Մկրտիչ Մինասյան. «Եթե Հայաստան–ԵՄ համաձայնագիրը չստորագրվի, պատճառը տեխնիկական հարցերը կարող են լինել». «Փաստ»
«Փաստ» օրաթերթը գրում է.
ԱԺ նախագահի քաղաքական հարցերի գծով խորհրդական Մկրտիչ Մինասյանի կարծիքով «Ընտանեկան բռնության» մասին օրենքը, որն այսքան բուռն քննարկման առիթ դարձավ, խոսում է հայի կենսափիլիսոփայության և հոգեկերտվածքի մասին: Սակայն, նախ պետք է հասկանալ, թե իրականում կա՞ նման խնդիր, թե՝ ոչ: Քաղաքական գործիչը «Փաստի» հետ զրույցում նշեց նաև, որ օրենքները գրվում են ոչ թե բարեկիրթ, գրագետ, օրինապաշտ մարդկանց, այլ հասարակության այն շերտերի համար, որոնց միջավայրում առկա է բռնությունը, ուստի նման օրենք, իր կարծիքով, պետք է ընդունել:
«Այս իմաստով օրենքի կարիքը կա, բայց այն պետք է մեր մտածելակերպին հարիր լուծումներ ստանա: Այս առումով իսկապես մտածելու տեղիք կա: Մասնագետները տվյալներ են ներկայացնում, որի համաձայն, բռնությունների 45–50%–ը տեղի են ունենում ընտանիքներում, ընտանիքի անդամների նկատմամբ: Սա սարսափելի է և պետք է անպայման ուշադրություն դարձնել»,– ասաց Մ. Մինասյանը:
ԱԺ խորհրդականի կարծիքով կարևոր է նաև բռնություններ ծնող պատճառները վերացնելու մասին մտածել և այդ ուղղությամբ կոնկրետ քայլեր ձեռնարկել: Խոսելով հեռուստաեթերով անընդհատ բռնություն քարոզող սերիալների մասին, որտեղ արատավոր երևույթները կամ բարքերը ներկայացվում են որպես օրինավոր երևույթներ և արժանավոր քայլեր, Մ. Մինասյանի կարծիքով պետք է այս դաշտը նույնպես լուրջ վերանայման ենթարկել և կոնկրետ հետևություններ անել:
«Պետք է հիմքից փորձել չարիքը վերացնել, բայց եթե այն արդեն կա պետք է համապարփակ ձևով պայքարել դրա դեմ, որպեսզի վերանա: Մենք ազգովի պետք է մտածենք, թե ինչ պետք է անենք, որ նման խնդիրները չավելանալուց բացի ընդհանրապես վերանան»,– ասաց Մ. Մինասյանը:
Քաղաքական գործչի կարծիքով օրենքը պետք է ընդունել այնպիսի տեսքով, որպեսզի մեր մտածելակերպին, կենսափիլիսոփայությանը հարիր ու ներդաշնակ լինի և չոտնահարի մեր ազգային արժեքները:
Խոսելով այս օրերին բավականին ակտիվ քննարկման առարկա դարձած՝ Հայաստան– ԵՄ համապարփակ և ընդլայնված գործընկերության համաձայնագրի ստորագրել–չստորագրելու մասին, Մ. Մինասյանն ասաց, որ ամենայն հավանականությամբ այն կստորագրվի, իսկ չստորագրվելու պատճառը կարող է միայն տեխնիկական լինել:
«Եթե այնպես ստացվի, որ համաձայնագիրը չստորագրվի, ապա դա պայմանավորված չի լինի քաղաքական դրդապատճառներով: Եթե նոյեմբերին չստորագրվի, ապա դրա պատճառը տեխնիկական և կազմակերպաիրավական բնույթի չլուծված հարցերը կարող են լինել: Եթե մինչ նոյեմբեր չստացվի դրանք լուծել, ապա դրանք հետագայում նույնպես կլուծվեն: Ես վստահ եմ, որ այդ համաձայնագիրն անպայման ստորագրվելու է, քանի որ կարծես թե բոլոր կողմերն էլ՝ ինչպես նաև քաղաքակիրթ աշխարհը, այնպես էլ Հայաստանի Հանրապետության իշխանությունները և նաև ընդդիմությունը որևէ առարկություն չունեն և համամիտ են, որ մենք պարտավոր ենք գնալ զարգացման ճանապարհով: Համաշխարհային տենդենցներն այսօր միջազգային ջանքերի միավորման են տանում և այդ ձևաչափից Հայաստանը չի կարող դուրս մնալ: Մեր ճանապարհը քաղաքակիրթ աշխարհի ձեռքբերումները ընդունելը, ազգի և պետության համար շահավետ լուծումներ գտնելն ու դրանք իրականացնելն է»,– ասաց Մ. Մինասյանը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
