թագավորը Նազար Հազարաջարդ արքան էր: Այդ թագավորությունում երկրորդ դեմքը ̀ Թքակոծման Լուսնափայլ Եռամեծար նախարարն էր: Թագավորությունում կային բազմաթիվ նախարարություններ ̀ Բուրումների, Մորթած անասունների, Բացօթյա արտաքնոցների, Եղջերավոր անասունների (այս մեկը երևի ստեղծել էին դավաճանված նախարար-ամուսինների համար), Հողմերի, Բարի տեղումների… և այլն: Ի՞նչն էր զարմանալի, այդ երկրում, այդքան նախարարությունների շարքում, չկար Առողջապահության նախարարություն: Ինչու՞: Պատասխանեմ: Արեգակնափայլ արքան հատուկ հրովարտակով հրամայել էր, որ բոլորը պետք է լինեն երջանիկ ու առողջ: Ուստի, Արեգակնափայլ տերության մեջ չկային դժբախտներ ու անառողջներ:
Մոռացա ասեմ, որ Արեգակնափայլ տերության մեջ, նախարար դառնալու երեք տարբերակ կար: Առաջին, մարդուն բերում էր գետը ու եթե անգամ, այդ պահին ազատ նախարարություն չկար, ապա նորն էին ստեղծում, նրան նախարար նշանակելու համար: Երկրորդ ̀ նշանակում էր Արեգակնափայլ Նազար Հազարաջարդ արքան և երրորդ, հայտարարվում էր մրցույթ, թափուր պաշտոնի համար: Հավակնորդները մուծում էին հազար Ոսկե Նազարի ու մասնակցում մրցույթին: Առաջին փուլում, նրանք պետք է անցնեին Սողալու կարգը: Դրա համար կար հատուկ մի ճանապարհ, որն անցնում էին չորեքթաթ: Այնուհետ, ողջ մնացածներն անցնում էին Մեղքի ճահիճը: Սա հաղթահարողները մոտենում էին երրորդ փուլին ̀ Փառքի ճանապարհին: Նախապես նրանք հաստացնում էին իրենց փորերի կաշին, որպեսզի կարողանան անցնել փոշոտ ճանապարհը սողալով: Անազնիվներին, ովքեր սողալու ընթացքում փորը կտրում էին գետնից, հեռացնում էին մրցույթից: Հաղթող էր ճանաչվում առաջինը փորձությունները հաղթահարածը: Լինում էին դեպքեր, երբ մրցույթի բոլոր 40 մասնակիցներն էլ չէին հաղթահարում արգելքները: Հայտարարվում էր նոր մրցույթ:
Մեր Սիմոնին բերել էր գետը: Նրան կարգեցին Բոլոր հողմերի նախարար: Մոռացա ասել, որ նորանշանակ նախարարն ուներ սուրբ պարտականություն: Նա պետք է մխիթարեր նախորդ բոլոր նախարարների այրիներին: Մեր Սիմոնը, չգիտեր ի՞նչ հրաման տար, ուստի հրամայեց, որ Հողմերը քշեն կարկտաբեր ամպերը: Սրանով նա վաստակեց Բարի տեղումների նախարարի թշնամանքը: Այստեղ մեր պատմությունը կընդհատենք:
Ասածս ի՞նչ է, ամեն գետի բերածին, նախարար մի նշանակեք: Ու երբ Նազար Հազարաջարդ Արքայի բերանից ծխի քուլաներ էին բարձրանում, բոլորը երկրպագում էին նրան:
Շարունակելի…
Այլակերպում մեր օրերի ̀ ըստ Ժիրայր Ավետիսյան:
Վահրամ Թոքմաջյան, Armenia24.info
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Նպատակը հստակ է՝ մոռացության տալ. «Փաստ»
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
