Կոտրած ոտքով 12 օր լեռնագագաթին մնացած լեռնագնացուհուն փրկելու վերջին փորձը կարվի, եթե նա ողջ լինի
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուս լեռնագնաց Նատալյա Նագովիցինային փրկելու փորձ կարվի օգոստոսի 25-ին, եթե պարզվի, որ նա ողջ է։ Այս մասին ՏԱՍՍ-ին հայտնել են Ռուսաստանի լեռնագնացության ֆեդերացիայից։ Ավելի վաղ աղբյուրը հայտնել էր, որ 47-ամյա Նագովիցինային գտնելու և օգնելու փրկարարական գործողությունն ընդհատվել է եղանակային պայմանների պատճառով։
«Նրանք կփորձեն փրկել նրան եվրոդրոնով, եթե պարզվի, որ նա ողջ է։ Կախված դրանից՝ կարող է ևս մեկ փորձ արվել Նագովիցինային բարձունքից իջեցնելու համար»,- ասել է գործակալության աղբյուրը։
Նախկինում հաղորդվել էր, որ ռուս լեռնագնացուհուն Կիրգիզիայի Պոբեդա գագաթից տեղափոխելու փորձերը ձախողվել են: Նագովիցինան չի կարողանում շարժվել ոտքի կոտրվածքի պատճառով և գտնվում է Պոբեդա գագաթին օգոստոսի 12-ից՝ մոտ 7200 մ բարձրության վրա գտնվող փոքրիկ հարթակի վրա։ Մի քանի հարյուր մետր ներքևում գտնվում է իտալացի լեռնագնացի մարմինը, որը Նագովիցինայի հետ նույն արշավախմբում է եղել: Իտալացին փորձել է փրկել Նագովիցինային, սակայն մահացել է սառնամանիքի հետևանքով առաջացած ուղեղի այտուցի պատճառով:
Հավելենք, որ տարիներ առաջ` 2021 թվականին, Պոբեդա գագաթից 16 կիլոմետր հեռավորության վրա գտնվող Խան-Տենգրի գագաթում, Նատալյան կորցրել է ամուսնուն։ Նա կաթվածահար է եղել 6800 կիլոմետր բարձրության վրա։ Կինը նրա հետ է մնացել մինչև փրկարարների հասնելը։ Սակայն նրանք չեն կարողացել կաթվածահար տղամարդուն իջեցնել։ Տղամարդը մնացել է բարձունքում, իսկ առավոտյան նրան այնտեղ չեն գտել։
Ենթադրվում է, որ նա արձակել է կապը և ընկել անդունդը։ Այդ ժամանակվանից ի վեր Նատալիան երազում էր ստանալ «Ձյունե ընձառյուծ» կրծքանշանը. «Պոբեդա» գագաթը վերջին յոթհազարանոց լեռն էր, որը նրան մնացել էր նվաճելու։ Անցյալ տարի նա արդեն մեկնել էր արշավի, բայց հետ էր կանչվել անբավարար պատրաստվածության պատճառով։ Իսկ այս տարվա գարնանը Նատալիան կոտրել էր ոտքը։
Ավելի վաղ Նատալյային արդեն իսկ մահացած էին հայտարարել, իսկ դրոնից արված կադրերը, որտեղ նա ձեռքով է անում և կենդանության վերջին նշաններն է ցույց տալիս, որոշվել է ուղարկել նրա ընտանիքին:
Հետևեք մեզ՝ այստեղ
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Зачем Пашинян полетел в Россию?․ Аршак Карапетян
Правовой терроризм как начало падения власти: пример Гагика Царукяна и горькие уроки истории: «Паст»
Рост цен на продукты в Армении ускорился до 8,6%: ЕАБР
