Արամ Ա–ի շուրթերով, կամ ո՞վ է Սփյուռքի` վարչապետի թեկնածուն. «Փաստ»
«Փաստ» օրաթերթը գրում է.
Հայաստան–Սփյուռք համաժողովին երեկ ելույթով հանդես եկավ Մեծի Տանն Կիլիկիո կաթողիկոս Արամ Առաջինը: Նրա ելույթը շատ քննարկվեց, մեկնաբանվեց, ոգևորեց: Կարծիքները միանշանակ էին՝ նրա քննադատական խոսքն ուղղված էր ՀՀ իշխանությանը:
Կարծիքները, թերևս, միանշանակ լինեին, եթե Արամ Ա կաթողիկոսի ելույթի մեջ որոշակի ազդակներ չլինեին: Նա իր խոսքում հստակ շեշտադրումներ է անում: Առնվազն հինգ անգամ արտաբերում է ներդրումներ, զբոսաշրջություն և բիզնես բառերը: Պատահակա՞ն է:
«Հայաստանը կպարտվի, իսկ Սփյուռքը՝ կմաշի: Այս վտանգալից իրականության դիմաց պատահական նախաձեռնությունները չեն կարող մեր տագնապները լուծել»,–իր խոսքի առաջին հատվածում հայտարարում է կաթողիկոսը:
Ելույթը շարունակելով՝ րոպեներ հետո ասում է հետևյալը. «Անհրաժեշտ է Հայաստան–Սփյուռք գործակցությունը դուրս բերել պատահական տնտեսական ներդրումների ու տուրիստական այցելությունների շրջագծից»:
Այլ խնդիրների մասին է խոսում ու ընդգծում, որ հայրենիքի նկատմամբ հավատարմությունը վեր է ամեն տեսակ տնտեսական ներդրումներից կամ հարցերից:
«Անհրաժեշտ է և անհետաձգելի նվազեցնել արտագաղթը: Ինչպես պարոն նախագահն ասաց, անհրաժեշտ է Հայաստանի բնակչության թվային աճին ուղղված կոնկրետ միջոցների ծրագրված օգտագործումը»,– նշում է կաթողիկոսն՝ ըստ էության կարևորելով Սերժ Սարգսյանի՝ մինչև 2040 թ. առնվազն 4 միլիոն բնակչի հասնելու պատրանքը:
«Հայաստանը զբոսավայր չէ, Հայաստանը բիզնեսի շուկա չէ, Հայաստանը անցագիր չէ, վայ մեզի, երբ միայն այդպես մոտենանք Հայաստանին: Հարց՝ մի կողմից բարեսիրական գործերով, մյուս կողմից՝ եկե՛ք, բիզնես արեք ասելով... Որքանով էլ գնահատելի լինեն նման նախաձեռնություններն ու կոչերը՝ չենք կարող հզոր Հայաստան կերտել: Սփյուռքը պատահական ներդրումներից անդին կոչված է լայնածավալ ու երկարաշունչ ծրագրերով մասնակից դառնալու Հայաստանի տնտեսության աճին»,– իր ելույթի տարբեր հատվածներում ասում է Արամ Ա–ն:
Խոսքի վերջին հատվածում կրկին անդրադարձ է կատարում ներդրումներից այն կողմ ակնկալվող հնարավորություններին:
«Հայաստան–Սփյուռք գործակցության ծավալումը սովորական ներդրումներից անդին կենթադրի՝ Հայաստան–Սփյուռք գործակցությունը միայն տնտեսական շրջագծի մեջ պետք չէ դիտել: Սփյուռքի դերը Հայաստանի նկատմամբ սոսկ բիզնես անել չէ»,– կրկին ընդգծում է կաթողիկոսը: Ներդրումների, բիզնեսի և զբոսաշրջության մասին, իհարկե, իշխանության գրեթե բոլոր ներկայացուցիչներն են խոսում: Բայց գաղտնիք չէ, որ նշվածներն իրագործելու փաստն այս ժամանակահատվածում վերագրված է վարչապետ Կարեն Կարապետյանին:
Կարեն Կարապետյանի և ՌԴ հայկական սփյուռքի տասնյակ գործարարների մասնակցությամբ էր, որ դեռ մարտին ստեղծվեց «Հայաստանի ներդրողների ակումբը»: Ակումբը հանդես եկավ Հայաստանի էներգետիկ ոլորտում խոշոր ներդրումային ծրագրով:
Կարեն Կարապետյանը խոստացավ Հայաստանում 3,2 մլրդ դոլարի ներդրումային ծրագրեր ապահովել, որից միայն 830–850 մլն դոլարն այս տարի: Նրա պաշտոնավարման ժամանակ էր, որ զբոսաշրջության զարգացումը որպես գերակա ճյուղ ներկայացվեց: Նույնիսկ Զբոսաշրջության պետական կոմիտե ստեղծվեց: Պատահակա՞ն էին շեշտադրումները, թե հասցեատերը Կարեն Կարապետյանն էր: Միգուցե՞ Արամ Ա կաթողիկոսի ելույթը Սփյուռքի դիրքորոշումն էր 2018թ. վարչապետի հարցում:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
