Աշնանացան չեն կարողանում կատարել. անելանելի վիճակ գյուղերում. «Փաստ»
«Փաստ» օրաթերթը գրում է.
Լոռու մարզի գյուղացիների մեծ մասը չի կարողանում աշնանացան ցորենի ցանքս կատարել: Հողագործությունից այս տարի եկամուտ չստացած գյուղացին չի կարողանում ցորեն գնել: Նման անելանելի վիճակում են հայտնվել մարզի Մեծ Այրում համայնքի բնակիչները:
Գրիշա Գրիգորյանի՝ 3 հեկտար ցորենի արտը դեռ գարնանը չէր կանաչել: Նա նախորդ տարվա աշնանը Ստեփանավանի Կողես համայնքից ցորենի սերմացու էր գնել, բայց գարնանը ստիպված նոր ցանքս էր կատարել:
«Ով որ էդ ռայոնից բերել է, ոչ մեկինը չի ծլել: Մարդիկ կրկնակի ծախսի տակ ընկան, որ նորից վարուցանք անեն: Մարդ կա՝ 70 հեկտար ցորեն է ցանել, չի ծլել, նորից վարել է, որ տեղը մի բան ցանի, գոնե, հողն անմշակ չմնա»,– «Փաստ» օրաթերթի հետ զրույցում պատմեց Մեծ Այրում գյուղի բնակիչը:
Մեծ Այրումի բնակիչը կրկնակի ծախս է կատարել՝ արևածաղիկ ու եգիպտացորեն ցանել: Բերք կրկին չի ստացել: Մարզում այս տարի երաշտ էր՝ բերքատվությունը ցածր է եղել: Ստացած անորակ բերքը նա ստիպված անասնակեր է դարձնում:
«60–70 մեշոկ հիմի արևածաղիկ ունեմ, տարել եմ ալրաղաց, որովհետև որակը տեղը չի՝ ո՛չ ծախվում է շուկայում, ո՛չ էլ մեկն ընդունում է: Հիմա դա անասնակեր եմ դարձնելու»,– հուսահատություն հայտնեց հողագործը:
Եղանակային պայմանների պատճառով բերքը կորցրած գյուղացին այսօր չի կարողանում աշնանացան կատարել: Գրիշա Գրիգորյանի 6 հեկտար հողամասում ցանքս չի կատարվի: Համայնքի մշակովի հողերի մեծ մասը նույնպես անմշակ կմնա:
«Ժողովուրդը հնար չունի, որ գնա սերմացու առնի ու իրա գործն անի: Եկամուտ չենք կարողացել ստանալ ընդհանրապես, ոչ մեկ փող չունի: Առանց այն էլ պարտքեր ունենք, չենք կարող էլի վարկերի տակ մտնել»,– նշեց մեր զրուցակիցը:
Մեծ Այրում համայնքում արդեն 10 տարուց ավելի է գյուղացիները լայնորեն անցել են արևածաղկի մշակությանը: Գյուղացիները հավաստիացնում են, որ արևածաղիկը միակ բերքն է, որը շահութաբեր է։ Միջին բերքը ստացվում է 15–20 ց/հա, իսկ ոռոգելու և եղանակային բարենպաստ պայմանների դեպքում կարելի է ավելին ստանալ։ Գյուղացիների հաշվարկները ցույց են տալիս` նույնիսկ հեկտարից 5 ցենտներ բերք ստանալիս եկամուտը փակում է կատարած ծախսերը։ Նրանց խոսքով` բույսի անպետք մասն էլ դեն չեն նետում` անասնակեր են դարձնում։ Միակ խնդիրը դրսից ներկրումներն են:
«Կիլոգրամը 400–500 դրամով ենք վաճառում, կարելի է ասել, եկամուտ ապահովում է, բայց դրսից ներկրումները չեն թողնում, որ մեր գործն առաջ գնա։ Դրսից տարբեր տեսակի արևածաղիկ է բերվում, տեղականն էլ արդեն չի վաճառվում»,– դժգոհեց գյուղացին:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
