«Զանգեզուրի միջանցքը» դա ուղղակի ճանապարհ չէ, այլ լուրջ աշխարհաքաղաքական փոփոխություն. միջանցքի բացումը հիմք կտա աշխարհին մոռանալ Հայաստանի մասին. Արշակ Կարապետյան
Մինչ Հայաստանն ու Ադրբեջանը հայտարարում են, թե փոխադարձ համաձայնությամբ խաղաղության պայմանագրի նախագծից հանել են հաղորդակցությունների մասին կետը և դրան հետագայում են անդրադառնալու. Իրանը կրկին հիշեցնում է իր կարմիր գծերը։
«Իրանը կողմնակից է տարածաշրջանային հաղորդակցությունների և տրանսպորտային ուղիների ապաշրջափակումը, բայց դա պետք է տեղի ունենա Հայաստանի ինքնիշխանության ներքո»,- ասել է Հայաստանում Իրանի դեսպան Մեհդի Սոբհանին, ընդգծել, որ ապաշրջափակման վերաբերյալ իրենց դիրքորոշումը շատ հստակ է։
Հարցին՝ գործընթացի ձգձգումը, առկախումն ինչ հետևանքներ կարող է ունենալ, իսկ արագացումն ինչ օգուտներ կարող է տալ Իրանին, Հայաստանին ու տարածաշրջանին առհասարակ, դեսպանը պատասխանել է. «Բնական է՝ եթե տեղի է ունենում ապաշրջափակում, դրա հետևանքով, նաև դրա արդյունքում երթևեկությունն է մեծանում, բայց պետք է փոխադարձ պայմանավորվածություն և համաձայնություն լինի այդ մասով: Եթե պայմանավորվածություն է լինում, նշանակում է՝ ավելի ենք մոտենում խաղաղությանը. դա տարածաշրջանի և տարածաշրջանի ժողովուրդների օգտին է: Եվ այն, ինչ իրականացվում է կայուն խաղաղության հաստատման ուղղությամբ, մենք դրա կողմնակիցն ենք»:
Դեսպանը նաև խոսել է Իսրայելին հարված հասցնելու հնարավորության մասին, նշել, թե Իրանը միշտ պատժում է իր թշնամիներին, բայց խելամտորեն և ժամանակին։ «Այս անգամ էլ մենք կպատժենք, և այն կլինի ժամանակին ու հաշվարկված»,–լրագրողներին ասաց Սոբհանին։
Բրիտանական The Telegraph-ն էլ չափազանց ուշագրավ տեղեկություն է հայտնում, նշելով, որ իրանցի գեներալները պնդում են ուղիղ հարված հասցնել Թել Ավիվին, սակայն Իրանի նոր նախագահ Մասուդ Փեզեշքիանն առաջարկում է հարվածել Իրանի հարևան երկրներում տեղակայված իսրայելական գաղտնի բազաներին։ Ըստ պարբերականի՝ նախագահն առաջարկել է Ադրբեջանում կամ Իրաքյան Քրդստանում թիրախավորել Իսրայելին առնչվող ինչ-որ բան, այնուհետև այդ երկրներին հայտնել դրա մասին և վերջ տալ այս ամբողջ դրամային։
«Համահայկական ճակատ» շարժման ղեկավար, պաշտպանության նախկին նախարար, գեներալ-մայոր Արշակ Կարապետյանը բազմիցս նշել է, թե տարածաշրջանում նոր պատերազմ սկսելու դեպքում Իրանը չի կարող չեզոք դիրք գրավել։ «Իրանի ազգային շահերը կտուժեն, եթե Ադրբեջանն օկուպացնի «Զանգեզուրի միջանցքը»: Պատկերացրեք միայն, թե ինչ կլինի Հայաստանի նման փոքր տարածքի հետ, եթե այստեղ բախվեն Իրանը, Թուրքիան, Ադրբեջանն ու Ռուսաստանը»,-նկատել է Արշակ Կարապետյանը:
Գեներալ-մայոր Արշակ Կարապետյանը առաջարկում է նոր ռազմաքաղաքական առանցք ստեղծել՝ Հայաստան-Ռուսաստան-Իրան, որը կկարողանա իրական տոն տալ տարածաշրջանում, կդառնա ՀՀ անվտանգության ապահովող կառույց։
Արշակ Կարապետյանը շեշտում է՝ այսօր աշխարհաքաղաքական տեսանկյունից բախվում են Ռուսաստանի, Իրանի, ԱՄՆ-ի շահերը: «Փաշինյանը հույսը դնում է ամերիկյան ուժերի միջամտության վրա, որպեսզի պաշտպանի իրեն, բայց ամերիկյան ուղիղ միջամտությունը աշխարհագրորեն անհնար է, քանի որ ամերիկյան օժանդակությունը պետք է անցնի Վրաստանի տարածքով, որը 2008 թվականին ներքաշվեց պատերազմի մեջ և չեմ կարծում, որ կցանկանա նույն սցենարի կրկնությունը: Եթե խոսքը միջանցք ապահովելու մասին է, այս հարցը կարելի է լուծել, սակայն դա ուղղակի ճանապարհ չէ, այլ լուրջ աշխարհաքաղաքական փոփոխություն: Այդ միջանցքի բացումը հիմք կտա աշխարհին մոռանալ Հայաստանի մասին: Հայաստանը գոյություն ունի իր աշխարհաքաղաքական ազդեցության և դիրքի շնորհիվ: Երբ գոյություն ուներ Լեռնային Ղարաբաղը, գոյություն ունեին խնդիրներ նրա շուրջը, երբ այն հանձնեցին, բոլոր խնդիրները տեղափոխվեցին Հայաստանի շուրջ»,- նշել է «Համահայկական ճակատ» շարժման ղեկավար Արշակ Կարապետյանը։
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
