Աբխազիայում կստեղծվի օպերատիվ խումբ՝ պարզելու հայկական սփյուռքի դեմ սպառնալիքների հանգամանքներն ու փաստերը․ ԶԼՄ
Բադրա Գյունբայի շտաբը դատապարտել է ընտրություններից հետո ատելության հրահրումը։ Այս մասին գրում են տեղական ԶԼՄ-ները։
«Սիրելի հայրենակիցներ,
Աբխազիայի Հանրապետության նախագահի ընտրությունների առաջին փուլից հետո սոցցանցերում բազմաթիվ հրապարակումներ հայտնվեցին, որոնք սպառնալիքներ ու վիրավորանքներ էին պարունակում ազգությամբ հայ Աբխազիայի քաղաքացիների հասցեին, ովքեր իրենց ձայնը տվել էին նախագահի թեկնածու Բ.Զ.Գյունբային։
Մենք խստորեն դատապարտում ենք նման կոչերը և դրանք համարում ենք ոչ այլ ինչ, քան հարձակում մեր հասարակության կայունության վրա, ազգամիջյան տարաձայնությունների հրահրում, որն ի վերջո սպառնում է ազգային անվտանգությանը։
Ընտրություններից հետո հնչած սպառնալիքներն ու վիրավորանքները պղծում են Աբխազիայի հայ պաշտպանների հիշատակը, ովքեր իրենց կյանքը զոհաբերել են Աբխազիայի ժողովրդի Հայրենական պատերազմի ճակատներում։
Նախագահի թեկնածուներին, քաղաքական կուսակցությունների և հասարակական կազմակերպությունների ղեկավարներին կոչ ենք անում հրապարակայնորեն դատապարտել նման հայտարարությունները։
Դիմում ենք իրավապահ մարմիններին՝ պահանջելով իրավական գնահատական տալ այդ կոչերին և ապահովել Աբխազիայի Հանրապետության հայազգի քաղաքացիների անվտանգությունը։
Մենք մեր կողմից վճռականորեն հայտարարում ենք, որ թույլ չենք տա որեւէ մեկին խարխլել երկրում կայունությունն ու ազգամիջյան ներդաշնակությունը»։
Юнибанк разыграет поездку в Италию среди новых держателей карт Mastercard World «Travel»
IDBank предупреждает о мошеннических звонках от имени пенсионных фондов
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
