Հովիկ Աղազարյանին ու Անդրանիկ Քոչարյանին դուրս են դնելու ՔՊ-ից
«Քաղաքացիական պայմանագիր» կուսակցության նախաձեռնող խմբի վերջին նիստը սպառնում է վերջինը դառնալ պատգամավորներ Հովիկ Աղազարյանի և Անդրանիկ Քոչարյանի համար։ ՔՊ մեր աղբյուրի փոխանցմամբ, խմբակցության պատգամավորների, գործադիրի պաշտոնյաների, վարչության անդամների մասնակցությամբ նիստը բոլորովին էլ ինքնաքննադատության մասին չի եղել, ինչպես հայտնել էր Նիկոլ Փաշինյանը։ Մի քանի ժամ շարունակ ՔՊ-ականները «քացու» տակ են գցել Աղազարյանին և Քոչարյանին։
Հովիկ Աղազարյանի դեմ ներկուսակցական ընդվզման պատճառը, ինչպես և սպասելի էր, Քննչական կոմիտեի նախագահ Արգիշտի Քյարամյանի ակնարկներն են՝ նրա որդու դեմ հարուցված քրեական գործերի վերաբերյալ։ Աղազարյանը փորձել է արդարանալ, թե իր որդին որևէ մեղք չունի, ինքն էլ նրա համար չի միջնորդել։ Ի վերջո, Նիկոլ Փաշինյանն ինքն է հայտարարել, թե քննությունը կպարզի, թե ով է ճիշտ, ով սխալ։ Ընդ որում, եթե Աղազարյանի որդու մեղքը հաստատվի, նրան դատելու են որպես «էտալոն»՝ հանրությանը ցույց տալու, թե ինչպես են վարվում կուսակցության ներսում բույն դրած հանցագործների հետ։ «Էտալոն» բառը Փաշինյանն է ասել՝ հատուկ շեշտելով։ Աղազարյանին էլ զգուշացրել են, որ այդ դեպքում նա էլ զրկվելու է մանդատից։
ԱԺ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանն էլ նիստում փորձել է շանտաժ անել կուսակիցներին, հայտարարել է, թե վայր կդնի մանդատը, եթե իրեն զրկեն հանձնաժողովի նախագահի պաշտոնից։ Ի դեպ, այդ շանտաժն ընդունվել է խանդավառ ճիչերով, ՔՊ-ական պատգամավորները դեմ չեն ընդհանրապես ազատվել Անդրանիկ Քոչարյանից, ով իր խարդավանքներով հասցրել է իր դեմ հանել ողջ խմբակցությանը։ Արդեն երկուշաբթի օրը կորոշեն թե երբ նիստ գումարեն, քննարկեն Անդրանիկ Քոչարյանին մանդատազրկելու հարցը։
Այս օրերին ազդեցիկ ՔՊ-ականները հանդիպում են խմբակցության բոլոր անդամների հետ՝ զգուշացնելու, որ կողմ քվեարկեն Քոչարյանի պաշտոնազրկմանը, հակառակ դեպքում անհնազանդներին սպառնում են խնդիրներով։
Կարինե Մխիթարյան
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
