Ամանորյա խոզի բուդ նարնջի սոուսով. բաղադրատոմս

Ամանորյա ամենահայտնի ուտեստը խոզի բուդն է: Ամեն տարի՝ ձեր մտերիմներին այցելելիս, նրանք ձեզ խոզի բուդ են հյուրասիրում, և բոլորի մոտ այն նույնանման է ստացվում: Այս տարի առաջարկում ենք յուրօրինակ բաղադրատոմսով խոզի բուդ պատրաստել, որը հաստատ կզարմացնի ձեր հյուրերին: Պատրաստեք այն ու հանգիստ ասեք. «Սա կեր, ուրիշ տեղ նման բան չես ուտի»:

Խոզի բուդ- 1կգ

Սխտոր- 3 հատ

Քերած մշկընկույզ-1/2թ գդալ

Նարնջի ջեմ- 200գր

Մեխակի փոշի- 1/4թ գդալ

Կոնյակ- 1ճ գդալ

Ծիրանի չիր- 100գր

2 նարնջի հյութ

1 լիմոնի քերած կեղև

Աղ

Բիբար

1. Վառարանը 180°C տաքացնել: Միսը լավ լվանալ, ազատել ավելորդ մասերից:

2. Մեկ սխտորը երկու մասի բաժանել, իսկ մնացածները բարակ կտրատել ու խցկել մսի մեջ:

3. Միսն ամբողջությամբ պատել աղի, բիբարի, սխտորի ու մշկընկույզի փոշիներով: Փաթաթել այլումինե ֆոլգայի մեջ ու դնել վառարանը 1.5 ժամով:

4. Գլազուրի համար 100գր ջեմը տաքացնել, ավելացնել լիմոնի քերած կեղևը և մեխակի փոշին, եռացնել, ավելացնել կոնյակը և լավ խառնել:

5. Միսը հանել վառարանից, նարնջի գլազուրի 1/3-ով այն պատել և նորից դնել վառարանի մեջ: Կրկնել 3 անգամ:

6. Նարնջի հյութը խառնել մնացած ջեմի հետ: Ծիրանի չիրը մանրացնել բլենդերի օգնությամբ: Ստացված սոուսը մատուցել խոզի բդի հետ միասին:

Բարի ախորժակ

Past.am