Հինգ տարի է՝ գալիս, խոստանում, գնում են. «Փաստ»
«Փաստ» օրաթերթը գրում է.
Արմավիրի մարզի Արտաշար համայնքում ճանապարհ չկա: Գյուղ տանող և գյուղամիջյան ճանապարհներն ամբողջությամբ քարուքանդ վիճակում են: Արտաշարի բնակիչները «Փաստ» օրաթերթի թղթակցի հետ զրույցում դժգոհեցին, որ անմխիթար ճանապարհների պատճառով իրենք չեն կարողանում բերքը դաշտից շուկա տանել:
«10 րոպեի ճանապարհ է, մենք մի ժամ ենք գալիս, մինչև տեղ ենք հասնում՝ շուկայի ժամից էլ ենք ուշանում, բերքն էլ փչանում է: Ով գալիս է գյուղ՝ սիրտը խառնում է ճանապարհից»,– սրտնեղեց Արտաշարի բնակիչ Սանասար Գրիգորյանը: Այստեղ բողոքում են, որ այդ ճանապարհներով նույնիսկ տրակտորը չի կարողանում երթևեկել։
3 կիլոմետր ճանապարհն ամբողջովին անմխիթար վիճակում է։ Մարդաբոյ փոսերի պատճառով բնակիչները չեն կարողանում տեղաշարժվել:
Մեքենաները շարքից դուրս են գալիս, տաքսիներն Արտաշարի անունը չեն ուզում լսել։ Իրավիճակն ավելի է սրվում, երբ անձրևներն է սկսվում:
«Շան օրի ենք ապրում։ Ամբողջ օրը ցեխի մեջ կորած ենք»,– գանգատվեց Արտաշարի բնակչուհին:
Գյուղացիների խոսքով` իրենք պետության ուշադրությունից դուրս են մնացել. գյուղի խնդիրները չեն լուծվում: Նրանց տանջում է այն, որ անգամ գյուղացու վճարած հարկերով գյուղապետը խնդրին լուծում չի տալիս:
«Էսքան գույքահարկ են վճարում, դրա փողերն ո՞ւր են գնում, թող ճանապարհը վերանորոգեն: Ճանապարհ չկա, սաղ ջարդուփշուր վիճակում է»,– նկատեց Սանասար Գրիգորյանը:
Գյուղացու խոսքով` ընտրությունից ընտրություն խոստացել են ճանապարհը վերանորոգել, բայց մինչև օրս էլ սայլը տեղից չի շարժվում:
«5 տարի է՝ գալիս, խոստանում, գնում են. ընտրությունների ժամանակ սարեր խոստացան, Հանրապետական կուսակցությունը խոստացավ ճանապարհը սարքել, բայց բան չի փոխվել: Քանի ընտրություն եղել է, էդքան ժամանակ խոստացել են, բայց բան չի փոխվում»,– շեշտեց նա:
90–ական թվականներից մինչև այսօր Արտաշարի ճանապարհները չեն բարեկարգվել: Մի քանի անգամ փոսալցվել են, բայց այդպես էլ չեն կարողանում տեղաշարժվել։
Բնակիչները պատմեցին, որ 2007 թվականից ճանապարհների անբարեկարգ վիճակի մասին բարձրաձայնում են, բայց կառավարությունը ոչ մի բան չի արել։
«Սաղ տեղերն էլ դիմել ենք, բայց ոչ մի տեղից էլ աջակցություն չկա։ Առաջնությունը տված է մի քանի գյուղերի ճանապարհներին, միշտ մեր գյուղը երկրորդական պլանում է։ Շատ վատ՝ ահավոր վիճակ է»,– ասացին նրանք:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
