«Հայաստանը ես եմ» -ի 12-րդ առաջարկ-պահանջը․ ինչ կանի այս անգամ իշխանությունը

ՊԱՀԱՆՋ - ԱՌԱՋԱՐԿ 12

ՀՀ իշխանությունները պետական բյուջեն փորձում են լցնել քաղաքացիների գրպանների հաշվին

Սիրելի հայրենակիցներ,

Զանգվածային լրատվական միջոցների հարգելի գործընկերներ,

Վերջին շրջանում ավելի ու ավելի հաճախ է քննարկվում իշխանությունների փորձը՝ մուտք գործել Հայաստանի քաղաքացիների ֆինանսական կյանք: Նախատեսվում է ՀՀ քաղաքացիներին պարտադրել եկամուտների հայտարարագրում, որին զուգահեռ հարկային մարմինները կկարողանան տիրապետել քաղաքացու՝ մինչ այժմ գաղտնիք համարվող բանկային տվյալների վերաբերյալ տեղեկատվության:

Այս փոփոխությունները լուրջ հետևանքներ կարող են ունենալ: Հարկային մարմիններն այդ կերպ ցանկացած պահի կկարողանան ստուգել քաղաքացիների ֆինանսական գործարքները, իսկ արդյունքում առաջացած հարկային պարտավորությունները հաճախ կարող են լինել անիրավ և անհիմն:

Ենթադրվում է նաև, որ քաղաքացիների այն փոխանցումները, որոնք պատշաճ կերպով փաստաթղթավորված չեն լինի կարող են ենթարկվել լրացուցիչ հարկման՝ մինչև 20% չափով, նույնիսկ եթե դրանք որևէ կերպ հարկման ենթակա չլինեն:

ՀՀ իշխանությունների այս նախաձեռնությունը պարզ ակնարկ է երկու հիմնական նպատակների մասին.

1. Լրացնել պետական բյուջեն քաղաքացիների հաշվին,

2. Ստեղծել տոտալ վերահսկողություն և վախի մթնոլորտ հանրության մեջ:

Արդյունքում՝ հնարավոր հետևանքներն առավել քան վտանգավոր են.

Հայաստանի քաղաքացիների եկամուտների նվազում,

Աղքատության խորացում,

Արտագաղթի արագացում,

Կապիտալի արտահոսք:

Այս փոփոխությունները պետք է լինեն լայն հասարակական քննարկման առարկա: Որևէ որոշում, որը վերաբերում է բոլորիս ֆինանսական և սոցիալական անվտանգությանը, չպետք է կայացվի առանց հանրության շահերի հստակ պաշտպանության:

Շարունակե’նք պահանջատեր լինել

Возможно, это изображение текст