ՀՀԿ ցուցակն ավելացրել է կուսակցությունից նեղացածների թիվը. «Փաստ»
«Փաստ» օրաթերթը գրում է.
Շարմազանովը պնդում է, թե նեղանալը քաղաքական կատեգորիա չէ
«Փաստին» հասած տեղեկություններով՝ ՀՀԿ ցուցակի վերջնական տեսքն ավելացրել է ՀՀԿ–ից նեղացածների ու ՀՀԿ ղեկավարության գործելաոճից դժգոհների թիվը: Որոշ մարդիկ, որոնց հետ ՀՀԿ–ն պայմանավորվել էր, առաջարկել էր առաջադրվել, վերջին պահին պետք չեկան ՀՀԿ–ին: Օրինակ՝ «Փաստին» հասած տեղեկություններով՝ ՀՀԿ–ն Սյունիքի նախկին մարզպետ Վահե Մաքսիմի Հակոբյանին Գերմանիայից էր հրավիրել առաջադրվելու, սակայն վերջին պահին նա դուրս մնաց ցուցակից: Նախկին ՀՀԿ–ական Խաչիկ Մանուկյանը ՀՀԿ խորհրդի նիստի օրը ևս համոզված էր, որ առաջադրվելու է ՀՀԿ ռեյտինգայինով, սական վերջում դուրս մնաց ցուցակից ու գնաց «Ծառուկյան դաշինք»: Կենտրոնից ընտրված պատգամավոր Գարեգին Նուշիկյանը ևս ՀՀԿ խորհրդի նիստից հետո ասաց, որ ՀՀԿ–ն իրեն առաջարկ է արել և ինքն առաջադրվելու է, սակայն նրա անունը ևս չկա ՀՀԿ ցուցակում:
Այս առթիվ «Փաստը» մի քանի հարց ուղղեց ՀՀԿ խոսնակ Էդուարդ Շարմազանովին:
– Պարոն Շարմազանով, որոշ ՀՀԿ–ականներ, որոնց հետ ՀՀԿ–ն խոսել էր, նրանց առաջարկ էր արվել առաջադրվելու, վերջին պահին դուրս մնացին ցուցակից, էսպիսով ավելացավ ՀՀԿ–ից նեղացածների թիվը: Չե՞ք կարծում, որ թիմի հանդեպ նման մոտեցումը թուլացնում է այն ու ՀՀԿ–ից նոր նեղացածներ ավելացնում:
– Նեղանալը քաղաքական կատեգորիա չի: Բոլոր նրանք, ովքեր հեռացել են իրենց նախաձեռնությամբ, դա իրենց խնդիրն է, բոլորին բարի ճանապարհ եմ մաղթում և հաջողություն: Որևէ արտառոց բան չեմ տեսնում: Միայն ՀՀԿ–ից չեն հեռանում, քաղաքական պրոցեսը կենդանի գործընթաց է, և առաջին անգամ չի, որ այս կամ այն քաղաքական գործիչը ընտրությունից ընտրություն փոխում է իր կուսակցական պատկանելությունը կամ ցուցակում իր տեղակայման վայրը: Նայած՝ ում համար ինչն է առաջնային: Մարդ կա, ում համար առաջնային է սկզբունքը, մյուսի համար առաջնային է մանդատ ունենալը, մեկ ուրիշի համար առաջնային է կուսակցությունը: Կարծում եմ՝ յուրաքանչյուրն ազատ է իր որոշման մեջ, որևէ նեղացվածություն չկա, ՀՀԿ–ում արշալույսները խաղաղ են, ավելի միասնական ենք:
– Ի վերջո՝ չե՞ք կարծում, որ էստեղ թիմի հետ աշխատանքի խնդիր է:
– Չեմ կարծում, ցուցակը գրվում է բազմաթիվ թեկնածուների հետ հանդիպման ու քննարկումների արդյունքում ու որոշում է կայացվում: Իսկ կազմակերպչական բարձր մակարդակը կերևա ապրիլի 2–ի ընտրություններից հետո, երբ որ կտեսնեք ԿԸՀ արդյունքները:
– Սակայն, մյուս կողմից, ՀՀԿ ցուցակում էլի նույն ու վստահություն չներշնչող դեմքերն են:
– Կխնդրեի որակումներ չտալ: ՀՀԿ ցուցակը ամենամրցունակն է, ամենահավակնոտն է ու ամենա հաջողություն բերողն է:
– Ասել է թե՝ ՀՀԿ–ի հույսն էլի Առաքել Մովսիսյանն է, Սեյրան Սարոյանն է, Միհրան Պողոսյանն է:
– Նախ՝ Առաքել Մովսիսյանը Արցախի հերոսներից է և առաջադրվել է ռեյտինգայինով, Արմավիրի բնակչությունը կորոշի՝ ընտրել, թե չընտրել: Դա բացառապես ժողովրդի խնդիրն է: Առաջինը` մենք հույսներս դրել ենք մեր կուսակցության, ժողովրդի իմաստության և Աստծո վրա:
– Իսկ ինչո՞ւ պիտի հասարակությունը ձայն տա ՀՀԿ–ին, երբ տեսել է այդ նույն ցուցակի մարդկանց գործունեությունը և իր կաշվի վրա զգում է նրանց գործունեության արդյունքը:
– Քարոզարշավը երբ սկսվի, մենք օրենքով սահմանված կարգով հասարակությանը կներկայացնենք, թե ինչու պետք է ընտրի ՀՀԿ–ին: Եվ, ի տարբերություն այլ ուժերի, որոնց քարոզարշավի հիմքում ընկած է՝ ինչու չպետք է ընտրել այս կամ այն ուժին, ՀՀԿ–ն չի ասելու՝ ինչու չպետք է ընտրել Պողոսին, Պետրոսին կամ Մարտիրոսին: ՀՀԿ–ն ապացուցելու է, որ էսօր ամենամտածված ու իմաստուն ընտրությունը ՀՀԿ–ին ընտրելն է: Հանրությունը համաձայն կլինի, չի լինի, ընտրությունը ցույց կտա: Մենք չենք ապրում բռնապետական միակուսակցական համակարգում, որտեղ բոլորը պետք է այս կամ այն կուսակցությանը ձայն տան: Սա ազատ մրցակցություն է:
– Թիմի որոշ անդամների փոխարեն ՀՀԿ ռեյտինգային ցուցակում են «գազավիկները»: Սա նշանակո՞ւմ է, որ ՀՀԿ–ն թեև Կարեն Կարապետյանի նախարարներին չներգրավեց ցուցակում, «գազավիկներին» ներգրավելով ռևերանսներ է անում վարչապետի առաջ:
– ՀՀԿ–ն որևէ մեկի առաջ ռևերանսներ չի անում: Արհեստական ջրբաժաններ մի մտցրեք ՀՀԿ–ի և մեր կուսակցության նախագահի առաջին տեղակալի միջև: Մենք բոլորս մի թիմ ենք, որի ղեկավարը Սերժ Սարգսյանն է, իսկ ինչ վերաբերում է գազավիկներին, սպորտսմեններին, դասախոսներին, քաղաքագետներին ու լրագրողներին, ապա հասարակական բոլոր շերտերից ՀՀԿ–ն ունի թեկնածուներ:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
