Կգույքագրվեն քաղաքացիների ազատ տեղաշարժը խոչընդոտող ճանապարհային նշանները և ավտոկայանատեղերի ցուցանակները
Քաղաքապետարանում տեղի ունեցած աշխատանքային խորհրդակցության ժամանակ, որը վարել է Երևանի քաղաքապետ Տարոն Մարգարյանը, զեկուցվել է, որ ՃՈ հետ համատեղ նախորդ շաբաթ իրականացված հսկողության արդյունքում կազմվել է 23 արձանագրություն: Միաժամանակ նշվել է, որ շարունակվում են գծանշման և լուսացույցերի փոխարինման աշխատանքները: Հանձնարարվել է գործընթացը պահել մշտական հսկողության տակ:
Քաղաքապետ Տարոն Մարգարյանը պատասխանատուներին հանձնարարել է նաև գույքագրել մայրաքաղաքի փողոցների մայթերին տեղադրված և քաղաքացիների ազատ տեղաշարժը խոչընդոտող վահանակները, ճանապարհային նշաններն ու վճարովի ավտոկայանատեղիների ցուցանակները և համապատասխան քայլեր ձեռնարկել դրանք այլ վայրեր տեղափոխելու նպատակով:
Բացօթյա ապօրինի առևտրի դեպքերի հայտնաբերման նպատակով նախորդ շաբաթ, այդ թվում հանգստյան օրերին վարչական շրջաններում կազմակերպված ստուգայցերի ընթացքում կազմվել է 28 վարչական արձանագրություն: Քաղաքապետ Տարոն Մարգարյանը հանձնարարել է շարունակել հսկողությունը, նաև խստորեն վերահսկելով, որ մայրաքաղաքի փողոցներում արգելվի ձմերուկի և սեխի բացօթյա ապօրինի վաճառքը:
Ոչ սահմանված վայրերում աղբ թափելու դեպքերի հայտնաբերման և կանխման ուղղությամբ իրականացվող ամենօրյա հսկողության շնորհիվ նախորդ շաբաթ իրավախախտների նկատմամբ 22 վարչական արձանագրություն է կազմվել: Ոչ բավարար գնահատելով կատարվող աշխատանքները՝ քաղաքապետը հանձնարարել է ակտիվացնել դրանք և վերոնշյալ դեպքերը բացառելու նպատակով խստացնել հսկողությունը մասնավորապես խանութների, սրճարանների, հանրային սննդի օբյեկտների նկատմամբ:
Խորհրդակցության ժամանակ նաև զեկուցվել է, որ, ի կատարումն Երևանի քաղաքապետի հանձնարարականի, նախորդ շաբաթ մայրաքաղաքի այգիներում և բակային տարածքների խաղահրապարակներում տեղադրված կարուսելների տեխնիկական վիճակի մասնագիտական ուսումնասիրություններ են իրականացվել. արգելվել է 2 կարուսելների շահագործումը: Բակային տարածքներում առկա խաղային կոնստրուկցիաների ուսումնասիրման մասով էլ զեկուցվել է, որ հաշվառվել և նորոգվել է 19 խաղային կոնստրուկցիա: Այս մասով նույնպես հանձնարարվել է շարունակական խստացված հսկողություն իրականացնել:
Երևանի քաղաքապետարանի տեղեկատվության
և հասարակայնության հետ կապերի վարչություն
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
