Տարածաշրջանային լարվածության ստվերը․ Հայաստանը տնտեսական հարվածի առջև
Վիճակը տարածաշրջանում շարունակում է մնալ ծանր և անկանխատեսելի։ Իրանի, Միացյալ Նահանգների և Իսրայելի միջև խորացող հակամարտությունը ոչ միայն անվտանգային, այլև տնտեսական լուրջ ռիսկեր է առաջացնում Հայաստանի համար։ Եթե Մերձավոր Արևելքում իրավիճակը չկայունանա, ապա դրա անմիջական հետևանքները զգալիորեն կհասնեն նաև հայաստանյան տնտեսությանը՝ բերելով նոր ցնցումների և սոցիալական լարվածության։
Այս պայմաններում առավել մտահոգիչ է այն հանգամանքը, որ Հայաստանի գործող իշխանությունը, փոխանակ կանխատեսելի ռիսկերի գնահատմամբ և հակազդման հստակ ծրագրերով զբաղվելու, շարունակում է գործել իրավիճակային տրամաբանությամբ։ Տնտեսական քաղաքականության մեջ համակարգված մոտեցման բացակայությունը ավելի է խորացնում երկրի խոցելիությունը արտաքին զարգացումների նկատմամբ։
Գյուղատնտեսությունը շարունակում է մնալ բարձիթողի վիճակում, առանց պետական ամբողջական աջակցության և ռազմավարական ծրագրավորման։ Արտադրության ոլորտը փաստացի չի զարգանում, արդյունաբերական ներուժը չի վերականգնվում, իսկ տնտեսությունը շարժվում է իներցիայով՝ առանց հստակ ուղղության։ Այս պայմաններում Հայաստանի պարենային անվտանգությունը լրջորեն վտանգված է, ինչը հատկապես տեսանելի է դառնում արտաքին շոկերի ժամանակ։
Հայաստանը երկար տարիներ ձևավորել է զգալի կախվածություն ներմուծումներից, հատկապես հարևան Իրանից։ Խոսքը վերաբերում է ոչ միայն պատրաստի արտադրանքին, այլև տարբեր ոլորտների համար կենսական նշանակություն ունեցող հումքին։ Այս կախվածությունը այսօր վերածվում է լուրջ ռիսկի՝ հաշվի առնելով տարածաշրջանային լարվածության աճը և հնարավոր մատակարարման խափանումները։
Արդեն իսկ հայաստանյան շուկայում նկատվում են գնաճային միտումներ, որոնք պայմանավորված են արտաքին զարգացումներով։ Առաջին անհրաժեշտության ապրանքների զգալի մասը ներկրվում է, և ցանկացած խափանում մատակարարման շղթայում անմիջապես արտահայտվում է գների բարձրացմամբ։ Եթե առաջիկայում չձեռնարկվեն գործուն քայլեր՝ այլընտրանքային ուղիներ գտնելու և ներմուծման աղբյուրները դիվերսիֆիկացնելու ուղղությամբ, ապա ապրանքների պակասը կարող է դառնալ իրական խնդիր։
Այս ամենի բեռը, ինչպես միշտ, ընկնելու է շարքային քաղաքացիների ուսերին։ Սոցիալական վիճակի վատթարացումը, գնաճը և ապրանքների հասանելիության սահմանափակումը կարող են խորացնել արդեն առկա դժգոհությունները։ Ստեղծված իրավիճակը ևս մեկ անգամ ցույց է տալիս, որ արտաքին մարտահրավերների պայմաններում արդյունավետ կառավարումը դառնում է ոչ թե ընտրություն, այլ կենսական անհրաժեշտություն։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
Մեր դատավորները համատարած գտնվում են Փաշինյանի ճնշման տակ. Ավետիք Չալաբյան
Վթար՝ Հրազդան-Երևան երթուղին սպասարկող միկրոավտոբուսի մասնակցությամբ․ կան վիրավորներ
Իրանի ԱԳՆ-ն ՄԱԿ-ի Գլխավոր ասամբլեայի նստաշրջանին մասնակցությունը որակել է որպես հնարավորություն
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
