Փաշինյանը դժգոհում է, Ալիևը՝ թոզ փչում
Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ Կոպենհագենում կայացած հանդիպմանը քննարկվել է «Զանգեզուրի միջանցք» արտահայտության կիրառման խնդիրը, փոխանցել է վարչապետի խոսնակ Նազելի Բաղդասարյանը։ Հայաստանը, ըստ Բաղդասարյանի, վերահաստատում է, որ Ադրբեջանի նախագահի տվյալ խոսույթը որևէ կերպ չի կարող վերաբերել ՀՀ տարածքին։
«Հայաստանի վարչապետի և Ադրբեջանի նախագահի՝ Կոպենհագենում կայացած հանդիպման արդյունքներով երկու կողմերն էլ տարածել են մամուլի հաղորդագրություն, որից ակնհայտ է, որ երկու կողմերը ընդունում են՝ Հայաստանի տարածքին առնչվում է TRIPP նախագիծը, հետևաբար Հայաստանի Հանրապետության տարածքում որևէ այլ նախագիծ չկա և չի կարող լինել», - շեշտել է խոսնակը։
Նա հավելել է՝ ՀՀ-ում իրականացվում են միայն TRIPP և «Խաղաղության խաչմերուկ» նախագծերը, ինչը հստակ ամրագրված է մի շարք միջազգային փաստաթղթերում։
Մինչ փաշինյանական իշխանությունը փորձում է խուսանավել «Զանգեզուրի միջանցքի» հարցում, Ադրբեջանի նախագահը երեկ էլ՝ թյուրքական երկրների ղեկավարները, կրկին խոսել են միջանցքի մասին՝ չարաշահելով «Զանգեզուրի միջանցք» տերմինը։
Ադրբեջանական Գաբալայում երեկ կայացել է Թյուրքական պետությունների կազմակերպության գագաթնաժողովը, որի ընթացքում Ալիևը հայտարարել է, թե «Զանգեզուրի միջանցքի բացումը վաշինգտոնյան գագաթնաժողովի կարևորագույն արդյունքներից մեկն էր»։ Այդ կազմակերպության գլխավոր քարտուղար Կուբանիչբեկ Օմուրալիևն էլ հայտարարել է, թե Զանգեզուրի միջանցքի շուրջ Վաշինգտոնում ձեռք բերված պայմանավորվածությունները պատմական կարևորություն ունեն։
«Այս քայլը զգալիորեն կուժեղացնի թյուրքական աշխարհը և տարանցման նոր հնարավորություններ կստեղծի», - նշել է կազմակերպության ղեկավարը։
Ուշագրավ է, որ նույն գագաթնաժողովում Ադրբեջանի ԱԳ նախարար Բայրամովը օգտագործել է հենց TRIPP տերմինը՝ զերծ մնալով «Զանգեզուրի միջանցք» արտահայտությունը կիրառելուց։ Ըստ էության, Ալիևն ու Բայրամովը դերաբաշխում են արել, որպեսզի թե՛ միջազգային հանրության աչքին թոզ փչեն, թե՛ իրենց ներքին հարցերը սպասարկեն։
Մարինե Մարտիրոսյան
Юнибанк разыграет поездку в Италию среди новых держателей карт Mastercard World «Travel»
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Предателя Пашиняна нужно скинуть с трона. Аршак Карапетян
Пашинян замотивирован уничтожить Армению․ Аршак Карапетян
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
