Տարին Մարտունու շրջանում կամփոփեն նոր ասֆալտապատ ճանապարհներով. Արցախի նախագահ
Արցախի Հանրապետության նախագահ Արայիկ Հարությունյանը հուլիսի 31-ին աշխատանքային այցով եղել է Մարտունու շրջանում, խորհրդակցություն անցկացրել համայնքների ղեկավարների հետ:
Երկրի ղեկավարը նախ ծանոթացել է Ստեփանակերտ-Մարտունի մայրուղուց դեպի Բերդաշեն համայնք տանող ճանապարհահատվածի ասֆալտապատման աշխատանքներին, հետաքրքրվել շահագործման ժամկետներով: Նախագահ Հարությունյանի խոսքով՝ միջհամայնքային ճանապահների ասֆալտապատումը համայնքների զարգացմանը միտված կառավարության կարևոր ծրագրերից է, և Նախագահի 2020-2025թթ.-ի ծրագրով նախատեսված է Արցախում իրականացնել տարեկան մինչև 80 կմ ասֆալտապատման աշխատանքներ: Մարտունու շրջանում ընթացիկ տարում կսկսվեն Ճարտար-Զորավան, Կարմիր շուկա-Մարտունի մայրուղուց դեպի Հերհեր և դեպի Քերթ համայնքների ասֆալտապատման աշխատանքները, ինչպես նաև կապիտալ կվերանորոգվի հանրապետական նշանակության Կարմիր շուկա–Գիշի ճանապարհահատվածը:
Այցի ընթացքում նախագահ Հարությունյանն այցելել է նաև բանջարաբոստանային ու այգեգործական մի շարք տնտեսություններ, տեղում զրուցել սեփականատերերի հետ, հետաքրքրվել մշակության, իրացման հարցերով, լսել ունեցած խնդիրների մասին:
Շրջանի համայնքների ղեկավարների հետ աշխատանքային ընդլայնված խորհրդակցության ընթացքում Արայիկ Հարությունյանն անդրադարձել է տարածքների համաչափ զարգացման ուղղությամբ պետական քաղաքականության շրջանակում իրականացվող հիմնական ծրագրերին: Այդ համատեքստում նա առանձնացրել է գյուղատնտեսական և քաղաքաշինական ուղղություններն՝ ընդգծելով, որ հատկապես շրջաններում քաղաքացու կյանքը բարելավելու համար հարկ է ստեղծել ինչպես անհրաժեշտ ենթակառուցվածքային, այնպես էլ գյուղատնտեսական ապրանքների արտադրության բարենպաստ միջավայր: Գյուղերում խմելու և ոռոգման ջրի, ներհամայնքային ու միջհամայնքային ճանապարհների սալապատման ու ասֆալտապատման, հողերի ամբողջական ու գրագետ մշակման հարցերը կառավարության առաջնահերթությունների թվում են: Նախագահի խոսքով՝ առաջիկայում գյուղաջակցության պետական ծրագրերում ևս փոփոխություններ են նախատեսվում, որոնք ուղղված են լինելու հասցեականության ու արդյունավետության մակարդակի բարձրացմանը:
Հանդիպման ընթացքում նախագահը պատասխանել է նաև ներկաների հարցերին:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
35-ամյա ճանապարհի ջրբաժանը. բարդագույն ներկա, անորոշ ապագա. «Փաստ»
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
