«Ելք դեպի Երկիր ծիրանի». «Փաստ»
«Փաստ» օրաթերթը գրում է.
Երևանի ավագանու ընտրությունների շուրջ ստեղծված իրավիճակը մեղմ ասած տարօրինակ է: Հայաստանյան քաղաքական դաշտի հիմնական դերակատարների հրաժարվելը ընտրապայքարից բերեց նրան, որ Հանրապետական կուսակցության մրցակիցները մնացին Փոտանջյանի «Երկիր Ծիրանին» և Խորհրդարանական ընտրություններում շեմը հաղթահարած «Ելք» դաշինքը: Ինչպես հայտնի դարձավ մամուլի մի շարք հրապարակումներից, «Ելքը» համագործակցության առաջարկներ էր ներկայացրել Զարուհի Փոստանջյանին, որոնք սակայն մերժվել էին:
Ավելի ուշ Փոստանջյանը մամլո ասուլիսներից մեկում նշել էր, թե դեմ է արհեստածին դաշինքներին, այսինքն, ըստ էության, «Ելք» դաշինքին անուղղակիորեն համարելով արհեստածին: Ըստ էության այս տեսանկյունից այնպես չէ, որ Զարուհի Փստանջյանը մեծ հայտնագործություն է արել, քանի որ ընտրությունների նախաշեմին ձևավորվող գրեթե բոլոր կուսակցական դաշինքներն, ըստ էության, պահի խնդիր են լուծում և հիմնականում արհեստածին են, ինչպես բնորոշում է Փոստանջյանը: Ընդ որում պետք է շեշտել նաև, որ այստեղ որևէ դատապարտելի բան չկա, մանավանդ այն դեպքում, եթե այդ դաշինքները կայուն են մնում և չեն պառակտվում: Սակայն որպես կանոն, մենք հաճախ ենք ականատես եղել, թե ինչպես են կարճ ժամանակահատվածում փլուզվել տարատեսակ ընդդիմադիր դաշինքները:
Սակայն վերադառնալով Երևանի ավագանու ընտրություններին, պետք է նշենք, որ Փոստանջյանի նորաստեղծ կուսակցության համար Երևանի ավագանու ընտրությունները բավական հաջող ցատկահարթակ կարող են դառնալ, մյուս կողմից սակայն, Զարուհի Փոստանջյանը հայաստանյան քաղաքական դաշտի ամենահակասական, իսկ հաճախ էլ իռացիոնալ գործիչներից մեկն է, և այս տեսանկյունից դժվար է ասել, թե ինչպիսի արդյունքներ կարող է գրանցել «Երկիր Ծիրանի» «հյութեղ» անվանումով կուսակցությունը:
Ինչ վերաբերում է «Ելքին», ապա այստեղ պետք է նշել, որ որևէ մեկի համար գաղտնիք չէ, որ Հանրապետական կուսակցության միակ ռեալ մրցակիցը կարող էր լինել «Ծառուկյան» դաշինքը, սակայն վերջինիս ընտրություններին չմասնակցելու պարագայում «Ելքը» լավ հնարավորություն է ստանում Երևանի ավագանիում պատկառելի ներկայացվածություն ունենալու համար:
Թե ինչպես կօգտագործվի այդ հնարավորությունը, դժվար է ասել, քանի որ այնուամենայնիվ տեղական ընտրություններում` այդ թվում նաև Երևանի պարագայում, գործում են փոքր–ինչ այլ կանոններ և սկզբունքներ քան համապետական ընտրությունների ժամանակ: Բացի այս, հետընտրական շրջանը բնականաբար իր ազդեցությունն է ունենում ընդհանուր գործընթացների վրա, քանի որ ակնհայտորեն հոգնածության նշաններ են ցույց տալիս և՛ քաղաքական ուժերն ու գործիչները, և՛ հասարակությունն ընդհանրապես:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
