«Ելք» դաշինք. «Սպասելիքներ չունենք` թե ժողովուրդը կբողոքի». «Փաստ»
«Փաստ» օրաթերթը գրում է.
Այս օրերին Հանրապետական կուսակցության տարբեր ներկայացուցիչներ՝ մասնավորապես կուսակցության փոխնախագահները ժամանակ առ ժամանակ հայտարարում են, որ 2018 թվականին վարչապետի պաշտոնում Սերժ Սարգսյանի թեկնածությունն է առաջադրվելու:
Սերժ Սարգսյանին վարչապետի պաշտոնում առաջադրելն անթույլատրելի է համարում «Ելք» դաշինքը:
Դաշինքի պատգամավոր Գևորգ Գեորգիսյանի կարծիքով՝ նման առաջադրումը ժողովրդավարության չափանիշներին դեմ է: Ըստ նրա՝ սա այն վատ մշակույթն է, որ վերցնում ենք ԵԱՏՄ երկրներից:
«Մենք գիտենք, որ այդ երկրներում մարդիկ կան, որ հինգ անգամ են նախագահ ընտրվել, և Սահմանադրության փոփոխությամբ անել նման բան, անթույլատրելի է»,– նկատեց պատգամավորը:
Դաշինքի անդամներից Մանե Թանդիլյանը դեռևս չի շտապում ՀՀԿ–ի ներկայացուցիչների ցանկությունները մեկնաբանել: Իսկ ինչ վերաբերվում է Սերժ Սարգսյանի՝ վարչապետի պաշտոնում նշանակմանը, նա ասաց. «Ակնհայտ է, որ վարչապետի պաշտոնում նշանակվելու Սերժ Սարգսյանի ցանկության պարագայում ՀՀԿ–ում չկա մեկը, որ համարձակություն ունենա առարկել և խոսել այլ խնդիրների մասին»,– տեսակետ հայտնեց «Ելք» դաշիքնի անդամը:
Եթե նույն անձը մեր երկրում երրորդ անգամ պաշտոնավարի, ըստ Մանե Թանդիլյանի, Հայաստանը վերջնականապես կդասվի ավտորիտար քաղաքական համակարգ ունեցող պետությունների շարքին և կհավասարվի ժողովրդավարությունը կործանող Ղազախստանի, Բելառուսի, Ռուսաստանի քաղաքական համակարգերին:
«Այնինչ Հայաստանի պետական շահը թելադրում է ժողովրդավարության ամրապնդում, և սա է նաև, որ մեզ շահեկան դիրքերի մեջ է պահելու հարևան Ադրբեջանից, որտեղ ալիևյան դինաստիան շարունակաբար պահում է երկիրը իր վերահսկողության տակ»,– ընդգծեց նա:
Արդյո՞ք «Ելքը» կընդդիմանա Սերժ Սարգսյանին վարչապետի պաշտոնում առաջադրվելու դեպքում:
Մանե Թանդիլյանը հայտնեց, որ իրենք օգտագործելու են քաղաքական բոլոր հնարավոր գործիքները իշխանություններին զսպելու և հավասարակշռելու համար:
«Ելքի» անդամ Գևորգ Գեորգիսյանի խոսքով էլ մի քանի ամիս առաջ՝ Ազգային ժողովի ընտրությունների ժամանակ էր, որ իրենց քաղաքական թիմը բողոքի ալիք բարձրացրեց և ժողովրդին կոչ արեց չընտրել հանրապետականին, իսկ քաղաքական ուժերին՝ միասին պայքարել իշխող վարչակազմի դեմ:
«Մենք լրջագույն պայքար տարանք: Մենք այն ժամանակ ասում էինք, եթե ձեր ձայնը խնամու, բարեկամի խաթր եք տալիս, ապա ընտրում ենք Սերժ Սարգսյանին: Եթե Սերժ Սարգսյանը վարչապետ դառնա, գուցե քաղաքացիները գիտակցեն դա»,– ասաց նա:
Եթե ժողովրդի կողմից Սերժ Սարգսյանի դեմ պայքարելու պահանջ լինի, «Ելքը» կմիանա նրանց և կսատարի:
«ԱԺ ընտրությունների արդյունքների դեպքում ժողովուրդն ընդվզելու ցանկություն չունեցավ: Մեծ սպասելիքներ չունենք, որ ժողովուրդը կբողոքի, եթե Սերժ Սարգսյանը դառնա վարչապետ»,– եզրափակեց Գեորգիսյանը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
