Բնապահպանը կոչ է անում անտառի մասնավորեցումից ձեռնպահ մնալ. «Փաստ»
«Փաստ» օրաթերթը գրում է.
Ինչպես հայտնի է, խոսակցություններ կան, որ «Հայանտառ» ՊՈԱԿ–ը կանցնի Բնապահպանության նախարարության ենթակայության տակ՝ դուրս գալով Գյուղատնտեսության նախարարության ենթակայությունից: Այդպիսով, բնության հատուկ պահպանվող տարածքների (ԲՀՊՏ) հետ համատեղ անտառների միասնական կառավարման համակարգ կստեղծվի: Որքանով է այս որոշումը խնդիրների լուծման լավագույն տարբերակ հարցի շուրջ «Փաստը» զրուցել է Հայաստանի Կանաչների միության նախագահ Հակոբ Սանասարյանի հետ:
Հարցին՝ այս գործողությունները դրակա՞ն, թե բացասական հետևանքներ կարող են ունենալ և ո՞րը կարող է լավագույն տարբերակ լինել, Սանասարյանը պատասխանեց, թե այդ խոսակցություններն ընդհանրապես շատ հին պատմություն ունեն:
«Կառավարման հարցով զբաղվող մասնագետները վերջապես եկել են այն եզրակացության, որ անտառը կտոր–կտոր անելը, հատուկ պահպանվող տարածքների ու սովորական անտառների բաժանելը, հարմար չէ: Պետք է անտառը լինի միասնական, իսկ յուրաքանչյուր վայրում թող գործի իր կարգը: Այսինքն՝ հատուկ պահպանվող տարածքը գործի հատուկ պահպանվող տարածքի օրենքներով, իսկ սովորական անտառը՝ սովորական»,– նշեց մեր զրուցակիցը:
Ըստ Սանասարյանի, դա պետք է լինի մեկ միասնական օրգանիզմ, կառույց: Ինչ վերաբերում է նրան, որ «Հայանտառ»–ը հանվում է գյուղնախարարությունից, բնապահպանի համոզմամբ՝ աշխարհում ընդհանրապես անտառը և գյուղատնտեսությունը հակասական երևույթներ են:
«Հայաստանի օրինակը չեմ ասում: Առհասարակ աշխարհում այդպես է: Գյուղատնտեսությունը աշխատում է ծավալվել նաև անտառների տարածքների հաշվին: Հայաստանում որքան անտառային պահուստային հող ունեինք, համարյա բոլորին տրվեցին գյուղատնտեսական ու այլ նշանակություններ հետագա օգտագործման համար: Եվ այսօր մենք շատ քիչ տարածքներ ունենք»,– նկատեց նա:
Սանասարյանը գտնում է, որ անտառը միասնական պիտի լինի ու մեկ համակարգում պիտի գործի: Ընդգծում է՝ անտառը պետք է լինի առանձին, ու բնապահպանության նախարարությունը պիտի վերահսկողություն իրականացնի այնտեղ այնքան, որքան օրենքով սահմանված է: «Անտառը տալ Բնապահպանության նախարարությանը, որ նա միաժամանակ և՛ տնտեսական գործունեություն իրականացնի, և՛ վերահսկի, կարծում եմ, անթույլատրելի է»,– նշում է նա:
Բնապահպանը նաև սխալ է համարում Դիլիջանի արգելավայրի մի հատվածը` վերահսկողություն իրականացնելու նպատակով մասնավոր ընկերությանը փոխանցելու փաստը: Ինչի համար նաև պետական բյուջեից գումար է հատկացվելու ընկերությանը՝ իր կատարած աշխատանքի դիմաց:
«Սա, կարծում եմ, շատ վտանգավոր գործի սկիզբն է: Ուրեմն կա ակնհայտ միտում անտառի աստիճանաբար մասնավորեցում իրականացնելու համար: Մի կողմից այդ հսկողությունը կտան պարզ չէ, թե ինչ ընկերության: Մյուս կողմից էլ պետական բյուջեից լրացուցիչ գումար կտան այդ ընկերությանը և հետո կասեն՝ տեսեք էս հատվածը տվեցինք նրան ու շատ արդյունավետ եղավ:
Այդ ժամանակ հարգելի վարչապետ ու հարգելի պաշտոնյաներ, վերցրե՛ք այդ գումարը, որ հատկացնում ենք ընկերությանը, ավելացրե՛ք հսկողական համակարգի ֆոնդին, որպեսզի այնտեղ ընդհանրապես միջոցներ լինեն անտառապահներին բարձր աշխատավարձ վճարելու համար: Պետք է ձեռնպահ մնալ այդ սխալ որոշումից ու հրաժարվել դրանից»,– եզրափակեց բնապահպանը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
