Ամբերդցիները «սև» ցուցակում են հայտնվել. «Փաստ»
«Փաստ» օրաթերթը գրում է.
Արմավիրի մարզի Ամբերդ համայնքի բնակիչները ծանր կացության մեջ են հայտնվել: Նրանք այս տարի չեն կարողացել եկամուտ ստանալ: Համայնքի բնակիչների մեծ մասն այսօր կանգնել է վարկերը մարելու խնդրի առաջ:
Այս տարի Ամբերդում 80%–ով կարկուտից վնասներ են կրել: Այգիներն ու ցանքատարածություններն ավերվել են:
«Ամբողջ գյուղը վարկ էր վերցրել ու բանջարեղեն մշակել: Արդեն լոբին վաճառում էինք, որ կարկուտ եկավ ու բույսը ջարդեց»,– «Փաստ» օրաթերթի հետ զրույցում նեղսրտեցին ամբերդցիները:
Վանիկ Խաչատրյանի մեկ հեկտար այգին հունիսին կարկտահարվել էր՝ ընտանիքին զրկելով ապրուստի միակ միջոցից: Արդեն երկրորդ տարին է նա եկամուտ չի ստացել: Այսօր ցանկանում է այգին կարկուտից պաշտպանել՝ այն ցանցապատելով, բայց տարակուսում է:
«Վարկեր են տալիս, բայց վախենում եմ վերցնել, քանի որ մտավախում եմ էլի եկամուտ չստանամ ու բանկի «սև» ցուցակում հայտնվեմ»,– նկատեց նա:
Կարկտահարությունից հետո Ամբերդում միայն 20 հեկտար տարածքում են երկրորդ ցանքս կատարել, այդ բերքով էլ հնարավոր չէ հարկերը վճարել: Ամբերդում արդեն իսկ բազմաթիվ վարկառուներ «սև» ցուցակում են հայտնվել: Նրանք վերցրած վարկը չեն կարողացել մարել:
«Վարկի մայր գումարը չեն կարողացել մարել ու բանկի հետ խնդիրներ ունեն: Անցյալ տարի նույնպես կարկուտ եկավ ու մարդիկ պարտքի տակ մնացին»,– նշեց նա:
Նախորդ տարի կարկուտը կրկին ամբերդցիներին առանց բերք էր թողել: Դիմել էին կառավարություն, որպեսզի պետությունը թեթևացնի ամբերդցիների հոգսը՝ հարկերը սառեցնելով: Այս տարի կառավարությունը որոշել է աջակցել երկրորդ տարին առանց ապրուստի միջոցի մնացած ամբերդցուն՝ հողի հարկն ու ջրի վարձը զեղչելով:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
