Հզորացնելով հայ տաղանդների հաջորդ սերնդին. «Երաժշտություն հանուն ապագայի» հիմնադրամի առաջին համերգը ԱՄՆ-ում
«Երաժշտություն հանուն ապագայի» հիմնադրամը հոկտեմբերի 18-ին առաջին անգամ կներկայանա ԱՄՆ-ում՝ Բոստոնի Scottish Rite Museum and Library-ի համերգասրահում, որտեղ համերգային ելույթներով հանդես կգան Հիմնադրամի կրթաթոշակառուները։ Համերգը կազմակերպվում է Friends of Armenian Culture Society (FACS)-ի հետ համագործակցությամբ և հանդիսանալու է մեծ մշակութային իրադարձություն՝ ներկայացնելով Հայաստանի վառ երիտասարդ երաժիշտներին և միավորելով սփյուռքի հայ համայնքին՝ աջակցելու հայ տաղանդավոր երեխաների հաջողությանը և ապագայի կերտմանը:
Բեմ դուրս կգան Հիմնադրամից տաղանդաշատ պատանիներ, ովքեր արդեն իսկ միջազգային բեմերում հաստատել են իրենց տեղը՝ դառնալով Հայաստանի նոր երաժշտական սերնդի դեսպանները։ Նրանց կատարմամբ կհնչեն Բեթհովենի, Շոպենի, Լիստի, Ռախմանինովի, Բաբաջանյանի, Խաչատրյանի և Սեն-Սանսի ստեղծագործությունները։ Բոստոնում առաջին անգամ կներկայացվեն նաև երկու հայ կոմպոզիտորների՝ Յուրի Գևորգյանի Սերենադը սաքսոֆոնի համար և ամերիկաբնակ հայազգի երիտասարդ սերնդի կոմպոզիտոր Առնո Մելքոնյանի «In memory of Artsakh» ստեղծագործությունը դաշնամուրի համար, որը հանդիսատեսին կներկայացնի հենց կոմպոզիտորը։ Այս ստեղծագործությունները առաջին անգամ կհնչեն Բոստոնում:
Համերգային երեկոյին իր ողջույնի խոսքով հանդես կգա Նյու Ինգլանդի կոնսերվատորիայի լարային և դաշնամուրային կամերային երաժշտության ամբիոնի վարիչ, ջութակահար/ալտահար Արա Գրեգորյանը:
Այս բարեգործական համերգը միաժամանակ կլինի երաժշտական տոն և կարևոր ներդրում Հայաստանի երիտասարդների ապագայի համար: Համերգից ստացված հասույթը ամբողջությամբ կուղղվի Հիմնադրամի կրթական ծրագրին` ապահովելու հայ տաղանդավոր երեխաների շարունակական բարձրորակ կրթությունը, մասնագիտական աջակցությունը և Հայաստանի ներկայացումը համաշխարհային բեմերում:
Տոմսերի արժեքը՝ 50–75 ԱՄՆ դոլար մեծահասակների համար և 25 ԱՄՆ դոլար ուսանողների համար։ Համերգից հետո հյուրերը հրավիրված են մասնակցելու ընդունելության, որտեղ հնարավորություն կունենան հանդիպելու երիտասարդ տաղանդավոր երաժիշտների հետ և ծանոթանալու «Երաժշտություն հանուն ապագայի» հիմնադրամի գործունեությանն ու առաքելությանը։
Տոմսերի վաճառքի և տեղեկությունների համար՝ https://tinyurl.com/MusicForFutureConcert
«Երաժշտություն հանուն ապագայի» հիմնադրամը ստեղծվել է 2019թ.-ին Մաեստրո Սերգեյ Սմբատյանի կողմից և արդեն դարձել է կարևոր կրթական կենտրոն Հայաստանում։ Հիմնադրման օրվանից ի վեր այն աջակցել է 80-ից ավելի պատանի երաժիշտների մասնագիտական կայացմանն ու զարգացմանը, ովքեր պատվով ներկայացնում են Հայաստանը բազմաթիվ միջազգային փառատոններում և մրցույթներում: Հիմնադրամի տաղանդավոր պատանիները ընդունվել են աշխարհի առաջատար երաժշտական ուսումնական հաստատություններ, այդ թվում՝ Վիեննայում, Քյոլնում, Լոնդոնում, Դետմոլդում, Ցյուրիխում, Զալցբուրգում՝ ամրապնդելով Հայաստանի հեղինակությունը դասական երաժշտության աշխարհում:
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
