Բաստուրմայի երեկո՝ մայրաքաղաքի սրտում. «Փաստ»
«Փաստ» օրաթերթը գրում է.
Երբ տարիներ առաջ մայրաքաղաքի Աբովյան փողոցում բացվեց հուշանվերների «Աղաքսակ» խանութ–սրահը, այն իր հետ Երևան բերեց նաև նոր մշակույթ, նոր ասելիք և նոր որակ: Ու շատ կարճ ժամանակ անց այն դարձավ ոչ միայն երևանցիների, այլ մայրաքաղաքի հյուրերի սիրելի վայրերից մեկը: Հուշանվերների խանութ–սրահից հետո Երևանի քարտեզի վրա ավելացավ մեկ այլ ժամանցի վայր՝ «Դոլմամա» ռեստորանը: Հիմա արդեն եղածին ավելացել է «Բաստուրմա» սրճարանը, որը նախորդ երկուսի հետ միասին լրացրեց Երևանի համար դիմագիծ դարձած եռանկյունու երրորդ անկյունը: Նշենք, որ այս նախագծերի հեղինակը Ժիրայր Ավանյանն է, ով տարիներ առաջ ԱՄՆ–ից Հայաստան եկավ ու դարձավ մայրաքաղաք Երևանի հայտնի և սիրված կերպարներից մեկը:
Հոկտեմբերի 27–ին Աբովյան–Պուշկին խաչմերուկում «Բաստուրմա» սրճարանի հարևանությամբ տեղի ունեցավ բաստուրմայի երևանյան երեկո, որին մասնակցում էր նաև Երևանի քաղաքապետ Տարոն Մարգարյանը: Երևանցիները, մայրաքաղաքի հյուրերն ու պարզապես անցորդները ակամայից հայտնվելով բացօթյա այդ ինքնատիպ միջոցառմանը, հնարավորություն ունեցան յուրովի բացահայտել բոլորիս լավ հայտնի բաստուրման՝ իր ինքնատիպ մատուցմամբ:
Փառատոնի կազմակերպիչ, «Դոլմամա» ռեստորանի և «Բաստուրմա» սրճարանի տնօրեն Մերի Բադալյանը «Փաստի» հետ զրույցում նշեց, որ սա Ժիրայր Ավանյանի հերթական գաղափարներից մեկն է, որը միջոցառում լինելուց բացի սոցիալական շատ հետաքրքիր նախագիծ է:
«Հայաստանն այն բացառիկ երկրներից է, որն ամեն ինչ ունի, սակայն այդ ամենի ճիշտ փաթեթավորումը և մատուցումը չկա: Մեր այս նախագծով մենք ցանկանում ենք, որ բաստուրման նույնպես դառնա Հայաստանը ճանաչելու կարևոր գրավականներից մեկը: Շատ կարևոր փաստ կա: Սովորաբար զբոսաշրջիկները այս կամ այն սննդամթերքի մասին խոսելիս կամ այդ մասին լսելիս հիշում են այն երկիրը, որտեղ այն համտեսել են: Մենք ցանկանում ենք, որ բոլոր մեր հյուրերը բաստուրմա ասելիս, կամ այդ բառը լսելիս միանգամից Հայաստանը հիշեն: Այս երեկոն մենք անվանել ենք մտքերի փոխանակման երեկո, որի ժամանակ առիթ կունենանք նաև տեղեկանալ, թե մեր հյուրերն ինչ կարծիք ունեն բաստուրմայի մասին, ինչը նույնպես բավականին կարևոր է այս սոցիալական նախագիծն իրականացնելու համար»,– ասաց Մ. Բադալյանը:
Նշենք նաև, որ երեկոն ընթացավ նաև երևանյան մեկ այլ սիմվոլ՝ Ֆորշի անզուգական կատարումների ներքո, իսկ երեկոյի ընթացքում բաստուրմայի շուրջ ձևավորված այդ անմիջական մթնոլորտը դեռ երկար կհիշվի թե՛ երևանցիների և թե՛ զբոսաշրջիկների հիշողության մեջ:
Եվ կասկած չկա, որ իսկապես այս նախագծով Հայաստանը ևս մեկ քայլով կբարելավի իր դիրքերը աշխարհի ամենաճանաչված և ամենաշատ այցելություն ունեցող երկրների ցանկում և մյուս ճանաչված երկրների նման էլ ավելի կամրապնդի իր տեղը համաշխարհային զբոսաշրջային քարտեզի վրա:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
