ՊԵԿ նախագահը հերքում է, թե ցանկանում են կալանավորել գործարարներին
Պետեկամուտների կոմիտեի նախագահը հերքում է տարածված տեղեկությունները, թե աղմուկ հանած օրենսդրական նախաձեռնությունը գործարարներին կալանավորելու մասին չէ, այլ հարկային կարգապահությունը բարձրացնելու նպատակ ունի։
«Սուտ է պնդումը, թե ՊԵԿ-ն ուզում է տարեկան հազար գործարարի կալանավորել»,- նշել է ՊԵԿ նախագահ Ռուստամ Բադասյանը։
Խոսելով «ՀՀ քրեական օրենսգրքում փոփոխություն և լրացում կատարելու մասին» օրենքի նախագծի մասին, Ռուստամ Բադասյանը նշել է, որ այն գործարարներին կալանավորելու մասին չէ, այլ նպատակ ունի բարձրացնելու հարկային կարգապահությունը, ինչը կնպաստի տնտեսության զարգացմանն ու կայունացմանը:
Օրերս «Մանթաշյանց» գործարարների ակումբի նախագահ Վահրամ Միրաքյանը մեղադրել էր պետեկամուտների կոմիտեին հարկային տեռորի և հակատնտեսական կոշտ քաղաքականություն վարելու մեջ։ Ըստ Միրաքյանի, ՊԵԿ-ի նախաձեռնած օրենսդրական առաջարկի հետևանքով ամեն տարի մոտ հազար գործարար կարող է հայտնվել բանտում, իսկ դա նշանակում է խաչ քաշել բիզնեսի վրա։ Խոսքը քրեական օրենսգրքի 290-րդ հոդվածի մասին է, որը 4-8 տարվա ազատազրկմամբ է սպառնում 10 միլիոն դրամ և ավելի խախտման դեպքում, նույնիսկ եթե գործարարը վճարում է հայտնաբերված խախտման գումարը։ Վահրամ Միրաքյանի խոսքով՝ Հայաստանում գործարարությամբ զբաղվելը ՊԵԿ-ը անկանխատեսելի է դարձրել, քանի որ ամեն րոպե գործարարին կարող են կալանավորել, և շատերն արդեն մտածում են ներդրում անել երկրից դուրս։
ՊԵԿ նախագահը նշում է, թե նախագիծը որևէ առնչություն չունի կալանքի հետ։ Նա նկատել է, թե վիճակագրությունը ցույց է տալիս, որ վերջին տվյալներով քննվող մոտ 1000 գործից 5 տոկոսից էլ պակաս դեպքերում է ներկայացվել կալանքի միջնորդություն, իսկ դատարանների կողմից բավարարվել է ավելի քիչ քանակով գործ, ինչն անհամեմատ ավելի քիչ է ընդհանուր գործերի քանակից: Դրանք էլ ակնհայտ քրեական տարրեր պարունակող հարկերից խուսափելու դիտավորյալ դեպքերն են, օրինակ, ավելացված արժեքի հարկի խարդախության դեպքերը: Ռուստամ Բադասյանը նկատում է, թե պետք է զգույշ լինել կալանքի մասին խոսելիս՝ ընդգծելով, որ կալանքը խափանման միջոց է, և կոմիտեն ոչինչ չի խստացնում հարկային վարչարարության մասով: «Մենք պետք է հասկանանք, թե ինչ է հարկային կարգապահությունը, ինչ տեսակի պետություն ենք ուզում ունենալ։ Պետությունից գողանալը նորմա՞լ է, թե՞ ուզում ես ունենալ առողջ տնտեսություն։ Եթե երկրորդը, հարկային կարգապահությունը պետք է պատշաճ լինի»,- նշել է Բադասյանը։
Նրա խոսքով, հսկայական ստվեր գոյություն ունի, և պետության պարտքն է պայքարել ստվերի դեմ, իսկ այդ հարցում համագործակցելու են բիզնեսի, գործարար ակումբների հետ։
Նաիրա Մեհրաբյան
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
