Հայաստանի գործող իշխանությունների քայլերը լրջագույն վնաս են երկրի կենսական շահերին․ Արշակ Կարապետյան
ՆԱՏՕ-ի գլխավոր քարտուղար Յենս Ստոլտենբերգը ժամանել է Երևան, հանդիպումներ ունեցել Նիկոլ Փաշինյանի և Վահագն Խաչատուրյանի հետ։
Հայաստանի մասով ՆԱՏՕ-ի ներկայացուցիչը ընդամենը հանդես է եկել հերթապահ հայտարարություններով, նշել, թե Հյուսիսատլանտյան անվտանգութան համար էական ու կարևոր է Հարավային Կովկասում կայունությունը, քանի որ առերեսվում են ավելի վտանգավոր աշխարհի հետ։ Հայաստանին և Ադրբեջանին կոչ անելով տևական խաղաղության հասնել, Յենս Ստոլտենբերգը հիմնականում անդրադարձել է Ուկրաինային, մասնավորապես ողջունել է, իր ձևակերպմամբ, Հայաստանի համերաշխությունը Ուկրաինայի հետ։
Փաստացի, այս կերպ՝ փորձելով Հայաստանին ներքաշել ռուս-ուկրաինական հակամարտության մեջ։
Երևանը, հիշեցնենք, հայտարարել է մի քանի անգամ, որ Ուկրաինայի հարցում Ռուսաստանի դաշնակիցը չէ, միևնույն ժամանակ մարդասիրական օգնություն ուղարկելուց բացի, առանձնապես մեծ ջանքեր չի գործադրել, իսկ միջազգային ասպարեզում էլ աշխատում է չեզոք մնալ։
Ուշադրության արժանի է Ստոլտենբերգի մեկ այլ հայտարարությունը, թե պետք է ամեն ինչ անել, որպեսզի Պուտինը չհաղթի այդ պատերազմում։
«Եթե Պուտինը Ուկրաինայում հասնի հաղթանակի, իրական ռիսկ կա, որ ագրեսիան այնտեղ կանգ չի առնի և ավտորիտար այլ սուբյեկտները կոգեշնչվեն դրանով»,- նշել է ՆԱՏՕ-ի գլխավոր քարտուղարը, որը տակավին 2 օր առաջ գտնվում էր ավտորիտար մեկ այլ երկրում՝ Ադրբեջանում։ Սակայն Ադրբեջանի ռազմական հանցագործությունները չի դատապարտել, ավելին երկակի ստանդարտների իրական կիրառում է արել՝ իսկական ագրեսոր Ադրբեջանի մասին որևէ խոսք չնշելով։
Իրականում հենց այս հանգամանքը բնորոշում է Արևմուտքի և նրա հիմնական ռազմաքաղաքական դաշինքի բուն վերաբերմունքը Հարավային Կովկասի նկատմամբ։ Նույնիսկ արևմտյան փորձագետներն են նշում, որ Հայաստանը ՆԱՏՕ-ին հարկավոր է միայն որպես պլացդարմ Ռուսաստանի դեմ նոր ճակատ բացելու նպատակով, իսկ մնացած այլ հարցերում ՆԱՏՕ-ն բնավ էլ մտադիր չէ օգնել Հայաստանին, ընդհակառակը փորձում է Հայաստանի և հայ ժողովրդի շահերի հաշվին լուծել սեփական խնդիրները։
Ստոլտենբերգի տարածաշրջանային այցին անդրադարձել է Ռուսաստանի նախագահի խոսնակ Դմիտրի Պեսկովը՝ նշելով, թե Կովկասում իր ազդեցությունն ընդլայնելու ՆԱՏՕ-ի փորձերը դժվար թե ամրապնդեն կայունությունը։ «ՆԱՏՕ-ի ընդհանուր ձգտումներն ամրապնդելու իր ներկայությունը Կովկասում, մեզ քաջ հայտնի են և, ինչպես ասում են, հասանելի են անզեն աչքով, նաև ընկալում կա, որ իրականում ՆԱՏՕ-ի փորձերն ինչ-որ կերպ ընդլայնելու իր ազդեցությունը և ներկայությունը դժվար թե ամրապնդեն կայունություն ու իրավիճակի կանխատեսելիություն Կովկասում», - ասել է նախագահի խոսնակ Դմիտրի Պեսկովը։
«Համահայկական ճակատ» շարժման առաջնորդ, պաշտպանության նախկին նախարար Արշակ Կարապետյանը քանիցս արձանագրել է, որ Արևմուտքը հայ-ադրբեջանական հակամարտությունում ամենևին էլ Հայաստանի գործընկերը չէ և փորձում է միայն սեպ խրել Հայաստանի և Ռուսաստանի հարաբերություններում, իսկ արտաքին քաղաքական վեկտորը փոխելու Հայաստանի գործող իշխանությունների դիլետանտ և անխոհեմ քայլերը լրջագույն վնաս են հասցնելու Հայաստանի Հանրապետության կենսական շահերին, նոր աղետներ են բերելու մեր երկրին։
Ամենևին պետք չէ ակնկալիքներ ունենալ Ստոլտենբերգի այցից, ի վերջո նա ընդամենը եկել էր տարածաշրջան համագործակցությունը ընդլայնելու Ադրբեջանի և Վրաստանի հետ, Հայաստանին էլ ձեռքի հետ ակնարկելու, որ իրենց վրա բոլորովին հույս չդնեն։
Америабанк и АБР заключили договор на сумму 100 миллионов долларов США для расширения финансирования...
«Придет время, когда все виновные будут привлечены к ответственности»: «Паст»
Какое правительство сформирует Роберт Кочарян? «Паст»
Информационный штаб Арцаха организует встречу в представительстве
В Ереване произошло крупное ДТП: среди пострадавших военнослужащие
Трамп заявил, что не допустит передачи запасов высокообогащенного иранского урана России или Китаю
Сегодня день рождения Рубена Варданяна: что он сделал для Армении?
NBC: Пентагон разработал список дополнительных сложных целей в Иране
30 серебряников для Пашиняна: геополитический торг, оставляющий Армению без будущего
Он уже начал «разносить» даже членов своей команды: нужного количества голосов набрать не получится:...
