Նոր տարբերակներ են մտմտում. «Փաստ»
«Փաստ» օրաթերթը գրում է.
Օրեր առաջ նշել էինք, որ նոր Սահմանադրություն ընդունելու հանրաքվեի հետ կապված՝ Նիկոլ Փաշինյանը լուրջ մտավախություններ ունի, որ հնարավոր չի լինի անհրաժեշտ քանակի «Այո» ապահովել, ուստի իր թիմի «իրավաբանական համայնքին» հանձնարարել է գտնել «լազեյկաներ»՝ հանրաքվեի «շեմը» փոխելու համար:
Բանն այն է, որ ըստ գործող Սահմանադրության, «հանրաքվեի դրված նախագիծն ընդունվում է, եթե դրան կողմ է քվեարկել մասնակիցների կեսից ավելին, բայց ոչ պակաս, քան հանրաքվեներին մասնակցելու իրավունք ունեցող քաղաքացիների մեկ քառորդը»։ Քանի որ քվեարկելու իրավունք ունեցող քաղաքացիների թիվը, ըստ 2021 թ. տվյալների, մոտ 2,6 միլիոն է, սա նշանակում է, որ Նիկոլ Փաշինյանին անհրաժեշտ է ապահովել մոտ 650 հազար ձայն, ինչը պարզապես ոչ միայն անիրատեսական է, այլև անհնար: Բանն այն է, որ Gallup-ի վերջին հարցումներով, մեր քաղաքացիների 38,1 %-ի կարծիքով՝ ՀՀ Սահմանադրությունը պետք է մնա անփոփոխ, իսկ 34,2 %-ի կարծիքով՝ որոշ դրույթներ պետք է փոխվեն, որոնք, սակայն, որևէ կերպ չեն վերաբերվում ազգային ինքնության սիմվոլներին և Անկախության հռչակագրին: Մյուս կողմից՝ Փաշինյանը հասկանում է, որ իր վարկանիշը շատ ցածր է. նույն հարցումներով, նրան չի վստահում հարցվածների ավելի քան 66 տոկոսը: Ահա, այս թնջուկն էլ ուզում է լուծել Փաշինյանը: Հաշվի առնելով, որ «շեմ» սահմանող սահմանադրական նորմը փոփոխության ենթակա է միայն հանրաքվեով, «Փաստ» թերթի տեղեկություններով, Փաշինյանը, «լազեյկաներին» զուգահեռ, քննարկում է մեկ այլ՝ խորհրդարանական արտահերթ ընտրություններ անցկացնելու տարբերակը, ինչը հնարավորություն կտա առավել ամբողջական ներգրավել թե՛ վարչական ռեսուրսը, թե՛ բոլոր քպականներին:
Բայց այստեղ էլ խնդիր կա. ճիշտ է, ՀՀ Սահմանադրությունում որպես հանրաքվե անցկացնելու արգելք նշվում է միայն ռազմական կամ արտակարգ դրությունը, սակայն «Հանրաքվեի մասին» սահմանադրական օրենքում հավելվում է, որ հանրաքվե չի կարող անցկացվել նաև Ազգային ժողովի ընտրությունների օրը: Մեր աղբյուրների փոխանցմամբ, սկզբի համար իշխանություններն ուզում են այս արգելքը վերացնել և համապատասխան փոփոխություն անել «Հանրաքվեի մասին» օրենքում:
Մի խոսքով, Նիկոլ Փաշինյանն ամեն ջանք փորձելու է ներդնել՝ թշնամական երկրի ղեկավարի պահանջը կատարելու և նոր Սահմանադրությունն «անցկացնելու» համար, որն արդեն շատերի կողմից որակվել է որպես հակազգային ու հակապետական:
Մանրամասները՝ «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
Пашинян втягивает Армению в очень опасную «игру». «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
