Փաշինյանը շտապում է ստորագրել Հայաստանի կապիտուլյացիան՝ նաև Ռուսաստանին այս տարածաշրջանից հեռացնելու համար. Մենուա Սողոմոնյան
Նիկոլ Փաշինյանը շարունակում է զբաղվել «Արցախը տանք և հանգիստ ապրենք» թեզի պաշտպանությամբ. դրա ապացույցը երեկ Հանրային հեռուստաընկերության եթերից նրա հակաարցախյան ձևակերպումներն էին։ Երբ ասում է, թե «Մեր ռեսուրսների 70-80%-ը ԼՂ-ի վրա ենք դրել, հաշվի չենք առել, որ Ադրբեջանի մաս է», դրանով նա քաղաքացիներին ասում է՝ աշխատել և ձեր գումարներն ուղղել եք փուչ բանի վրա, իսկ, երբ կգա Սյունիքի, Վայոց ձորի հարցը, հավանաբար, այն ժամանակ ևս հարցազրույց կտա և կասի՝ իսկ արդյո՞ք մեզ պետք են այս կոնֆրոնտացիոն մարզերը։
168 TV-ի «Ռեվյու» հաղորդաշարի եթերում, անդրադառնալով Փաշինյանի՝ Հ1-ին տված հարցազրույցի ասելիքին, նման տեսակետ հայտնեց «Հայաքվե» նախաձեռնության» անդամ Մենուա Սողոմոնյանը՝ ընդգծելով.
«Բանալի բառեր է տալիս մարդկանց, որպեսզի իր տխահռչակ քաղաքականությունն արդարացնողներ լինեն։ Ինքն իր աթոռն ու իշխանությունն է ուզում։ Առանց աչքը թարթելու՝ հրաժեշտ կտա 3-րդ Հանրապետությանը, անկախ Հայաստանի գաղափարին և դրա համար արդարացումներ էլ կգտնի, որովհետև նրա հետ աշխատում են մասնագիտացված կառույցներ»,– ասաց Սողոմոնյանը։
Վերջինիս խոսքով՝ Փաշինյանն Արցախը հանձնելով՝ չի կարող պահել Հայաստանը, որովհետև պատերազմը, այսպես թե այնպես, լինելու է.
«Մենք Թուրքիային էլ ենք լավ ճանաչում, Ադրբեջանին էլ։ Չենք ապավինում նրանց մարդասիրությանը, իսկ ինչ վերաբերում է Հայաստանում տեղակայված դիտորդներին, թե իբր նրանք մեզ կպաշտպանեն, ապա պետք է հիշեցնեմ, որ դիտորդները պատերազմներ չեն կանխում, նրանք հակաօդային պաշտպանության ռադարներ և հրթիռներ չունեն։ Սովորաբար մեծ տերություններն առևտուր են անում և անում են այն, ինչ կարող են, իսկ փոքր պետություններն անում են այն, ինչ նրանց թույլ են տալիս»,- ասաց Սողոմոնյանը, ապա երկիրը պայմանավորված պատերազմի և պարտության տարած Նիկոլ Փաշինյանից պահանջեց՝ կտրել այս տապալումների շղթան և պետությանը տալ հնարավորություն կենսունակ դառնալու, իսկ ժողովրդին՝ մեջքն ուղղելու։
«Եթե մտածում են, որ դա հնարավոր էր առանց Արցախի, ապա Արցախը, որը եկավ Նախիջևանից հետո, վերջը չի, Արցախին հաջորդելու է մեր հայրենիքի մյուս մասը։ Մենք ապրում ենք մի տարածաշրջանում, որտեղ մարդը մարդուն գայլ է, բոլորի պատերազմն է բոլորի դեմ, իսկ նման հանձնվելու օրակարգով, խաչմերուկ դառնալու օրակարգով մենք դառնում ենք մատաղացու գառ»,- ասաց Սողոմոնյանը՝ ընդգծելով՝ հենց այս պարտվողական օրակարգն է փորձում Փաշինյանը թղթով ամրագրել և Հայաստանը տանել երկրորդ կապիտուլյացիայի, քանի դեռ ռուս-ուկրաինական հակամարտությունը չի մոտեցել ավարտին, ինչի պարագայում դա Փաշինյանի մոտ հեշտությամբ չի ստացվի։
«Փաշինյանը շտապում է Հայաստանի կապիտուլյացիան ստորագրելու և Ռուսաստանին այս տարածաշրջանից հեռացնելու հարցում։ Փաշինյանն ուզում է թղթով և գրչով ապահովել Հայաստանի կապիտուլյացիան»,- ասաց Սողոմոնյանը։
Հարցազրույցի մանրամասները ՝ տեսանյութում։
Очередной «пузырь» на политическом поле лопнул. «Паст»
«Когда соответствующие органы годами закрывают на всё глаза» «Паст»
«Россия с вами» — помощь, которую ждут
Армения–Иран. Сильное партнёрство государств и общность ценностей народов. Арман Варданян
Армения приветствовала резолюцию ГА ООН о создании, реализации и пересмотре мандатов
Ужас на дорогах Армении. «Паст»
Пашинян втягивает Армению в очень опасную «игру». «Паст»
Снова на те же грабли. «Паст»
Армянская Апостольская Церковь подвергается давлению. Армянский народ обращается во Всемирный совет ...
Трамп принял 10 требований Ирана перед двухнедельным перемирием
