Շիրինյանն առաջարկում է գերմանական մոդելի նմանությամբ պետություն ստեղծել. «Փաստ»
«Փաստ» օրաթերթը գրում է.
«Փաստ» օրաթերթը զրուցելով քաղաքագետ Լևոն Շիրինյանի հետ և անդրադառնալով ԱԺ–ի առաջիկա աշնանային նստաշրջանին՝ հետաքրքրվեց, թե չի՞ կարծում, որ այս ընթացքում քաղաքական ուժերի միջև հակասություններ կարող են լինել, ինչին ի պատասխան Շիրինյանը պատասխանեց, թե ո՞ւր են այդ քաղաքական ուժերը:
Ըստ նրա՝ ՀՀԿ–ՀՅԴ կոալիցիոն խմբավորումը, «Բարգավաճն» ու փոքրամասնություն կազմող «Ելքը» սրընթաց կգնան դեպի խորհրդարանական հանրապետություն՝ Սերժ Սարգսյանին ընտրելու համար:
«Թե ինչ կխոսեն, այլ բան է: Բայց այդ ընդդիմադիրներն ի՞նչ ուժ ունեն: Ուժի հարց է քանակը: Քանի որ ուժերի հարաբերակցությունը խորհրդարանում այսպիսին է, Հանրապետականն ում որոշեց՝ նա էլ կանցնի: Կարծում եմ՝ հարցն այդպես էլ կգնա ու կփակվի, եթե, իհարկե, ֆորսմաժորային իրավիճակներ չլինեն:
Առաջինը՝ տարածաշրջանային քաղաքական իրավիճակն է, որը սրընթաց գործընթացների մեջ է: Այնքան է սրընթաց, որ հրեաները մեզ գովում են ու զենքը վաճառելուց հետո փոշմանել են: Երկրորդ՝ որոշ փորձագետներ գտնում են, թե Ռուսաստանի և Իրանի ճանապարհները կարծես թե առանձնանում են: Եվ սրանք այն անմիջական բաներն են, որ կազդեն մեր երկրի քաղաքական իրավիճակի վրա:
Ինչպես ասացի, եթե ֆորսմաժորային իրավիճակներ չլինեն, Սերժ Սարգսյանն այսօրվանից վարչապետ նստած կլինի: Իսկ ի՞նչ է մեզ պետք: Հանրային կյանքը պետք է այսօր լցվի այդ խորհրդարանական հանրապետության սպասելիքների ցուցիչների սահմանումով: Կարևորն այստեղ ոչ թե ով է լինելու, այլ ինչ ենք ուզում»,– ասաց նա:
Քաղաքագետի համոզմամբ պետք է կտրուկ քայլեր արվեն արդյունաբերության վերագործարկման ուղղությամբ: Առաջիններից մեկն էլ ըստ նրա՝ պիտի լինի քարի մշակումը:
«Հայաստանը քարի պաշարների այնպիսի զանազան տեսակներ ունի, որը լիուլի բավարար է Ադրբեջանի նավթը հավասարակշռելու համար: Հայաստանում պետք է մշակվի արդյունաբերական արտադրանքն ու արտահանվի: Այնուհետև՝ արևի էներգետիկան, որն Աստծու տված պարգև է Հայաստանին, ինչն էլ իր հերթին կտանի մեքենաշինության զարգացմանը: Եվ սրանք հայ ժողովրդի պահանջները պիտի լինեն նոր վարչապետին: Երբ նիշերը կսահմանվեն, այն ժամանակ էլ կորոշեն, թե ով կարող է, ով՝ ոչ»,– նշեց նա:
Նրա կարծիքով՝ միևնույն ժամանակ պետք է նկատի ունենալ, որ տարածաշրջանը փոթորկող, հեղափոխական վիճակում կարող է հայտնվել: Հանրությունը պետք է ցանկանա պետության զարգացում, տնտեսության վերականգնում, մնացածը՝ երկրորդական բաներ են:
Հարցին, թե նախկին վարչապետների հետ համեմատած՝ կարող ենք ասել, որ Կարապետյանն ավելի շատ գործեր կատարեց և ավելի ակտիվ եղավ, Շիրինյանը պատասխանեց. «Նա իր կերպարով որոշակի թարմություն բերեց, ժողովուրդը առույգ մարդու տեսավ, մնացած մասով՝ երկրի քաղաքական, տնտեսական զարգացման պատասխանատուն մինչև հիմա եղել ու մնացել է ՀՀ նախագահը»–ասաց նա:
Շիրինյանն իր խոսքում նաև ասաց, որ առաջարկում է գերմանական մոդելը կիրառել և հռչակել ՀՀ չորրորդ հանրապետության ծնունդը, որը պետք է լինի գիտության, արտադրության, բարոյականության և մշակույթի հայրենիք: Ըստ նրա՝ սրա համար պետք է լինի քաղաքական կամք, որն իր տակ ունենա քաղաքական, տնտեսական ու բարոյական շահ, քանի որ հիմա քաղաքականության հիմքը ոչ թե կամքն է, այլ՝ շահը:
Շարունակությունը՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
