Դեբեդն աղբանոցի է վերածվել. վարչապետի հրահանգն անտեսվում է. «Փաստ»
«Փաստ» օրաթերթը գրում է.
Լոռու մարզի Դեբեդ համայնքի տարածքն աղբավայրի է վերածվել: «Փաստ»–ի աղբյուրի տեղեկացմամբ՝ համայնքում աղբահանություն չի իրականացվում, գյուղացիներն էլ աղբը կուտակում են որտեղ պատահի: Համայնքի մի քանի վայրերում արդեն իսկ աղբանոցներ են ձևավորվել:
«Մարդ կա, որ իրա աղբն իրա հետ մեքենայով տանում ու Վանաձոր է հասցնում և այնտեղի աղբամաններում գցում, կան նաև մարդիկ, ովքեր իրանց բակից աղբը հանում են ու գյուղում թափում»,– հայտնեց դեբեդցին:
Փամբակ գետի աջ կողմում տեղակայված այս գյուղը հարուստ է հուշարձաններով և սրբատեղիներով: Ամեն տարի մեծ թվով զբոսաշրջիկներ ու հովեկներ են գալիս վայելելու Դեբեդի բնությունը, կուտակված աղբը, սակայն, նրանց հիասթափեցրել է:
«Գյուղ այցելած տուրիստներն ու հովեկներն ասում են՝ Դեբեդը մեզ հանդիպած ամենասիրուն ու ամենակեղտոտ համայնքն է»,– նշեց մեր զրուցակիցը:
Դեբեդ համայնքում երբևէ աղբահանություն չի իրականացվել: Գյուղացիները պատմեցին, որ միայն 2006 թվականին է Դեբեդում աղբահանության աշխատանքներ կատարվել, այն էլ գյուղապետի հրահանգով: Պարբերաբար շաբաթօրյակներ են կազմակերպվել և Դեբեդն աղբից մաքրվել է դպրոցականների և տեղի բնակիչների միջոցով:
Այսօր Դեբեդի համայնքապետարանը համայնքի աղբահանության և սանիտարական հարցերը չի լուծում՝ պատճառաբանելով, թե բյուջեն սուղ է, ավտոմեքենա չեն կարող տրամադրել աղբը գյուղից հեռացնելու համար:
Իսկ ապրիլի 20–ից հանրապետությունում վարչապետ Կարեն Կարապետյանի հրամանով մեկնարկեց «Մաքուր Հայաստան» ծրագիրը:
Ըստ վարչապետի՝ «Մաքուր Հայաստան» ծրագիրը պարբերաբար պետք է հսկողության տակ լինի, շատ կոշտ վերահսկողություն կլինի, և պարբերաբար կզեկուցվի, թե ինչ է արվել: Դեբեդում առ այսօր, սակայն, վարչապետի հրահանգի մասին չեն լսել: Անտեսելով հրահանգը նրանք գյուղի ճանապարհամերձ հատվածներում կուտակել են մեծ քանակությամբ աղբ:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
