Գյումրիին համաչափ զարգացում է պետք՝ մեկ փողոցով մարդկանց չես գրավի. «Փաստ»
«Փաստ» օրաթերթը գրում է.
Մեր հյուրն է «Շիրակ կենտրոն» ՀԿ նախագահ Վահան Թումասյանը
Վարչապետ Կարեն Կարապետյանը տարեսկզբին Շիրակի մարզ կատարած այցելությունից հետո հայտարարել էր, որ ներկայացված 8 բիզնես ծրագրերից 7–ն ընդունվել է: Կառավարության ներկայացուցիչները մինչ օրս կարևորում են Գյումրին որպես զբոսաշրջության կենտրոն զարգացնելու ուղղությունը: «Կումայրի» պատմական կենտրոնի զարգացման ուղղությամբ ևս քայլեր էին ձեռնարկվում:
– Պարոն Թումասյան, վարչապետի այցից հետո բավականին ժամանակ է անցել: Բիզնես ծրագրերի իրագործման շունչը զգո՞ւմ եք: Հասարակական հատվածի հետ այս ընթացքում քննարկումներ եղե՞լ են:
– Վարչապետը հայտարարեց, որ տարբեր մարդիկ պետք է գան Գյումրի՝ մասնավորապես «Կումայրի» արգելոցի զարգացմանն ուղղված նպատակով: Գլոբալ առումով որևէ բիզնես ծրագրի ծանոթ չեմ՝ կա Գյումրին որպես տուրիստական քաղաք դարձնելու տեսլականը:
Պետությունը, եթե շատ էլ ցանկանա, չի կարող այնպիսի բիզնես ծրագիր ստեղծել, որի միջոցով կապահովի ամբողջ քաղաքի ճյուղային զարգացումը:
Կումայրին այսպես թե այնպես կար, իրենք չէ, որ կառուցում են:
Իրականում իրենք մի քանի խնդիր պետք է լուծեն՝ առաջինն աղքատության կրճատումն է: Քանի դեռ աշխատատեղերի միջոցով աղքատությունը չի կրճատվել, մարդիկ սոցիալական խնդիրների առաջ են կանգնելու: Շուտով ձմեռ է, մարդիկ վառելիք չունեն, իսկ տնակները գազաֆիկացված չեն: Միայն նպաստի հույսով ապրող ընտանիքները ոչ միայն սովի, այլև ցրտահարության կմատնվեն:
Վառելիքի և սննդամթերքի խնդիրները հրատապ պետք է լուծվեն: Արհեստական շնչառության պես մի բան է պետք, որ մարդիկ ի վիճակի լինեն իրենց միջոցով քաղաքը վերականգնել:
Մի քանի մեծահարուստ ընտանիք արտագաղթող ընտանիքներից երեք–չորս բնակարան է գնել: Գիտեմ նաև, որ երկու փոքրիկ հյուրատներ են կառուցվում: Բայց սա բիզնես ծրագիր չէ: 60–70 հազար գործազուրկ ունեցող քաղաքին 10 աշխատատեղ ունենալն էլի բան է: Բայց արտագաղթն ու աղքատությունն ավելի արագ տեմպերի են հասնում, քան իրենց պատկերացումներն են:
Իսկ հասարակական սեկտորի հետ քննարկում չի եղել՝ հասարակության և ժողովրդի հետ երկխոսություն չկա: Երբ մարդիկ ճակատագրի, կյանքի ու երեխաների առողջության խնդրի առաջ են կանգնած, չի կարելի ամեն ինչ շոուի վերածել: Տխուր միջոցառումներ, համերգներ կանեն, իսկ լքված և դատարկ դահլիճներում շոուն ճիշտ չէ: Հիմա այդ վիճակն է:
– Իսկ Գյումրին զբոսաշրջության կենտրոն դարձնելու ուղղությամբ նկատելի ծրագրեր կա՞ն:
– Զբոսաշրջություն ասելով հասկանում ենք Սփյուռքի մեր հայրենակիցների այցը՝ այն էլ միայն ամռան ամիսներին: Բացի այդ, մի քանի ժամով են գալիս: Ի տարբերություն նախորդ տարիների, տուրիստական գործակալություններն այցերի ժամերը շատացրել են, բայց մարդիկ գալիս են ու արագ հեռանում:
Ես չեմ հասկանում՝ ինչո՞ւ են արագ հեռանում, երբ Շիրակի մարզը շատ պատմաճարտարապետական կառույցներ ունի: Ուղղակի գրավիչ չենք դարձնում: Իշխանության ներկայացուցիչներին պատկանող բիզնեսները, սրճարանները և խանութները Երևանում են, և իրենք շահագրգռված են, որ զբոսաշրջիկը Երևանի իրենց կառույցներում գումար ծախսի:
Այս համատեքստում ծիծաղելի է, որ հույսը դրել են միայն տուրիզմի զարգացման վրա:
Ինչ վերաբերում է նկատելի ծրագրերին, ապա այս տարի մեկ փողոց սալիկապատվեց ու նորոգվեց: Իհարկե, լավ է: Լավ է նաև հյուրատների հիմնումը: Բայց միայն այդքանով խնդիրները չեն լուծվի: Սա զարգացման փոքր նշույլ է, բայց քաղաքը ահավոր ծանր վիճակում է:
Պարզապես քաղաքի համաչափ զարգացման ծրագրեր պետք է մշակել: Իրենք ուզում են մեկ փողոցով գրավել մարդկանց: Դա չմտածված ծրագիր է, որը կխանգարի քաղաքի համաչափ զարգացմանը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
