Տեր Կյուրեղ քահանա Տալյան. «Սոդոմ–Գոմորը Հայաստանում դեսպանատուն չպետք է ունենա». «Փաստ»
«Փաստ» օրաթերթը գրում է.
Մայիսի 17–ին ՀՀ–ում Մեծ Բրիտանիայի դեսպանատունը իր դրոշի փոխարեն բարձրացրել էր ԼԳԲՏ հանրության դրոշը: Դեսպանատան կողմից արված այդ քայլը մեծ վրդովմունք և զայրույթ էր առաջացրել հայաստանյան հանրության մեջ: Դեսպանատան քայլը դատապարտող «Հանուն օրենքի» հասարակական շարժումը երեկ բողոքի ակցիա էր կազմակերպել Բրիտանիայի դեսպանատան դիմաց, որին ներկա էին նաև Տեր Կյուրեղ քահանա Տալյանը և հասարակական գործիչ Խաչիկ Ստամբոլցյանը:
«Հանուն օրենքի» հասարակական շարժումը դատապարտելով Մեծ Բրիտանիայի դեսպանատան այդ քայլը՝ պահանջում էր դեսպանի հրապարակային ներողությունը հայ հասարակությունից՝ նրա քրիստոնեական զգացմունքները անտեսելու և պետականության նկատմամբ անհարգալից վերաբերմունք ցուցաբերելու համար: 1961 թ. Վիեննայի կոնվենցիան հստակ սահմանում է դիվանագիտական ներկայացուցչությունների պարտականություններն ու անելիքները: Ըստ շարժման անդամների՝ Բրիտանիայի դեսպանատան արածը չի համապատասխանում այդ կոնվենցիայի կողմից ընդունված ոչ մի սահմանմանը, ավելին՝ այդպիսով ոտնահարվել է մեր երկրի ազգի արժեհամակարգը:
Շարժման համակարգող խմբի անդամ Ծովինար Կոստանյանը «Փաստի» հետ զրույցում նշեց, որ կոնկրետ ԼԳԲՏ հանրությունը ներկայացնող անձանց դեմ իրենք ոչինչ չունեն: Իրենց վրդովվեցրել է այն, որ բրիտանական դեսպանատունը լինելով դիվանագիտական ներկայացուցչություն՝ բացեիբաց իրականացնում է քարոզչություն՝ խախտելով դիվանագիտական էթիկայի կանոնները, այնինչ Բրիտանիայի դեսպանատունը պետք է հանդուրժողականություն ցուցաբերի այն արժեհամակարգին, որի կրողն է հայ հասարակությունը:
Շարժման մեկ այլ անդամ՝ Արման Ղուկասյանն էլ, նշում է, որ թեև իրենց նամակը վերցրեց դեսպանատան ներկայացուցիչը, սակայն վերջինս հրաժարվեց ներկայանալ՝ ինչը ևս մեկ անգամ ընդգծում է դեսպանատան՝ հայ քաղաքացիների նկատմամբ ունեցած արհամարհանքը:
«Նամակը հանձնեցինք, կսպասենք գրավոր պատասխանին: Մի քանի օրից դիմելու ենք նաև արտգործնախարարությանը, որպեսզի սթափ արձագանք տրվի: Այսօրվա՝ դեսպանատան անտարբեր վարքագիծը ևս մեկ անգամ ապացուցեց, որ այն ընդհանրապես չի հարգում Հայաստանի քաղաքացիներին: Դա դիվանագետի պահելաձև չէ, դիվանագիտական էթիկայից դուրս է: Վրդովմունք առաջացրեց ոչ թե այն, որ այդ դրոշն է ծածանվել, այլ այն, որ դիվանագիտության ֆունկցիան քարոզչությունը չէ: Ես չեմ ուզում գնահատական տալ ԼԳԲՏ համայնքի դրոշին, դա ինձ չի վերաբերում: Ուղղակի մենք չենք ուզում, որ դա քարոզվի: Նրանք մեր քրիստոնեական արժեքները չեն հարգում, անարգում են մեր ժողովրդին և մեր պետականությունը, որովհետև իրենք շատ լավ գիտեն մեր հասարակության մեծամասնության կարծիքը նշված երևույթի նկատմամբ»,– նշեց նա:
Ակցիային ներկա գտնվող Խաչիկ Ստամբոլցյանն էլ լրագրողների հետ զրույցում ասաց, որ Հայաստանի արտգործնախարարությունն ըստ Վիեննայի կոնվենցիայի պետք է պահանջի, որ Բրիտանիայի դեսպանը լքի մեր հանրապետության տարածքը. «Էս դեսպանը իրավունք չունի այստեղ մնալու, որովհետև սա մարդկության դեմ կազմակերպված ահավոր ակցիա է»: Տեր Կյուրեղ քահանա Տալյանն էլ միայն մեկ նախադասություն հավելեց. «Սոդոմ–Գոմորը Հայաստանում դեսպանատուն չպետք է ունենա»:
Շարունակությունը` «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
