Տեսնես տիկին Ներսիսյանը վերջապես հանդիպե՞ց ԱԺ նախագահի հետ. «Փաստ»
«Փաստ» օրաթերթը գրում է.
2000 թվականից որդու բուժման նպատակով ՌԴ տեղափոխված ընտանիքը չի իմացել, որ տարիներ անց իր սեփական բնակարանի հյուրասենյակը 2010 թվականին տրամադրել են մի կնոջ, ով, ըստ տիկին Ներսիսյանի, անօրեն ձևով մինչ օրս ապրում է իրենց բնակարանում:
«Փաստաթղթեր կան, որ իբրև թե դատական պրոցես է տեղի ունեցել, խաբեությամբ նշել են, թե պատասխանողը մասնակցել է դատական պրոցեսին: Պատասխանողն իրականում չի մասնակցել դատական նիստերին, քանի որ այդ ընթացքում գտնվել է Ռուսաստանի Դաշնությունում: Այսօր տեխնիկան այնքան է զարգացել, որ վայրկյանների ընթացքում ցանկացած բառ, ցանկացած հեռախոսային զանգ, ամեն ինչ այսօր հնարավոր է ստուգել: Բայց մենք, գտնվելով Ռուսաստանում, ուրիշները կեղծել են մեր ստորագրությունը և այնպիսի վճիռ են կայացրել, որ մեր տան ճաշասենյակը հատկացվել է մի կնոջ»,– «Փաստին» ասաց տիկին Ներսիսյանը:
Հայաստան վերադառնալուց հետո, երբ իմացել է, թե ինչն–ինչոց է, դիմել է դատարան, բայց 7 տարի է՝ իր պայքարը որևէ արդյունքի չի հանգեցրել: Հուսահատ կինը ստիպված դիմել է ԱԺ նախագահ Արա Բաբլոյանին, բայց արդեն երկու ամիս է՝ չի կարողանում անձամբ հանդիպել և իր բողոքն անձամբ նրան ուղղել: Դիմում է գրել, տեսակցության օր խնդրել, սակայն ԱԺ նախագահի հետ հանդիպել այդպես էլ չի հաջողվել: Մի քանի օր առաջ ասել են՝ երկուշաբթի, ժամը 11–ին եկեք, բայց նշված օրն էլ պարզ է դարձել, որ ԱԺ նախագահը կրկին զբաղված է և չի կարող ոտքի վրա նույնիսկ 5 րոպեով ընդունել տիկին Ներսիսյանին:
«Մեկն ասում է՝ տեղում չի, մյուսն ասում է՝ գնացել է դեսպանի հետ հանդիպման: Իմ աչքերին շատ տեղերում թոզ են փչել, բայց ես չեմ ուզում հավատալ, որ այստեղ էլ է նույն պատմությունը: Օգոստոսի 14–ից սպասում եմ, որ պարոն Բաբլոյանը ինձ ոտքի վրա, ընդամենը 5 րոպեով ընդունի, բայց այդքան դիմումներից հետո ինչու նա չի ցանկանում ընդունել ինձ, չեմ հասկանում»,– վրդովված ասաց կինը:
Նրան ուղղորդում էին իրավաբանական բաժին դիմել, բայց կինն անդրդվելի էր: Իր հարցերի միակ լուծումը նա ԱԺ նախագահի հետ հանդիպելու մեջ էր տեսնում և վրդովված հարցնում էր՝ միթե Հայաստանում ոչ մեկին չի հետաքրքրում, որ դատարանները օրենքի խախտումներով որոշումներ են կայացնում և սուտ վճիռներով հալածում են մարդկանց:
«Փաստը» պատրաստ է ներկայացնել բոլոր կողմերի, այդ թվում նաև ԱԺ նախագահ Արա Բաբլոյանի տեսակետը նշված գործի մասին, բայց որ ԱԺ ընդունարանում ամեն վայրկյան կարելի է գերլարված նյարդերով մարդկանց տեսնել, ովքեր իրենց հարցի լուծումը կապում են այս կամ այն պատգամավորի, կամ ավելի բարձրաստիճան պաշտոնյայի հետ՝ փաստ է:
Եվ սա խոսում է այն մասին, որ դատարանների կամ պետական չինովնիկների հանդեպ ունեցած անվստահության ցուցանիշն այնքան բարձր է, որ մարդիկ, անտեսելով, որ ԱԺ–ն ընդամենը օրենսդիր մարմին է և ոչ ավելին, այնուամենայնիվ, իրենց անձնական խնդիրներով դիմում են նրանց, որպես խեղդվելուց առաջ փրկության փրկողակի, բայց ստացվում է, որ ապարդյուն, քանի որ այստեղ նրանց ասելիք չունեն:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
