Մերձավոր Արևելքը համապարփակ պատերազմի շեմին է. ՄԱԿ-ի ԱԽ նիստում կոչ են արել կանխել հակամարտության ընդլայնումը
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՄԱԿ-ի Անվտանգության խորհրդի անդամներն արտահերթ նիստում կոչ են արել միջազգային հանրությանը ջանքեր գործադրել և ճնշում կիրառել հակամարտող կողմերի վրա՝ կանխելու Մերձավոր Արևելքում հակամարտության՝ տարածաշրջանային մեծ պատերազմի վերածումը, գրում է dw.com-ը:
ՄԱԿ-ի գլխավոր քարտուղար Անտոնիո Գուտերեշը քննադատել է իսրայելական բանակի հարձակումը Բեյրութի վրա և Թեհրանում արմատական իսլամիստական ՀԱՄԱՍ շարժման առաջնորդ Իսմայիլ Հանիեի սպանությունը։
«Հարավային Բեյրութում և Թեհրանում հարձակումները վկայում են վտանգավոր էսկալացիայի մասին այն ժամանակ, երբ բոլոր ջանքերը պետք է ուղղված լինեն Գազայում հրադադարի հաստատմանը և իսրայելա-լիբանանյան սահմանին հանգստություն հաստատելուն», - չորեքշաբթի՝ հուլիսի 31-ին, ասել է նրա խոսնակ Ստեֆան Դյուժարիկը։
Նրա խոսքով՝ Գուտերեշը կոչ է արել շահագրգիռ կողմերին «եռանդուն աշխատել տարածաշրջանում լարվածության թուլացման ուղղությամբ՝ երկարաժամկետ խաղաղություն և կայունություն հաստատելու համար բոլորի համար»։
ՄԱԿ-ում Ճապոնիայի մշտական ներկայացուցչի տեղակալ Միցուկո Շինոն նիստում կոչ է արել միջազգային ջանքեր գործադրել Մերձավոր Արևելքում խոշոր ռազմական հակամարտությունը կանխելու համար:
«Մենք մտավախություն ունենք, որ տարածաշրջանը գտնվում է համապարփակ պատերազմի շեմին», - ասոլ է նա:
Իր հերթին ՄԱԿ-ում Չինաստանի մշտական ներկայացուցիչ Ֆու Կոնգը կարծում է, որ Գազայում հրադադարի հասնելու անկարողությունն է լարվածության սրման պատճառը։ Ավելի մեծ ազդեցություն ունեցող երկրները պետք է ավելի շատ ճնշում գործադրեն և ավելի եռանդուն աշխատեն Գազայում պատերազմի կրակը մարելու համար, ասել է նա։
ՄԱԿ-ում Մեծ Բրիտանիայի մշտական ներկայացուցիչ Բարբարա Վուդվորդը հանգստության և զսպվածության կոչ է արել՝ կրկնելով Գազայում կրակը անհապաղ դադարեցնելու իր կոչը։
Իսրայելը և ՀԱՄԱՍ-ը պետք է վերականգնեն իրենց հանձնառությունը խաղաղության գործընթացին, որը կհանգեցնի երկու պետությունների ստեղծմանը՝ ապահով Իսրայելով և ինքնիշխան Պաղեստին պետությունով, ասել է նա:
«Խաղաղության ճանապարհը պետք է լինի դիվանագիտական բանակցությունների միջոցով: Երկարաժամկետ խաղաղությունը չի գա ռումբերից և փամփուշտներից», - ասել է Վուդվորդը:
Չինաստանը, Ռուսաստանը, Թուրքիան և այլք դատապարտել են Հանիեի սպանությունը, որը ՄԱԿ-ում Իրանի ներկայացուցիչը «ահաբեկչական գործողություն» է որակել։
ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկու խոսքերով՝ այս սպանությունը «լուրջ հարված է հասցնում նախ և առաջ Համասի և Իսրայելի միջնորդական բանակցություններին՝ ուղղված Գազայում հրադադարի հաստատմանը»։
«Հայտնի քաղաքական և ռազմական գործիչների նպատակային սպանությունների արատավոր պրակտիկան Մերձավոր Արևելքը դնում է տարածաշրջանային պատերազմի շեմին», - նշել է նա։
Միևնույն ժամանակ, ԱՄՆ-ն, Մեծ Բրիտանիան և Ֆրանսիան բարձրացրել են տարածաշրջանում ապակայունացնող դերակատարներին Իրանի աջակցության վերաբերյալ հարցը: ՄԱԿ-ում ԱՄՆ փոխդեսպան Ռոբերտ Վուդը կոչ է արել Անվտանգության խորհրդի անդամներին, որոնք ազդեցություն ունեն Իրանի վրա, «ուժեղացնել ճնշումը նրա վրա՝ դադարեցնելու Իսրայելի դեմ կոնֆլիկտի սրումը »:
ՄԱԿ-ում Իրանի մշտական ներկայացուցիչ Ամիր Սաիդ Իրավանին ասել է, որ Թեհրանը մշտապես ցուցաբերել է առավելագույն զսպվածություն, սակայն իրեն վերապահում է վճռական պատասխան տալու իրավունքը: Նա Անվտանգության խորհրդին կոչ է արել դատապարտել Իսրայելին և պատժել պատժամիջոցներով։
ՄԱԿ-ում Իսրայելի ներկայացուցչի տեղակալ Ջոնաթան Միլլերը ՄԱԿ-ի Անվտանգության խորհրդին կոչ է արել դատապարտել Իրանին տարածաշրջանային ահաբեկչությանը աջակցելու համար և ուժեղացնել Թեհրանի դեմ պատժամիջոցները։
ՀԱՄԱՍ-ի քաղբյուրոյի ղեկավար Իսմայիլ Հանիեն սպանվել է չորեքշաբթի վաղ առավոտյան Թեհրանում։ ՀԱՄԱՍ-ը դրա համար մեղադրել է Իսրայելին։ Իսրայելը չի ստանձնել նրա սպանության պատասխանատվությունը։
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
