«Այստեղ հաց, այստեղ կաց». ստամոքսով մտածող իշխանության կոչը
«Այստեղ հաց, այստեղ կաց». Նիկոլ Փաշինյանի ֆեյսբուքյան այս գրառումը դժգոհության մեծ ալիք է բարձրացրել սոցցանցերում, կարծես հայ հանրությունը վերջին վեց տարում չէր հասկացել, որ գործ ունի բացառիկ անսզբունքային, ստամոքսով մտածող, հանուն մի փոր հացի ու իշխանության երկիրը ծախող խմբակի հետ։
«Հայաստանի Հանրապետության կոչը սեփական քաղաքացիներին. «Այստեղ հաց, այստեղ կաց»»,- գրել էր Փաշինյանը, ապա հաջորդ գրառմամբ փորձել մեղմացնել իր իսկ ասածի ողջ անհեթեթությունը. «Հայերենում «հացել» բայ իրականում կա, որը նշանակում է հաց ուտել, ճաշել: Բայց մեզ անհրաժեշտ է այն օժտել ևս մեկ իմաստով՝ հաց ստեղծել: Ընդ որում, նյութականացման մեղադրանքները տեղին չեն, որովհետև մարդն ինքը նյութական է, բայց ոչ զուրկ հոգևոր, էմոցիոնալ, մշակութային ինքնությունից: «Այստեղ հաց, այստեղ կաց» հնարավոր կարգախոս-գործելակարգը վերաբերվում է նաև գրողին, երգիչին, կոմպոզիտորին, դերասանին, փիլիսոփային, նկարչին, ովքեր նաև ոչ նյութական արժեքներ ստեղծելով են հացում, այսինքն՝ հաց ստեղծում»:
2018 թ. իշխանափոխությունից հետո Փաշինյանը բացառիկ անկեղծությամբ հայտարարեց, թե իր իշխանությունն «-իզմ-եր» չի դավանում, ոչ ներքին, ոչ արտաքին քաղաքականության մեջ սկզբունք, ձևավորված աշխարհայացք, տեսլական չունի, ունի մեկ նպատակ՝ ամեն գնով երկարաձգել իր «հացելու» հնարավորությունը։
Ի վերջո, տարատեսակ փաբերում «նիսյա» գարեջուր խմողներից, ժամանակին չնչին կոպեկներ վաստակող, իսկ այսօր պետության գանձարանի հաշվին լափող և շքեղ կյանք վայելող խառնամբոխը չունի այլ աստված, քան իր ստամոքսն է։ Կոչերն էլ համապատասխանաբար, այսպիսին պիտի լինեին։
Աստղիկ Դավթյան
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
