Թուրքիայի և Ադրբեջանի պահանջները չկատարելու միակ տարբերակը Փաշինյանի ռեժիմից ազատվելն է. Արշակ Կարապետյան
Այսօր լրանում է Հայոց ցեղասպանության 109-րդ տարելիցը։ 1915 թվականի ապրիլի 24-ին սկսվեց և մի քանի տարի շարունակվեց Օսմանյան Թուրքիայում հայ ժողովրդի բնաջնջման քաղաքականությունը, որին զոհ գնաց 1,5 միլիոն մարդ։ Մեկ դար անց Հայաստանը կրկին կանգնած է ցեղասպանության վտանգի առջև։ Թուրքիան և Ադրբեջանը չեն դադարեցրել հայ ժողովրդին ցեղասպանության ենթարկելու իրենց ցանկությունները, վկան Արցախի 120 հազար բնակիչների տեղահանությունն է: Ընդ որում, Հայաստանի գործող իշխանությունների թուլության ու վախկոտության հետևանքով էլ մեր ժողովուրդը կրկին կանգնած է պետականությունը կորցնելու և սպանդի վտանգի առաջ, իսկ Թուրքիայի և Ադրբեջանի իշխանությունները շարունակում են սպառնալիքներ տեղալ։
Ռեջեփ Թայիբ Էրդողանը կոչ է արել Հայաստանի իշխանություններին՝ կենտրոնանալ առկա իրողությունների վրա և Թուրքիայի հետ հարաբերությունների կարգավորման ճանապարհային քարտեզ մշակել։ «Տարածաշրջանում այժմ նոր կարգ է հաստատվում, ժամանակն է մի կողմ դնել անհիմն հիշողությունները, ավելի լավ է գործել՝ ելնելով ներկա ժամանակների իրողություններից», գրեթե սպառնացել է Թուրքիայի նախագահը և հավելել, թե Նիկոլ Փաշինյանը դա էլ հասկանում է և այժմ իրատեսական հիմքի վրա նոր ճանապարհային քարտեզներ մշակելու ժամանակն է։
Էրդողանը նաև հույս է հայտնել, որ Հայաստանը կազատվի այն խավարից, որի մեջ իրեն ձգել է Սփյուռքը, և կընտրի նոր սկիզբը, ուղին պայծառ ապագայի համար. այս կերպ Թուրքիայի նախագահն ապացուցում է, որ ավելի շատ վախենում է հենց հայկական կազմակերպված Սփյուռքից, որը տասնամյակներ շարունակ առաջ է մղում Հայոց ցեղասպանության միջազգային ճանաչման գործընթացը։
Զարմանալի չէ, որ թուրքական իշխանությունները կրկին առաջ են բերում պատմաբանների հանձնաժողով ստեղծելու իրենց մտասևեռումները. պատմաբանները վերլուծում են պատմական գործընթացների ընթացքում տեղի ունեցածը: «Մենք ի սկզբանե շատ բաց ենք եղել այս հարցում և հայտարարել ենք, որ կարող ենք բացել մեր արխիվները, և մենք դա արեցինք»,- ստել է Թուրքիայի նախագահը։
Լկտի և լպիրշ հայտարարություններ արել է նաև Ադրբեջանի նախագահ Իլհամ Ալիևը՝ նշելով, թե Հայաստանի Հանրապետությունը պարտավոր է սահմանադրական փոփոխություններ իրականացնել, նաև զինանշանից հեռացնել ազգային խորհրդանիշ Արարատ լեռը. «Այն պետք է փոխվի, նրանք Հայաստանում բազմաթիվ այլ լեռներ ունեն, թող դա պատկերեն»,- ասել է Իլհամ Ալիևը։
Ի դեպ, նման հայտարարություններ նախկինում երբեք ո՛չ Թուրքիան, ո՚չ Ադրբեջանը չեն արել, ինչը վկայում է, որ այս ամենը հետևանք է Նիկոլ Փաշինյանի կործանարար քաղաքականության։
«Համահայկական ճակատ» շարժման առաջնորդ, Պաշտպանության նախկին նախարար, գեներալ-մայոր Արշակ Կարապետյանի գնահատմամբ՝ ռազմական և դիվանագիտական դաշտում Նիկոլ Փաշինյանի խոշոր և ճակատագրական սխալներն են պատճառ դարձել թշնամու այսչափ լկտիացման, ուստի բնավ պետք չէ զարմանալ, որ նրանք շարունակում են նույն կերպ, միակ տարբերակն այսպիսի ճնշումներից ազատվելու՝ Թուրքիայի և Ադրբեջանի պահանջները չկատարելու, Փաշինյանի ռեժիմից ազատվելն է։ «Այսօր՝ ցեղասպանության զոհերի հիշատակի 109-րդ տարելիցի օրը, «Համահայկական ճակատ» շարժումը անհնազանդության ակցիաներ է սկսում Հայաստանի ամբողջ տարածքով մեկ»,- նշել է Արշակ Կարապետյանը։
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
